କନକ ବ୍ୟୁରୋ : ହାରିଗଲା ନଗଡାର ମାନସୀ । ଗତବର୍ଷ ଅପପୁଷ୍ଟି ପାଇଁ ଚର୍ଚ୍ଚାରେ ରହିଥିବା ଯାଜପୁର ଜିଲ୍ଲାର ନଗଡା ଅଂଚଳର ଚର୍ଚ୍ଚିତ ଝିଅ ମାନସୀ ଆଜି ଆଖି ବୁଜିଛି । ଦୁଇ ଦିନ ଧରି ହସ୍ପିଟାଲରେ ଚିକିତ୍ସିତ ହେଉଥିବାବେଳେ ଆଜି ମୃତ୍ୟୁ ହୋଇଛି । ମାନସୀ ନଗଡା ଅପପୁଷ୍ଟିର ବ୍ରାଣ୍ଡ ଫେସ୍ ଥିଲା । ମାନସୀର ଫଟୋ ଚାରିଆଡେ ଚର୍ଚ୍ଚାରେ ରହିଥିଲା ।
Kanak News is now on WhatsApp
Join and get latest news updates delivered to you via WhatsApp
ନଗଡାର ଅପପୁଷ୍ଟିକୁ ନେଇ ଗଣମାଧ୍ୟମରେ ଖବର ପ୍ରସାରଣ ହେବା ପରେ ଜିଲ୍ଲା ପ୍ରଶାସନଠାରୁ ଆରମ୍ଭ କରି କେନ୍ଦ୍ର ପର୍ଯ୍ୟନ୍ତ ବଡ ବଡ ନେତା ଓ ବାବୁ ମାନଙ୍କର ସେଠିକୁ ଧାଡି ଛୁଟିଥିଲା । ନଗଡାର ବିକାଶ ପାଇଁ ଅନେକ ଯୋଜନା ପ୍ରଶାସନ ହାତକୁ ନେଇଥିଲା । ଉନ୍ନତି ପାଇଁ ବାରମ୍ବାର ବୈଠକ କରାଯିବା ସହ ଯୋଜନା ପ୍ରସ୍ତୁତ କରାଯାଇଥିଲା । ହେଲେ ଏହି ସବୁ ଯୋଜନା ଆଜି ନଗଡାର ଝିଅ ମାନସୀଙ୍କୁ ବଂଚାଇବାରେ ଫେଲ ମାରିଛି ।