ବିରୋଧୀ ଦଳ ନେତାଙ୍କ ଘରେ ଅଦିନିଆ ବିଧାୟକ ଦଳ ବୈଠକ ! ଚିରଂଜୀବୀ କହିଲେ, ଆସନ୍ତା ୧୬ରେ ଏଆଇସିସି ବୈଠକ ପାଇଁ ଦିଲ୍ଲୀ ଯିବେ ସବୁ ନେତା
କନକ ବ୍ୟୁରୋ: ବିରୋଧୀ ଦଳ ନେତାଙ୍କ ଘରେ ବସିଥିବା ବିଧାୟକ ଦଳ ବୈଠକ ଶେଷ ହୋଇଛି । ବିରୋଧୀ ଦଳ ନେତା ନରସିଂହ ମିଶ୍ରଙ୍କ ଘରେ ବସିଥିବା ବୈଠକରେ କଂଗ୍ରେସର ସମସ୍ତ ବିଧାୟକ ସାମିଲ ହୋଇଥିବା ବେଳେ ୪ ଜଣ ବିଧାୟକ ଅନୁପସ୍ଥିତ ଥିଲେ । ନବ ଦାସ,କୃଷ୍ଣ ଶଗରିଆ,କୈଳାଶ କୁଳେସିକା, କେ ସୂର୍ଯ୍ୟନାରାୟଣ ରାଓ ବୈଠକରେ ସାମିଲ ହୋଇନାହାନ୍ତି । ଆସନ୍ତା ୧୬ରେ ଏଆଇସିସି ବୈଠକ ଥିବାରୁ ସମସ୍ତ କଂଗ୍ରେସ ନେତା ଦିଲ୍ଲୀ ଯିବେ । ଦଳର ସ୍ଥିତି ଓ ସଂଗଠନକୁ ନେଇ ହାଇକମାଣ୍ଡକୁ ଜଣାଇବେ ବୋଲି ଚିରଂଜୀବି ବିଶ୍ୱାଳ କହିଛନ୍ତି । ଏହା ସହ ବିଧାନଭାରେ କଂଗ୍ରେସର ରଣନୀତି ନେଇ ଆଲୋଚନା କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
କିଛି ଦିନ ପୂର୍ବରୁ ଦଳର ଶୃଙ୍ଖଳା କମୀଟି ଅଧ୍ୟକ୍ଷା ସଂଧ୍ୟା ମହାପାତ୍ରଙ୍କ ପିସିସି ସଭାପତିଙ୍କ ଉପରେ ବୟାନକୁ ନେଇ ଦଳରେ ଝଡ ସୃଷ୍ଟି ହୋଇଥିବା ବେଳେ ଏପଟେ ଅଦିନିଆ କଂଗ୍ରେସ ବିଧାୟକ ଦଳ ବୈଠକକୁ ନେଇ ଚର୍ଚ୍ଚା ଜୋର ଧରିଥିଲା । କାରଣ ଦୀର୍ଘ ଦିନ ହେବ ପିସିସି ପରିବର୍ତନ ନେଇ ସଭାପତି ଓ ବିଧାୟକ ଦଳ ଭିତରେ ବିବାଦ ଲାଗି ରହିଥିବାରୁ ଏହି ବୈଠକରେ ଗୁରୁତ୍ୱପୂର୍ଣ୍ଣ ନିଷ୍ପତି ନିଆଯାଇପାରେ ବୋଲି ଶୁଣିବାକୁ ମିଳିଥିଲା।