ଖଣିମାଲିକଙ୍କଠାରୁ ଜରିମାନା ଅର୍ଥ ଆଦାୟ ପାଇଁ ଅଣ୍ଟାଭିଡ଼ିଲା ଖଣିବିଭାଗ । ଖୁବଶୀଘ୍ର ୫୬ ଖଣିମାଲିକଙ୍କୁ ହେବ ନୋଟିସ
କନକ ବ୍ୟୁରୋ : ଖୁବ ଶୀଘ୍ର ଖଣି ମାଲିକଙ୍କୁ ହେବ ନୋଟିସ । ୫୬ଟି ଖଣି ମାଲିକଙ୍କୁ ନୋଟିସ କରାଯିବା ନେଇ ସୂଚନା ଦେଇଛନ୍ତି ଖଣି ମନ୍ତ୍ରୀ ପ୍ରଫୁଲ୍ଲ ମଲ୍ଲିକ । ୫୬ଟି ଖଣିରୁ ୭ ହଜାର ୬୮୯ କୋଟି ଟଙ୍କା ଆଦାୟ କରାଯିବ । ଏନେଇ ଜିଲ୍ଲାପାଳଙ୍କ ଅଧ୍ୟକ୍ଷତାରେ କମିଟି ଗଠନ କରାଯିବ । ସୁପ୍ରିମକୋର୍ଟଙ୍କ ନିର୍ଦ୍ଦେଶ ଅନୁସାରେ କାର୍ଯ୍ୟ କରାଯିବ । ୫୬ଟି ଖଣିରୁ ୧୩ ଜଣ ଅଧା ପେମେଂଟ କରିଥିବା ଖଣି ମନ୍ତ୍ରୀ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବାରମ୍ବାର ନୋଟିସ ସତ୍ତ୍ୱେ ଜରିମାନା ଦେଉନଥିବା ଖଣିମାଲିକଙ୍କ ବିରୋଧରେ କଠୋର କାର୍ଯ୍ୟନୁଷ୍ଠାନ ପାଇଁ ପ୍ରସ୍ତୁତ ହେଉଛନ୍ତି ଓଡ଼ିଶା ସରକାର । ପ୍ରାୟ ୫୬ଟି ଲଜଧାରୀଙ୍କୁ ନୋଟିସ ପଠାଇବାକୁ ରାଜ୍ୟ ଖଣିବିଭାଗ ବିଚାର କରୁଛି । ଏମାନଙ୍କ ମଧ୍ୟରୁ ୧୩ଟି ଲିଜଧାରୀ ଜରିମାନା ରାଶିର ଅଧା ପୈଠ କରିଛନ୍ତି ବୋଲି କହିଛନ୍ତି ରାଜ୍ୟ ଖଣିମନ୍ତ୍ରୀ ପ୍ରଫୁଲ୍ଲ ମଲ୍ଲିକ କହିଛନ୍ତି ।
ଗତ ବର୍ଷ ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ ରାଜ୍ୟ ସରକାର ୧୩୧ଟି ଲୁହାପଥର ଓ ମାଙ୍ଗାନିଜ ଖଣି ଲିଜଧାରୀଙ୍କୁ ଜରିମାନା ପୈଠପାଇଁ ନିର୍ଦ୍ଦେଶ ଦେଇଥିଲେ । ଡିସେମ୍ବର ୩୧ ସୁଦ୍ଧା ଜରିମାନା ରାଶି ପ୍ରଦାନ ପାଇଁ ସମୟସୀମା ଧାର୍ଯ୍ୟ କରାଯାଇଥିଲା । ଏମାନଙ୍କଠାରୁ ୧୭,୫୭୬ କୋଟି ଟଙ୍କାର ଜରିମନା ବସାଯାଇଥିଲା । ତେବେ ଏହି ସମୟସୀମା ମଧ୍ୟରେ ଅର୍ଥ ପୈଠ କରିନଥିବାରୁ ଲିଜଧାରୀଙ୍କଠାରୁ ସୁଧ ସହ ଜରିମାନା ଆଦାୟ କରିବାକୁ ସୁପ୍ରିମକୋର୍ଟ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେଇଥିଲେ । ରାଜ୍ୟ ସରକାର ଏପର୍ଯ୍ୟନ୍ତ ୧୨ ହଜାର କୋଟି ଟଙ୍କା ଆଦାୟ କରିଛନ୍ତି । ତେବେ ଅର୍ଥ ପୈଠ କରିନଥିବା ଲିଜଧାରୀଙ୍କଠାରୁ ସୁଧସମେତ ଆଉ ୭୬୮୯ କୋଟି ଟଙ୍କା ଆଦାୟ କରିବାକୁ ସରକାର ଲକ୍ଷ୍ୟ ରଖିଛନ୍ତି ।