କନକ ବ୍ୟୁରୋ : ଆସନ୍ତା ୧୯ ତାରିଖରେ ବାରବାଟୀ ଷ୍ଟାଡିଅମରେ ଖେଳାଯିବ ଭାରତ- ଇଂଲଣ୍ଡ ଦିନିକିଆ ସିରିଜର ଦ୍ୱିତୀୟ ମ୍ୟାଚ । ଏଥିପାଇଁ ଆଜିିଠାରୁ କାଉଂଟରରେ ବିକ୍ରି ହେବ ଟିକଟ । ୧୬ ଓ ୧୭ ତାରିଖ ଦୁଇଦିନ ଧରି ୩ଟି ଟିକେଟ କାଉଂଟରରେ ମୋଟ ୧୨୧୫ ହଜାର ୪୪୪ଟି ଟିକେଟ ବିକ୍ରି କରାଯିବ ।
Kanak News is now on WhatsApp
Join and get latest news updates delivered to you via WhatsApp
ସକାଳ ୯ଟାରୁ ଏହି ବିକ୍ରି ଆରମ୍ଭ ହୋଇଛି, ହେଲେ ଗତକାଲି ରାତି ୧୨ଟାରୁ କାଉଂଟର ଆଗରେ କ୍ରିକେଟ ପ୍ରେମୀଙ୍କ ଲମ୍ବା ଲାଇନ ଲାଗିଛି । ତେବେ ଟିକଟ ବିକ୍ରି ପାଇଁ ମୋଟ ୩ଟି କାଉଂଟର ଖୋଲାଯାଇଥିବା ବେଳେ ୨ଟି କାଉଂଟରରେ ପ୍ରବଳ ଭିଡ ଲାଗିଛି ।
ରାଜ୍ୟର କୋଣ ଅନୁକୋଣକୁ ଟିକଟ ପାଇଁ ଆସିଛନ୍ତି ଶହଶହ କ୍ରିକେଟ ପ୍ରେମୀ । ସେପଟେ ସୁରକ୍ଷାକୁ ମଧ୍ୟ ବେଶ୍ ଗୁରୁତ୍ୱ ଦେଇଛି ଆୟୋଜକ ଓଡିଶା କ୍ରିକେଟ ଆସୋସିଏସନ । ବାରବାଟୀ ଷ୍ଟାଡିଅମର ସମସ୍ତ ଗ୍ୟାଲେରୀକୁ ସଂପୂର୍ଣ୍ଣ ନେଟିଂ କରାଯାଇଛି ଏବଂ ସମସ୍ତ ସିଟରେ ନମ୍ବର ବ୍ୟବସ୍ଥା କରାଯାଇଛି, ସେହିପରି ଟିକେଟ ସେଲ ଠାରୁ ଆରମ୍ଭ କରି ଅନ୍ୟାନ୍ୟ ଖର୍ଚ୍ଚଗୁଡିକ ଉପରେ ଓସିଏ କ୍ୟାସଲେସ ବ୍ୟବସ୍ଥାକୁ ଗୁରୁତ୍ୱ ଦେଇଛି ।
ଏହାକୁ ତଦାରଖ କରିବାକୁ ଭାରତୀୟ ଷ୍ଟେଟ ବ୍ୟାଙ୍କ ପକ୍ଷରୁ ୧୬ଟି କାର୍ଡ ସ୍ୱାପିଂ ମେସିନ ରଖାଯାଇଥିବା ବେଳେ ୧୫ ଜଣ ବ୍ୟାଙ୍କ କର୍ମଚାରୀ ନିୟୋଜିତ ହୋଇଥିବା ଜଣାପଡିଛି । ଏହା ସହିତ ଦେଖନ୍ତୁ ଏହି ଭିଡିଓ :