ବିଶ୍ୱାସରେ ଚାଲିଛି ବଜାର : ବିନା ଦୋକାନୀରେ ଚାଲିଛି ଦୋକାନ ।
ବିଶ୍ୱାସ ହିଁ ଭଗବାନ। ମାତ୍ର ଆଜିର ଅବିଶ୍ୱାସୀ ଯୁଗରେ କୌଣସି ଅଚିହ୍ନା ଲୋକ ଉପରେ ବିଶ୍ୱାସ କରିବା ବୋକାମୀ କହିଲେ ଅତ୍ୟୁକ୍ତି ହେବ ନାହିଁ । କିିନ୍ତୁ ଏହି କଥାକୁ ଭୁଲ୍ ପ୍ରମାଣିତ କରିଛନ୍ତି ମିଜୋରାମବାସୀ । ରାଜଧାନୀ ଏଜବଲରୁ ୬୫ କିଲୋମିଟର ଦୂର ହାଇୱେରେ କିଛି ଦୋକାନରେ ଦେଖିବାକୁ ମିଳିଛି ଏହାର ସତ୍ୟତା।
Kanak News is now on WhatsApp
Join and get latest news updates delivered to you via WhatsApp
ପୂରା ସ୍ୱୟଂଚାଳିତ ଖୋଲା ଦୋକାନ । ଜିନିଷ ବିକିବାକୁ ନା ଅଛନ୍ତି ଦୋକାନୀ ନା ଲାଗିଛି ସିସିଟିଭି । ଏମିତି କିଛି ଦୋକାନ ଖୋଲିଛନ୍ତି ସ୍ଥାନୀୟ ଚାଷୀ । ପ୍ରତିଦିନ ସକାଳୁ ବିକ୍ରି ପାଇଁ ନିଜର ପନିପରିବା ବାଉଁସ ଭାଡ଼ି ଉପରେ ରଖି ଏମାନେ ଚାଲିଯାଆନ୍ତି ନିଜ ଚାଷ କ୍ଷେତକୁ ।
ଗ୍ରାହକ ଯେପରି କୈାଣସି ଅସୁବିଧାର ସମ୍ମୁଖୀନ ନ ହେବେ ସେଥିପାଇଁ ବେଶ୍ ଯତ୍ନବାନ ଏମାନେ। ତେଣୁ ପ୍ରତ୍ୟେକ ସାମଗ୍ରୀର ଉଚିତ ମୂଲ୍ୟ ଲେଖିବା ସହ ଟଙ୍କା ରଖିବା ଓ ଖୁଚୁରା ପଇସା ପାଇଁ ଭିନ୍ନ ଭିନ୍ନ ଡ଼ବା ରଖିଥାନ୍ତି । ଗ୍ରାହକ ମଧ୍ୟ ଉଚିତ ଦାମ୍ ଦେଇ ଜିନିଷ ନେଇଥାନ୍ତି । ଏମିତିକି ପଇସା ନଥାଇ ମଧ୍ୟ ଲୋକେ ଜିନିଷ ନେଇ ପରେ ଆଣି ଟଙ୍କା ଦେବାର ନଜିର ରହିଛି । ବାସ୍ ଏତିକି ବିଶ୍ୱାସ ତାଙ୍କୁ ଆଜି ବିଶ୍ୱ ଆଗରେ ପରିଚିତ କରିଛି ଏକ ଭିନ୍ନ ରୂପରେ।