ଅଜଣା ରୋଗ ଆତଙ୍କ : ବାଲେଶ୍ୱରର ରଘୁନାଥପୁର ଗାଁରେ ଗଲାଣି ୫ ଯୁବକଙ୍କ ଜୀବନ
କନକ ବ୍ୟୁରୋ : ବାଲେଶ୍ୱର ସଦର ବ୍ଲକ ଅନ୍ତର୍ଗତ ବଇଁଚା ପଞ୍ଚାୟତର ରଘୁନାଥପୁର ଗାଁରେ କିଛିଦିନ ହେଲା ଏକ ଅଜଣା ରୋଗ ଲୋକଙ୍କ ନିଦ ହଜାଇ ଦେଇଛି। ବର୍ଷେ ଭିତରେ ଏହି ରୋଗ ଗାଁର ପାଞ୍ଚ ଜଣ ଯୁବକ ଅଜଣା ରୋଗରେ ଆକ୍ରାନ୍ତ ହୋଇ ଆଖିବୁଜି ସାରିଲେଣି। ଏବେ ଆଉ ୫ଜଣ ଯୁବକ ମଧ୍ୟ ସେହି ରୋଗରେ ଆକ୍ରାନ୍ତ ହୋଇ ମୃତ୍ୟୁ ସହ ସଂଗ୍ରାମ କରୁଛନ୍ତି । ସେମାନଙ୍କୁ ଭଲ କରିବା ପାଇଁ ଲକ୍ଷାଧିକ ଟଙ୍କା ଖର୍ଚ୍ଚ କରି ପରିବାର ଲୋକେ ସର୍ବସ୍ୱାନ୍ତ ହୋଇପଡ଼ିଲେଣି ।
Kanak News is now on WhatsApp
Join and get latest news updates delivered to you via WhatsApp
ଗତ ଏକ ବର୍ଷ ଭିତରେ ଅଜଣା ରୋଗରେ ପ୍ରାଣ ହରାଇଥିବା ଯୁବକମାନେ ହେଲେ ବ୍ରଜେନ୍ଦ୍ର ବେହେରାଙ୍କ ପୁଅ ଦୀପକ(୨୨), ଯୋଗେନ୍ଦ୍ର ବେହେରାଙ୍କ ପୁଅ ଶିବ(୨୩), ଭିକାରୀ ବେହେରାଙ୍କ ପୁଅ ନିତ୍ୟାନନ୍ଦ(୨୪), ପରମାନନ୍ଦ ବେହେରାଙ୍କ ପୁଅ ଧନଞ୍ଜୟ(୩୦) ଓ ସ୍ଥାନୀୟ ପୋତାଗାଁର ଦାମୋଦର ଜେନା(୩୫) । ଅନ୍ୟପକ୍ଷରେ ଏହି ରୋଗରେ ଆକ୍ରାନ୍ତ ଥିବା ରଘୁନାଥପୁର ଗାଁର ଯୁବକମାନେ ହେଲେ କୈଳାସ ମାଝୀଙ୍କ ପୁଅ ବାପୁ(୨୫), ବନମାଳୀ ମାଝୀଙ୍କ ପୁଅ ପ୍ରଦୀପ(୨୬), କଟି ତରେଇଙ୍କ ପୁଅ ରମେଶ(୨୭), ନିରଂଜନ ମାଝୀଙ୍କ ପୁଅ ପୂର୍ଣ୍ଣଚନ୍ଦ୍ର ମାଝୀ ଓ ମନୋରଂଜନ ଖଟୁଆଙ୍କ ପୁଅ ମାଲିରାମ(୨୮) ।