ଓଡିଶା ଦକ୍ଷତା ବିକାଶ ପ୍ରାଧିକରଣର ଅଧ୍ୟକ୍ଷ ପଦରୁ ସୁବ୍ରତ ବାଗଚିଙ୍କ ଇସ୍ତଫା । ମିଳିଥିଲା କ୍ୟାବିନେଟ ପାହ୍ୟା ନିଜେ ଗଢିଥିବା କମ୍ପାନୀକୁ ଉଦ୍ଧାର ପାଇଁ ଛାଡିଲେ ପଦ

କନକ ବ୍ୟୁରୋ: ଓଡିଶା ଦକ୍ଷତା ବିକାଶ ପ୍ରାଧିକରଣ, ଓଏସଡିଏର ଅଧ୍ୟକ୍ଷ ପଦରୁ ସୁବ୍ରତ ବାଗଚି ଇସ୍ତଫା ଦେଇଛନ୍ତି । ଟ୍ୱିଟ ମାଧ୍ୟମରେ ସେ ତାଙ୍କର ଇସ୍ତଫା ସମ୍ପର୍କରେ ସୂଚନା ଦେଇଛନ୍ତି । ତାଙ୍କ ଦ୍ୱାରା ସ୍ଥାପିତ ଆଇଟି କମ୍ପାନୀ ମାଇଣ୍ଡଟ୍ରିକୁ ଅଧିଗ୍ରହଣ କରିବା ଲାଗି ଏଲ ଆଣ୍ଡ ଟି ଉଦ୍ୟମ କରୁଛି । ଏଥିରୁ ମାଇଣ୍ଡଟ୍ରିକୁ ରକ୍ଷା କରିବା ଲାଗି କମ୍ପାନୀର ପ୍ରତିଷ୍ଠାତାମାନେ ଉଦ୍ୟମ କରୁଛନ୍ତିା

Kanak News is now on WhatsApp

Join and get latest news updates delivered to you via WhatsApp

Join Now

Mindtree has not been designed as an “asset” to be bought & sold. It is a national resource. It has a unique culture that humanizes the idea of business. It sets the standards of corporate governance. I need to be there in its time of difficulty. Hence the hard decision to return

— Subroto Bagchi (@skilledinodisha) March 17, 2019

ନିଜ ହାତରେ ଗଢିଥିବା କମ୍ପାନୀକୁ ଏଭଳି ସମୟରେ ଉଦ୍ଧାର କରିବା ଲାଗି ସେ ଓଏସଡିଏ ଅଧ୍ୟକ୍ଷ ପଦରୁ ଇସ୍ତଫା ଦେଉଛନ୍ତି ବୋଲି ବାଗଚି ଦର୍ଶାଇଛନ୍ତି । ବାଗଚିଙ୍କୁ ୨୦୧୬ ମସିହାରେ ଓଡିଶା ଦକ୍ଷତା ବିକାଶ ପ୍ରାଧିକରଣର ଅଧ୍ୟକ୍ଷ ଭାବେ ନିଯୁକ୍ତି ଦେଇଥିଲେ ରାଜ୍ୟ ସରକାର । ରାଜ୍ୟର ଯୁବବର୍ଗଙ୍କ ଦକ୍ଷତା ବିକାଶ କରି ସେମାନଙ୍କୁ ଦେଶ ବିଦେଶରେ ନିଯୁକ୍ତିକ୍ଷମ କରିବା ଲାଗି ରାଜ୍ୟ ସରକାର ଏହି ନିଯୁକ୍ତି ଦେଇଥିଲେ । ସୁବ୍ରତ ବାଗଚିଙ୍କୁ କ୍ୟାବିନେଟ ପାହ୍ୟା ବି ମିଳିଥିଲା ।