କନକ ବ୍ୟୁରୋ : ସିନିୟରଙ୍କ ପରେ ଜୁନିୟର କଲେ କମାଲ । ଅଣ୍ଡର-୧୯ ଏସିଆ କପ ଟୁର୍ଣ୍ଣାମେଣ୍ଟର ଫାଇନାଲରେ ଚମକିଲା ଟିମ୍ ଇଣ୍ଡିଆ । ଫାଇନାଲ ମ୍ୟାଚରେ ଶ୍ରୀଲଙ୍କାକୁ ୧୪୪ ରନରେ ହରାଇ ଏସିଆ କପ ଟାଇଟଲ ହାସଲ କରିଛି ଭାରତୀୟ ଜୁନିୟର ଟିମ୍ । ଉଭୟ ବ୍ୟାଟିଂ ଓ ବୋଲିଂରେ ଦମଦାର ପ୍ରଦର୍ଶନ କରି ଭାରତ ୬ଷ୍ଠ ଥର ପାଇଁ ଏହି ଟାଇଟଲ ହାସଲ କରିଛି । ପୂର୍ବରୁ ୪ଥର ଭାରତ ସିଧାସଳଖ ବିଜେତା ହୋଇଥିବା ବେଳେ ଗୋଟିଏ ଥର ମ୍ୟାଚ ଟାଇ ହେବା ଫଳରେ ଉଭୟ ଭାରତ ଓ ପାକିସ୍ତାନକୁ ବିଜେତା ଘୋଷିତ କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ବାଂଲାଦେଶର ସେର ବାଂଲା ନ୍ୟାସନାଲ ଷ୍ଟାଡିୟମରେ ଖେଳାଯାଉଥିବା ଫାଇନାଲ ମ୍ୟାଚରେ ଭାରତ ପ୍ରଥମେ ଟସ୍ ଜିତି ବ୍ୟାଟିଂ ନିଷ୍ପତି ନେଇଥିଲା । ଆଉ ଅଧିନାୟକଙ୍କ ନିଷ୍ପତିକୁ ସଠିକ୍ ପ୍ରମାଣିତ କରିଥିଲେ ଭାରତୀୟ ବ୍ୟାଟସମ୍ୟାନ । ଚାରୋଟି ଅର୍ଦ୍ଧଶତକ ବଳରେ ୩୦୪ ରନ କରିଥିଲା ଭାରତ । ଭାରତ ପକ୍ଷରୁ ୱାଇ ଜୟସ୍ୱାଲ ସର୍ବାଧିକ ୮୫ ରନ କରିଥିବା ବେଳେ ଅନୁଜ, ଅଧିନାୟକ ପ୍ରଭସିମରନ , ଆୟୁଷ ବଦୋନି ଯଥାକ୍ରମେ ୫୭, ୬୫ ଓ ୫୨ ରନ କରିଥିଲେ ।
୩୦୫ ରନର କଷ୍ଟସାଧ୍ୟ ଟାର୍ଗେଟ ନେଇ ପଡିଆକୁ ଓହ୍ଲାଇଥିବା ଶ୍ରୀଲଙ୍କା ଟିମର ବ୍ୟାଟସମତ୍ନ ଭାରତୀୟ ବୋଲରଙ୍କ ଶାଣିତ ବୋଲିଂ ସାମ୍ନାରେ ସମ୍ପୂର୍ଣ୍ଣ ଭାବେ ଆତ୍ମସର୍ମପଣ କରିଥିଲେ । ମାତ୍ର ୧୬୦ ରନରେ ଅଲଆଉଟ ହୋଇଥିଲା ପୂରା ଶ୍ରୀଲଙ୍କା ଟିମ୍ । ଆଉ ଏହାସହ ଏତିକି ୧୪୪ ରନରେ ବିଜୟୀ ହୋଇ ଟିମ୍ ଇଣ୍ଡିଆ ହାତେଇଥିଲା ୬ଷ୍ଠ ଏସିଆ କପ ଟାଇଟଲ । ଭାରତ ପକ୍ଷରୁ ହର୍ଷ ତ୍ୟାଗୀ ଘାତକ ବୋଲିଂ କରି ୬ ୱିକେଟ ନେବା ସହ ଟିମ ଇଣ୍ଡିଆକୁ ଦେଇଥିଲେ ଐତିହାସିକ ବିଜୟ ।