ଅସନ୍ତୁଷ୍ଟ ସଂଗଠନକୁ ମନାଇବାକୁ ନବୀନଙ୍କ ନୂଆ ରଣନୀତି । ନିର୍ବାଚନ ପୂର୍ବରୁ ଗଠନ ହେଲା ୩ ଜଣିଆ ଅନ୍ତଃମନ୍ତ୍ରୀସ୍ତରୀୟ କମିଟି ।
ବିଭିନ୍ନ ସଂସ୍ଥା ଓ ସଂଗଠନ ସମସ୍ୟାର ସମାଧାନ ପାଇଁ ଗଠନ ହେଲା ସରକାର ଓ ସଂଗଠନ ମଧ୍ୟରେ ସମ୍ମନ୍ୱୟ ରକ୍ଷା କରିବାକୁ ନବୀନଙ୍କ ପ୍ରୟାସ ।
କନକ ବ୍ୟୁରୋ: ବିଭିନ୍ନ ସଂସ୍ଥା ଓ ସଂଗଠନର ସମସ୍ୟାର ସମାଧାନ ପାଇଁ ଗଠନ ହେଲା ଅନ୍ତଃମନ୍ତ୍ରୀସ୍ତରୀୟ କମିଟି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶାନୁକ୍ରମେ ଗଠନ ହେଲା ୩ ଜଣିଆ ଅନ୍ତଃ ମନ୍ତ୍ରୀ ସ୍ତରୀୟ କମିଟି । ଏହି ମନ୍ତ୍ରୀସ୍ତରୀୟ କମିଟିରେ ଅର୍ଥ ଓ ଅବକାରୀ ବିଭାଗ ମନ୍ତ୍ରୀ ଶଶିଭୂଷଣ ବେହେରା, ବାଣିଜ୍ୟ ଓ ପରିବହନ ମନ୍ତ୍ରୀ ନୃସିଂହ ଚରଣ ସାହୁ ଏବଂ ମହିଳା ଓ ଶିଶୁ ବିକାଶ ମନ୍ତ୍ରୀ ପ୍ରଫୁଲ୍ଲ ସାମଲ ସଦସ୍ୟ ରହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ଏହି ଅନ୍ତଃମନ୍ତ୍ରୀସ୍ତରୀୟ କମିଟି ରାଜ୍ୟର ବିଭିନ୍ନ ସଂଗଠନ ଯଥା, ପୋଲିସ ମହାସଂଘ, ଅଙ୍ଗନୱାଡି ସଂଗଠନ, ଚିଟଫଣ୍ଡ ଜମାକାରୀ ସଂଘ, କୃଷକ ସଂଗଠନ ଭଳି ବିଭିନ୍ନ ସଂଗଠନର ସମସ୍ୟା ଗୁଡ଼ିକ ବିଷୟରେ ତର୍ଜମା କରିବେ । ଏହା ସହ ବିଭିନ୍ନ ସଂସ୍ଥା ଓ ସଂଗଠନ ସହ ସମ୍ମନ୍ୱୟ ରକ୍ଷା କରି ସେମାନଙ୍କ ସମସ୍ୟା ଏବଂ ଦାବିକୁ ନେଇ ସମାଧାନର ବାଟ ବାହାର କରିବ ଏହି ଅନ୍ତଃମନ୍ତ୍ରୀସ୍ତରୀୟ କମିଟି ।
ନିର୍ବାଚନ ପାଖେଇ ଆସୁଥିବାରୁ ବିଭିନ୍ନ ଅସନ୍ତୁଷ୍ଟ ସଂଗଠନକୁ ସନ୍ତୁଷ୍ଟ ରଖି ସରକାର ଓ ସଂଗଠନ ମଧ୍ୟରେ ସମ୍ମନ୍ୱୟ ରଖିବା ପାଇଁ କାର୍ଡ ଖେଳିଛନ୍ତି ନବୀନ ବୋଲି ରାଜନୀତି ମହଲରେ ଚର୍ଚ୍ଚା ହେଉଛି । ଅନ୍ୟପଟେ ପୋଲିସ୍ ମହାସଂଘ ଏବଂ ଜମାକାରୀ ସଂଘ ସମସ୍ୟାର ସମାଧାନ ନହେଲେ ଆନ୍ଦୋଳନକୁ ଓହ୍ୱାଇବେ ବୋଲି ରାଜ୍ୟ ସରକାରଙ୍କୁ ଚେତାବନୀ ଦେଇଛନ୍ତି । ତେବେ ବିଭିନ୍ନ ଆସୋସିଏସନ୍ ଏବଂ ସଂଗଠନର ଦାବି ପୂରଣ ନେଇ ତୁରନ୍ତ ନିଷ୍କର୍ଷ ବାହାର କରିବାକୁ ମୁଖ୍ୟମନ୍ତ୍ରୀ କମିଟି ଗଠନ କରିଛନ୍ତି ।