ଜାମ୍ମୁ-କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ମେହେବୁବାଙ୍କ ବିଜେପିକୁ ଧମକ, ପିଡିପି ଭାଙ୍ଗିଲେ ଆହୁରି ସାଲାଉଦ୍ଦିନ ଜନ୍ମ ନେଇପାରନ୍ତି
କନକ ବ୍ୟୁରୋ : ଜାମ୍ମୁ-କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ତଥା ପିଡିପି ର ମୁଖ୍ୟ ମେହେବୁବା ମୁଫତି କେନ୍ଦ୍ରସରକାରଙ୍କୁ ଚେତବନୀ ଦେଇ କହିଛନ୍ତି ଯେ, “ ଯଦି ସେମାନେ ପିଡିପିକୁ ଭାଙ୍ଗିବାକୁ ଚେଷ୍ଟା କରିବେ ତେବେ ଜାମ୍ମୁରେ ଅନେକ ସଲାଉଦ୍ଦିନ ଜନ୍ମ ନେବା ସହ ୯୦ ଦଶକରେ ଯେପରି ସ୍ଥିତି ହୋଇଥିଲା ସେପରି ହୋଇପାରେ” ବୋଲି ମେହେବୁବା କହିଛନ୍ତି । ମେହେବୁବା କହିଛନ୍ତି ଜାମ୍ମୁ-କାଶ୍ମୀରରେ ଯେତେବେଳେ ନିର୍ବାଚନ ହୋଇଥିଲା ସେତେବେଳେ ସମୟରେ ନିର୍ବାଚନରେ ବ୍ୟାପକ ଗଡବଡ ହୋଇଥିବା ଜଣାପଡିଥିଲା । କେବଳ ଏହି କାରଣ ପାଇଁ ସଲାଉଦ୍ଦିନ ଜନ୍ମ ନେଇଥିଲା । ଯଦି ବର୍ତ୍ତମାନ ପରିସ୍ଥିତିରେ କେନ୍ଦ୍ରରେ ଶାସନ କରୁଥିବା ବିଜେପି ସରକାର ଦଳ ଭାଙ୍ଗିବାକୁ ଚେଷ୍ଟା କରନ୍ତି ତେବେ ୯୦ ଦଶକରେ ଯେପରି ପରିସ୍ଥିତି ସୃଷ୍ଟି ହୋଇଥିଲା ବର୍ତ୍ତମାନ ତାହାଠାରୁ ବି ଖରାପ ପରିସ୍ଥିତି ହୋଇପାରେ ବୋଲି ମେହେବୁବା କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମେହେବୁବାଙ୍କ ବୟାନପରେ ଜାମ୍ମୁର ବିଜେପି ଅଧ୍ୟକ୍ଷ ରବିନ୍ଦ୍ର ରେନା କହିଛନ୍ତି, “ଆମେ ମାନେ ସଂଘୀୟ ବ୍ୟବସ୍ଥା ମଧ୍ୟରେ ରହିଛନ୍ତି । ତେବେ ଏପରି ଆପତ୍ତିଜନକ ମନ୍ତବ୍ୟ ଦେବା ଜମାବି ଠିକ୍ ନୁହେଁ । ବିଜେପି ପିଡିପିକୁ ଭାଙ୍ଗି ଜାମ୍ମୁରେ ସରକାର କରିବା ଲାଗି ଚେଷ୍ଟା କରୁନାହିଁ । ତେଣୁ ଅଯଥା ବିବାଦୀୟ ମନ୍ତବ୍ୟ ଦେବାର କୈାଣସି ଆବଶ୍ୟକତା ନାହିଁ ବୋଲି ରାନେ କହିଛନ୍ତି । ଆମ ଦଳ କେବଳ ଦେଶରେ କିପରି ଭାବରେ ସୁଶାସନ ଓ ବିକାଶ ହେବ ସେହି କଥା ଚିନ୍ତା କରୁଛି । ତେଣୁ ବିନା କୈାଣସି ପ୍ରମାଣରେ ଏପରି କହିବା ସମ୍ମିଚୀନ ନୁହେଁ” ବୋଲି ରାନେ କହିଛନ୍ତି । ପିଡିବି ଅନ୍ୟ ଦଳର ବିଧାୟକମାନଙ୍କୁ ନିଜ ଦଳକୁ ସମର୍ଥନ ଦେବା ସହ ସରକାର ଗଢିବାକୁ ସାହାର୍ଯ୍ୟ ମାଗୁଥିବା ନେଇ ଚର୍ଚ୍ଚା ହେଉଛି ।
ସବୁଠାରୁ ଗୁରୁତ୍ୱ ପୂର୍ଣ୍ଣକଥା ହେଲା ଯେ, ପିଡିପିର ୫ ଜଣ ବିଧାୟକ ପାର୍ଟି ଅଧ୍ୟକ୍ଷ ତଥା ପୂର୍ବତନ ମୁଖ୍ୟମନ୍ତ୍ରୀଙ୍କୁ ବିରୋଧ କରି ଗଣମାଧ୍ୟମରେ ବୟାନ ଦେଉଥିବାର ମଧ୍ୟ ଦେଖାଯାଉଛି । ଏ ପଟେ ଇମରାମ ଅନସାରୀ ଦୁଇ ଦିନ ପୂର୍ବରୁ ଅନ୍ୟ ଏକ ମୋର୍ଚ୍ଚା ଗଠନ କରିବେ ବୋଲି କହିଛନ୍ତି । ତେବେ ସେ ଦଳ କରିବା ପୂର୍ବରୁ ପିଡିପି ନାଁରେ କେତେକ ଅଭିଯୋଗ ମଧ୍ୟ ଆଣିଛନ୍ତି ବୋଲି ଗଣମାଧ୍ୟମରେ ଚର୍ଚ୍ଚା ଜୋର ଧରିଛି ।
ବର୍ତ୍ତମାନ ସମୟରେ ଜାମ୍ମୁ-କାଶ୍ମୀରରେ ସରକାର ଗଠନ କରିବା ଲାଗି କୈାଣସି ଦଳ ପାଖରେ ସଂଖ୍ୟା ଗରିଷ୍ଠତା ନାହିଁ । ତେଣୁ ଗୋଟିଏ ଦଳ ଏକାକି ସେଠାରେ ସରକାର ଗଠନ କରିବା ଅସମ୍ଭବ । ମୋଟ ୮୭ ଆସନରୁ ପିଡିପି ପାଖରେ ୨୮, ବିଜେପି ପାଖରେ ୨୫ ରହିଛି । ତେବେ ଅନ୍ୟ ଦଳର ବିଧାୟକମାନେ ସମର୍ଥନ ଦେଲେ ଏହି ଦଳ ମଧ୍ୟରୁ କୈାଣସି ଏକ ଦଳ ସରକାର ଗଠନ କରିପାରନ୍ତି । ତେବେ ରାଜ୍ୟରେ ସରକାର କରିବାକୁ ହେଲେ ସର୍ବନିମ୍ନ ୪୪ ଟି ଆସନର ଆବଶ୍ୟକତା ରହିଛି । ଆଗକୁ ସାଧାରଣ ନିର୍ବାଚନ ମଧ୍ୟ ରହିଛି । ତେଣୁ ସମସ୍ତ ଦିଗକୁ ଦେଖି ଜାମ୍ମୁରେ କେଉଁ ଦଳ ଲୋକମାନଙ୍କ ବିଶ୍ୱାସ ଜିତିବ ତାହା ଉପରେ ସମସ୍ତଙ୍କ ନଜର ରହିଛି ।