ପୁଲୱାମା ଆତଙ୍କୀ ହମଲାକୁ ନେଇ ଆମେରିକା ରାଷ୍ଟ୍ରପତିଙ୍କ ପ୍ରତିକ୍ରିୟା: କହିଲେ ଏହା ଭୟଙ୍କର ଘଟଣା, ପରିସ୍ଥିତି ଉପରେ ରହିଛି ନଜର
ଦୋଷୀଙ୍କୁ ଦଣ୍ଡ ଦେବାକୁ ପାକିସ୍ତାନକୁ କହିଲେ ଷ୍ଟେଟ ଡିପାର୍ଟମେଂଟ ଡେପୁଟୀ ସେକ୍ରେଟାରୀ
କନକ ବ୍ୟୁରୋ: ଜମ୍ମୁକଶ୍ମୀର ପୁଲୱାମା ଆତଙ୍କବାଦୀ ଆକ୍ରମଣ ଘଟଣାରେ ପ୍ରତିକ୍ରିୟା ରଖିଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଏହି ଆକ୍ରମଣକୁ ଭୟଙ୍କର ଘଟଣା ବୋଲି କହିଛନ୍ତି ଟ୍ରମ୍ପ । ଏହା ସହିତ ଘଟଣା ଉପରେ ନଜର ରଖିଛନ୍ତି ଓ ଏନେଇ ଏକ ଷ୍ଟେଟମେଂଟ ଜାରି କରିବେ ବୋଲି ଓଭାଲ ହ୍ୱାଇଟ ହାଉସ ଅଫିସରେ କହିଛନ୍ତି ଆମେରିକା ରାଷ୍ଟ୍ରପତି । ଏହା ସହିତ ୟୁଏସଏ ଷ୍ଟେଟ୍ ଡିପାର୍ଟମେଂଟ ଡେପୁଟୀ ସ୍ପୋକ୍ସପର୍ସନ ରବର୍ଟ ପାଲାଡିନୋ ଭାରତକୁ ଦୃଢ଼ ସମର୍ଥନ ଜଣାଇଛନ୍ତି । ଏବଂ ଏହି ଆକ୍ରମଣ ଘଟଣା ପାଇଁ ଦାୟୀ ଦୋଷୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନେବାକୁ ପାକିସ୍ତାନକୁ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପୂର୍ବରୁ ଆମେରିକା ଜାତୀୟ ସୁରକ୍ଷା ପରାମର୍ଶଦାତା ଜନ ବଲଟନ ଭାରତକୁ ସମର୍ଥନ କରିବା ସହ ଆତ୍ମରକ୍ଷା କରିବାର ଅଧିକାର ରହିଛି ବୋଲି କହିଥିଲେ । ୧୪ତାରିଖରେ ପୁଲୱାମାରେ ଜୈଶ-ଇ-ଆତଙ୍କବାଦୀ ଆକ୍ରମଣରେ ୪୦ଜଣ ଯବାନ ସହିଦ ହୋଇଥିଲେ । ଏହି ଆକ୍ରମଣର ଶହେ ଘଂଟା ଭିତରେ ଆକଙ୍କୀ ହମଲାର ପ୍ରତିଶୋଧ ନେଇଛନ୍ତି । ଆତଙ୍କବାଦୀ ଲୁଚି ରହିଥିବା ଘରକୁ ସେନା ଉଡାଇ ଦେଇଥିବା ବେଳେ ଯବାନ ଗୁଳିରେ ୩ ଆତଙ୍କବାଦୀ ନିପାତ ହୋଇଥିଲେ । ଆତଙ୍କୀଙ୍କ ଗୁଳରେ ଜଣେ ମେଜରଙ୍କ ସମେତ ୫ ଜଣ ଯବାନ ସହିଦ ହୋଇଥିଲେ ।
ଅନ୍ୟପଟେ,କେନ୍ଦ୍ର କ୍ୟାବିନେଟର ଗୁରୁତ୍ୱପୂର୍ଣ୍ଣ ବୈଠକ ପରେ ପାକିସ୍ତାନକୁ କଡା ସମାଲୋଚନା କରିଛନ୍ତି ଅର୍ଥମନ୍ତ୍ରୀ ଅରୁଣ ଜେଟଲି । ଭାରତର ଆତଙ୍କବାଦ ବିରୋଧୀ ଅଭିଯାନକୁ ବିଶ୍ୱର ବହୁ ଦେଶ ସମର୍ଥନ କରୁଥିବା ବେଳେ ପୁଲୱାମା ଆକ୍ରମଣ ଘଟଣାକୁ ପାକିସ୍ତାନ ନିନ୍ଦା ବି କରିବାକୁ ଉଚିତ ମନେ କରି ନାହିଁ ବୋଲି ଜେଟଲି କହିଛନ୍ତି ।
ସେପଟେ, ଭାରତକୁ ଭାଷଣ ଦେବା ପରିବର୍ତେ ଆତଙ୍କୀ ମସୁଦ ଅଜହରକୁ ହସ୍ତାନ୍ତର କରୁ ପାକିସ୍ତାନ । ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ବୟାନକୁୁ କଡ଼ା ଭାଷାରେ ଭତ୍ସନା କରି ଏଭଳି କହିଛନ୍ତି ପଂଜାବ ମୁଖ୍ୟମନ୍ତ୍ରୀ କ୍ୟାପଟେନ ଅମ୍ରିନ୍ଦର ସିଂ । ଏହା ସହ ଅମ୍ରିନ୍ଦର କହିଛନ୍ତି ଜୈସ-ଏ- ମହମ୍ମଦର ପ୍ରମୁଖ ମସୁଦ ଅଜହର ବହାବଲପୁରରେ ରହି ଆଇଏସଆଇ ସାହାଯ୍ୟରେ ଆକ୍ରମଣ କରୁଛି । ତାକୁ ସେଠାରୁ ଉଠାଇ ଆଣି ଭାରତକୁ ହସ୍ତାନ୍ତର କର ଓ ଯଦି ଏତିକି କରିପାରୁନ ତେବେ ଆମକୁ କୁହ ବୋଲି ସେ କହିଛନ୍ତି । ୨୬/୧୧ ମୁମ୍ବାଇ ହମଲାରେ ଭାରତ ଠୋସ ପ୍ରମାଣ ଦେବା ସତ୍ୱେ କୌଣସି ପଦକ୍ଷେପ ଉଠାନଥିବା ପାକିସ୍ତାନ ଏଥରକ ପୁଣି କି ପ୍ରମାଣ ମାଗୁଛି ବୋଲି ସେ କହିଛନ୍ତି ।