କଂଗ୍ରେସ ବିଧାୟକଙ୍କ ମୁଁହରେ ବିଦ୍ରୋହ ! ପ୍ରସାଦ ହଟାଅ, କଂଗ୍ରେସ ବଂଚାଅ
କନକ ବ୍ୟୁରୋ: ରାଜ୍ୟ କଂଗ୍ରେସରେ ପୁଣି କନ୍ଦଳ । ଜୋର ଧରୁଛି ପ୍ରସାଦ ହଟାଅ ଅଭିଯାନ । ପିସିସି ସଭାପତି ପଦରୁ ପ୍ରସାଦ ନହଟିଲେ ଦଳ ଛାଡିବାକୁ ଚରମବାଣୀ ଶୁଣାଇଛନ୍ତି କଂଗ୍ରେସ ବିଧାୟକ । ଖୋଲାଖୋଲି କହିଛନ୍ତି ମଙ୍ଗୁଆଳ ବଦଳାଅ ନଚେତ୍ ବାଏ ବାଏ କରିବୁ । ସେପଟେ ପୁଣି ଜ୍ୱାଇଁଙ୍କୁ ସୁରକ୍ଷା ଦେବାକୁ ଅଂଟା ଭିଡିଛନ୍ତି ଶ୍ୱଶୁର ସୁର ରାଉତରାୟ । କହିଛନ୍ତି ଅନ୍ୟ ଦଳ ସହ ସମ୍ପର୍କ ରଖି ବିଧାୟକମାନେ ଏପରି କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବିରୋଧୀଦଳ ନେତା ନରସିଂହ ମିଶ୍ରଙ୍କ ଘରେ କଂଗ୍ରେସ ବିଧାୟକ ଦଳର ବୈଠକ ପୁରା ଦଳରେ ଗୁଂଜରଣ ସୃଷ୍ଟି କରିଛି । ଆଉ ବୈଠକ ପରେ ବିଧାୟକଙ୍କ ବୟାନ ଦଳ ମୁଖିଆଙ୍କ ପାଇଁ ଚିନ୍ତାର କାରଣ ପାଲଟିଛି । ଆସନ୍ତା ୧୬ ତାରିଖରୁ ଦିଲ୍ଳୀରେ ହେବାକୁ ଥିବା ଏଆଇସିସିର ଅଧିବେଶନରେ ପୁଣି ଜୋର ଧରିପାରେ ବିଧାୟକ ଦଳର ଦାବି ।
ଏପଟେ ପୁଣି ଜ୍ୱାଇଁଙ୍କୁ ସୁରକ୍ଷା ଦେବାକୁ ଅଂଟା ଭିଡିଛନ୍ତି ଶ୍ୱଶୁର ସୁର ରାଉତରାୟ । ପ୍ରସାଦ ନୁହେଁ ବରଂ ଅନ୍ୟ ଦଳ ସହ ସମ୍ପର୍କ ରଖି ବିଧାୟକ ମାନେ ହିଁ କଂଗ୍ରେସକୁ ଏଭଳି ପରିସ୍ଥିତିରେ ପକାଇଥିବା କହିଛନ୍ତି । ଏବେ ଏଆଇସିସି ଅଧିବେଶନ ଉପରେ ସମସ୍ତଙ୍କ ନଜର । କାରଣ ନିକଟ ଭବିଷ୍ୟତରେ ରାଜ୍ୟ କଂଗ୍ରେସ ରାଜନୀତିରେ ଏକ ବଡ ପରିବର୍ତନ ହେବାର ସମ୍ଭାବନା ଅଛି ବୋଲି ରାଜନୈତିକ ମହଲରେ ଚର୍ଚ୍ଚା ଜୋର ଧରିଛି ।