ମହାକାଶରେ ଭାରତର ମହାବଳୀ ! ଇସ୍ରୋ ରଚିଲା ଇତିହାସ,ଅନ୍ତରୀକ୍ଷକୁ ପଠାଇଲା ବିଶାଳ ସାଟେଲାଇଟ୍ ଜିସାଟ୍ ୧୯
କନକ ବ୍ୟୁରୋ : ମହାକାଶ ବିଜ୍ଞାନରେ ଇତିହାସ ରଚିଛି ଭାରତ । ଯୋଗଯୋଗ ଉପଗ୍ରହ କ୍ଷେତ୍ରରେ ସ୍ଥାପନ ହୋଇଛି ଏକ ମାଇଲ ଖୁଂଟ । ମହାକାଶକୁ ଯାତ୍ରା କରିଛି ଭାରତୀୟ ଉପଗ୍ରହ ଜିସାଟ୍ ୧୯ । କିଛି ସମୟ ପୂର୍ବରୁ ସଂଧ୍ୟା ୫ଟା ୨୮ ମିନିଟରେ ଶ୍ରୀହରିକୋଟାର ୨ ନମ୍ବର ଲଂଚପ୍ୟାଡରୁ ଜିଏସ୍ ଏଲଭି୩ ଡି ୧ ରକେଟ୍ ମାଧ୍ୟମରେ ଜିସାଟକୁ ମହକାଶକୁ ପଠାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଜିସାଟ୍ ୧୯ ଉପଗ୍ରହ ମହାକାଶରେ ସ୍ଥାନ ପାଇବା ପରେ ଯୋଗାଯୋଗ କ୍ଷେତ୍ରରେ ଏକ ବଡ ଧରଣର ପରିବର୍ତ୍ତନ ଆସିବ । ସବୁ ଅଂଚଳରେ ଉପଲବ୍ଧ ହେବ ହାଇ ସ୍ପିଡ ଇଂଟରନେଟ ସେବା । ଏମିିତିକି ଉପାନ୍ତ ଓ ଅପହଂଚ ଇଲାକାରେ ବି କାମ କରିବ ମୋବାଇଲ ନେଟୱର୍କ । ଏହି ଉପଗ୍ରହରେ କୁ-କା ବଣ୍ଡ ଥିବାରୁ ଟେଲିଭିଜନ ପ୍ରସାରଣ ପାଇଁ ମଧ୍ୟ ଉଚ୍ଚ ସିଗନାଲ ମିଳିବ । ଏହା ସହ ସହଜ ହେବ ଲାଇଭ ଟେଲିକାଷ୍ଟ ବା କୌଣସି ଘଟଣାର ସିଧା ପ୍ରସାରଣ ।
ଏହି ସାଟେଲାଇଟରେ ହିଟ୍ ପାଇପ୍, ଫାଇବର ଅପଟିକ୍ ଗାଇରୋ, ମାଇକ୍ରୋ ଇଲେକ୍ଟ୍ରୋ ମେକାନିକାଲ ସିଷ୍ଟମ ଓ ଲିଥିୟମ ବ୍ୟାଟେରିର ବ୍ୟବହାର ହେବ । ଯାହା ଉପଗ୍ରହର ଦକ୍ଷତା ବୃଦ୍ଧି କରିବା ସହ ବିକିରଣକୁ ସହ୍ୟ କରିବାର କ୍ଷମତା ରଖିବ । ପୂର୍ବରୁ ଭାରତ ଜିସାଟ୍ ୬, ୭, ୮, ୧୦, ୧୨, ୧୪, ୧୫ ଓ ୧୬ ମହାକାଶକୁ ପ୍ରେରଣ କରିଛି । ଆଉ ଏବେ ସବୁଠୁ ଅତ୍ୟାଧୁନିକ ଜିସାଟ୍ ୧୯ ଯୋଗାଯୋଗ ଉପଗ୍ରହ ମହାକାଶରେ ସ୍ଥାନ ପାଇବା ପାଇଁ ଯାତ୍ରା ଆରମ୍ଭ କରି ସାରିଛି । ୨ଶହ ହାତୀର ଓଜନ ହେଉଛି ଏହି ଉପଗ୍ରହ । ଆଉ ଆଗାମୀ ୧୦ ବର୍ଷ ପର୍ଯ୍ୟନ୍ତ ନିଜ ସେବା ପ୍ରଦାନ କରିବ ଜିସାଟ୍ ୧୯ ।