ଇସ୍ରୋ ପାଇଁ ଆଉ ଏକ ସଫଳତା ! ଫ୍ରେଞ୍ଚ ଗୁଏନାରୁ ଉତକ୍ଷେପଣ ହେଲା ଭାରତୀୟ ସାଟେଲାଇଟ୍ GSAT31
କନକ ବ୍ୟୁରୋ : ଭାରତ ମହାକାଶରେ ପୁଣି ଏକ ବଡ଼ ସଫଳତା ହାସଲ କରିଛି । ଭାରତର ସଂଚାର ଉପଗ୍ରହ ଜିସାଟତ ୩୧କୁ ୟୁରୋପୀୟ କମ୍ପାନୀ ଏରିୟନସ୍ପେସର ଏରିୟନ୍ ରକେଟ୍ ତରଫରୁ ବୁଧବାର ବିଳମ୍ବିତ ରାତି ୨ ଟାରେ ଜିସାଟ୍୩୧କୁ ଲଂଚ କରାଯାଇଛି । ଭାରତ ପୂର୍ବରୁ ଅନେକ ଥର ଫ୍ରେଞ୍ଚ ଗୁଏନାରୁ ଉପଗ୍ରହ ଉତକ୍ଷେପଣ କରିଛି, ଆଉ ଏବେ ଏହା ଭାରତ ପାଇଁ ଆଉ ଏକ ବଡ଼ ସଫଳତା ।
Kanak News is now on WhatsApp
Join and get latest news updates delivered to you via WhatsApp
ବୁଧବାର ପ୍ରତ୍ୟୁଷରେ ଫ୍ରେଞ୍ଚ୍ ଗୁଏନା ସ୍ଥିତ ଏରିଏନ୍ ସ୍ପେସ୍ ରକେଟ୍ ଠାରେ ଭାରତର ସଦ୍ୟତମ ଯୋଗାଯୋଗ କୃତ୍ରିମ ଉପଗ୍ରହ ଜିସାଟ୍-୩୧କୁ ସଫଳତାର ସହ ଉତକ୍ଷେପଣ କରାଯାଇଛି । ୪୨ ମିନିଟର ଏକ ତ୍ରୁଟିହୀନ ଉଡ଼ାଣ ପରେ ଏରିଏନ୍-ଫାଇଭ୍ ଯାନ ଜିସାଟ୍-୩୧କୁ କକ୍ଷପଥରେ ଅବସ୍ଥାପିତ କରିଥିଲା । ଉତକ୍ଷେପଣ ପରେ ପରେ ଭାରତୀୟ ମହାକାଶ ଗବେଷଣା ସଂସ୍ଥାନର (ଇସ୍ରୋ) ନିର୍ଦେଶକ ଏସ୍ ପାଣ୍ଡିଆନ୍ କହିଛନ୍ତି, ଏରିଏନ୍-ଫାଇଭ୍ ଦ୍ୱାରା ଜିସାଟ୍-୩୧ ସଫଳ ଭାବେ ଉତକ୍ଷେପିତ ହୋଇଥିବାରୁ ମୁଁ ଆନନ୍ଦିତ । ୨୦୧୯ରେ ଏଇଟା ଇସ୍ରୋର ୩ୟ ଅଭିଯାନ । କୃତ୍ରିମ ଉପଗ୍ରହର ସଫଳ ଉତକ୍ଷେପଣ ଓ କକ୍ଷପଥରେ ସଂକ୍ଷିପ୍ତ ସ୍ଥାପନା ଲାଗି ଏରିଏନସ୍ପେସକୁ ଅଭିନନ୍ଦନ ।
୨, ୫୩୫ କିଲୋ ଓଜନ ବିଶିଷ୍ଟ ଜିସାଟ୍-୨୧ କକ୍ଷପଥରେ ଘୂରିବୁଲୁଥିବା କେତେକ କୃତ୍ରିମ ଉପଗ୍ରହର ସେବାଯୋଗାଣରେ ନିୟମିତା ବଜାୟ ରଖିବାରେ ସହାୟକ ହେବ। ଏହା ହେଉଛି ଦେଶର ୪୦ତମ ଯୋଗାଯୋଗ କୃତ୍ରିମ ଉପଗ୍ରହ । ଏହାର ପରମାୟୁ ୧୫ ବର୍ଷ ଏବଂ ଏହା ଭିସାଟ୍ ନେଟ୍ଓ୍ଵର୍କ, ଟେଲିଭିଜନ୍ ଅପଲିଙ୍କ୍, ଡିଜିଟାଲ୍ ସାଟେଲାଇଟ୍ ନିଉଜ୍ ଗ୍ୟାଦରିଙ୍ଗ୍, ଡିଟିଏଚ୍-ଟେଲିଭିଜନ୍ ସର୍ଭିସ୍, ସେଲୁଲାର୍ ବ୍ୟାକ୍ହଲ୍ ସଂଯୋଗ ଆଦି କ୍ଷେତ୍ରରେ କାର୍ୟ୍ୟ କରିବ ।