ବନ୍ଧା ହେଲେ ବୋହୂ ୪୨୦ ! ଘର ଓ ଜମି ହଡପ ପାଇଁ ଯୋଗାଡ କରିଥିଲା ବଂଚିଥିବା ଶାଶୁଙ୍କ ଡେଥ୍ ସାର୍ଟିଫିକେଟ
କନକ ବ୍ୟୁରୋ : ସ୍ମାର୍ଟ ସିଟିର ସ୍ମାର୍ଟ ବୋହୂ ! ଏହି ବୋହୂଙ୍କ କାରନାମା ଶୁଣିଲେ ଆପଣଙ୍କ ପାଦତଳୁ ମାଟି ଖସିଯିବ । ବୋହୂ ଅର୍ଚ୍ଚନା ମିଶ୍ର । ରାଜଧାନୀରେ ଥିବା ଶାଶୁଙ୍କ ସଂପତ୍ତି ହଡପ ପାଇଁ ନିଜ ବଂଚିଥିବା ଶାଶୁଙ୍କୁ ମାରି ଦେଇଛନ୍ତି । ୧୦ ଡିସେମ୍ବର ୨୦୧୬ ମସିହାରୁ ନିଜ ଶାଶୁ ସୁଲଚନା ମିଶ୍ରଙ୍କୁ ମୃତ ଘୋଷଣା କରି ସରକାରୀ ଖାତାରେ ମାରି ଦେଇଛନ୍ତି । ୭ ମାର୍ଚ୍ଚ ୨୦୧୭ରୁ ଏହି ସାର୍ଟିଫିକେଟ ହାସଲ କରିବା ପରେ, ଜମି ହଡପ ପକ୍ରିୟା ଆରମ୍ଭ କରିଥିଲେ ଏହି ୪୨୦ ବୋହୂ । ହେଲେ ଠିକ ସମୟରେ ଥାନାରେ ହାଜର ହୋଇଯାଇଥିଲେ ସରକାରୀ ଖାତାରେ ମରି ଯାଇଥିବା ଶାଶୁ ।
Kanak News is now on WhatsApp
Join and get latest news updates delivered to you via WhatsApp
ଖାଲି ସେତିକି ନୁହେଁ ୧୨ ଅଗଷ୍ଟ ୨୦୧୬ରେ ନିଜ ଜୀବନ୍ତ ଶ୍ୱଶୁରଙ୍କୁ ବି ମାରି ଦେଇଥିଲେ ଏହି ବୋହୂ । ଯାହାର ନକଲ ଆପଣଙ୍କ ସାମନାରେ । ବଂଚିଥିବା ଶ୍ୱଶୁର ବିଦ୍ୟାଧର ମିଶ୍ରଙ୍କୁ ବି ଏହି ବୋହୁ ସରକାରୀ ଖାତାରେ ମାରି ଦେଇଥିଲେ । କିନ୍ତୁ ତାଙ୍କୁ ଶ୍ୱଶୁର ଏହାର ୪ ଦିନ ପରେ, ଦେହତ୍ୟାଗ କରିଥିଲେ । ଜମି ପାଇଁ ଡେଥ୍ ସାର୍ଟିଫିକେଟ ଦାଖଲ କରିବା ପରେ, ଥାନାରେ ଏହି ୪୨୦ ବୋହୁଙ୍କ ନାମରେ ଏତଲା ଦେଇଥିଲେ ତାଙ୍କ ଦେଢଶୁର ଦୀନବନ୍ଧୁ ମିଶ୍ର । ଆଉ ତାପରେ ପୁଲିସ ହାତରେ ଲାଗିଥିଲା ଏହି ଚାଲବାଜ ମହିଳା ।
ଦଫା ୪୨୦,୪୬୭, ୪୬୮, ୪୭୧ରେ ବୋହୂକୁ ଲକ୍ଷ୍ମୀସାଗର ଥାନା ପୁଲିସ ଗିରଫ କରିଛି । ହେଲେ ପ୍ରଶ୍ନ ଉଠୁଛି – ବି.ଏମ.ସିର ହେଲଥ୍ ଡିପାର୍ଟମେଂଟ କେମିତି ଏହି ଡେଥ୍ ସାର୍ଟିଫିକେଟ ଇସ୍ୟୁ କଲା । ସରକାରୀ ଖାତାରେ କେମିତି ଜୀବନ୍ତ ଲୋକଙ୍କୁ ମାରି ଦିଆଗଲା ?