ଆସନ୍ତା ୧୫ରେ ମୋଦି ନବୀନ ଲଢେଇ ! ବଲାଙ୍ଗୀରରେ ସମାବେଶ କରିବେ ମୋଦି, ଭୁବନେଶ୍ୱରରେ ବିଜେଡିର କୃଷି ଓଡିଶା କାର୍ଯ୍ୟକ୍ରମ
କନକ ବ୍ୟୁରୋ : ଆସନ୍ତା ୧୫ ତାରିଖରେ ପୁଣି ହେବ ମୋଦି-ନବୀନ ଲଢେଇ । ମୋଦି ଆସିବେ ବଲାଙ୍ଗୀର । ଆଉ ମୋଦିଙ୍କ କାର୍ଯ୍ୟକ୍ରମକୁ କାଉଁଟର କରି ଭୁବନେଶ୍ୱରରେ ସମାନ୍ତରାଳ କୃଷକ କାର୍ଯ୍ୟକ୍ରମର ଆୟୋଜନ କରିଛି ବିଜେଡି । ବଲାଙ୍ଗୀରରେ ନରେନ୍ଦ୍ର ମୋଦି ଗର୍ଜିବାବେଳେ ଭୁବନେଶ୍ୱର ବରମୁଣ୍ଡା ପଡିଆରେ କୃଷକ କାର୍ଯ୍ୟକ୍ରମକୁ ଉଦଘାଟନ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ୧୫ରୁ ୧୯ ଜାନୁୟାରୀ ଯାଏଁ ବରମୁଣ୍ଡା ପଡିଆରେ କୃଷି ଓଡିଶା ନାଁରେ ଏହି କାର୍ଯ୍ୟକ୍ରମ ହେବ । ସୁଦୃଶ୍ୟ ପ୍ରଦର୍ଶନୀ ସହ ପ୍ରତି ସନ୍ଧ୍ୟାରେ ସାଂସ୍କୃତିକ କାର୍ଯ୍ୟକ୍ରମ ହେବ ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୧୫ ତାରିଖ ସକାଳ ସାଢ଼େ ୬ଟାରେ ବାୟୁସେନାର ସ୍ୱତନ୍ତ୍ର ବିମାନରେ ଝାରସୁଗୁଡ଼ା ବିମାନବନ୍ଦରରେ ପହଞ୍ଚିବେ । ସେଠାରୁ ହେଲିକପ୍ଟର ଯୋଗେ ବଲାଙ୍ଗିର ଯିବେ । ୧୦ଟା ୪୦ରେ ବଲାଙ୍ଗିର ରେଳ ଷ୍ଟେସନଠାରେ ଆୟୋଜିତ କାର୍ଯ୍ୟକ୍ରମରେ ବିଭିନ୍ନ ଉନ୍ନୟନମୂଳକ ପ୍ରକଳ୍ପର ଉଦଘାଟନ ଓ ଶିଳାନ୍ୟାସ କରିବେ । ସେଠାରୁ ପ୍ରଧାନମନ୍ତ୍ରୀ ହେଲିକପ୍ଟର ଯୋଗେ ପଥରଚେପା ଯାଇ ଏକ ସାଧାରଣ ସଭାକୁ ସମ୍ବୋଧନ କରିବେ । ଏହି କାର୍ଯ୍ୟକ୍ରମର ସମୟ ୧୧ଟା ୪୫ ମିନିଟ ରହିଛି । ପଥରଚେପାରେ ସାଢ଼େ ୧୨ଟାରେ ସଭା ସରିବା ପରେ ପ୍ରଧାନମନ୍ତ୍ରୀ ସେଠାରୁ ଝାରସୁଗୁଡ଼ା ଯିବେ । ଝାରସୁଗୁଡ଼ାରୁ ସେ ଅପରାହ୍ନ ୧.୪୫ ମିନିଟରେ କେରଳର ତିରୁଅନନ୍ତପୁରମ୍ ଅଭିମୁଖେ ଯାତ୍ରା କରିବାର କାର୍ଯ୍ୟକ୍ରମ ରହିଛି । ପୂର୍ବରୁ ନରେନ୍ଦ୍ର ମୋଦି ଖୋର୍ଧା ଓ ବାରିପଦାରେ ସମାବେଶର ଆୟୋଜନ କରିସାରିଛନ୍ତି ।