ପୋଲିସର ଅନୁଶାସନ ଆଣିଲା ଶୃଙ୍ଖଳା । ରଥଯାତ୍ରାର ଲକ୍ଷାଧିକ ଭିଡ଼ ଭିତରୁ ଅନାୟାସରେ ବାହାରି ଆସିଲା ଆମ୍ବୁଲାନ୍ସ ।
ରଥଯାତ୍ରା ଦିନ ପୁରୀ ବଡ଼ଦାଣ୍ଡରେ ଲକ୍ଷାଧିକ ଶ୍ରଦ୍ଧାଳୁଙ୍କ ସମାଗମ ଦେଖିବାକୁ ମିଳିଥିଲା । ହେଲେ ବିଶାଳ ଜନସମୂଦ୍ର ଭିତରୁ ଏକ ଆମ୍ବୁଲାନ୍ସଙ୍କୁ ମାନବଶୃଙ୍ଖଳ ଚେନ୍ ଜରିଆରେ ଆଖି ପିଛୁଳାକେ ରାସ୍ତା ଦେଇ ବାହାର କରାଯାଇଛି ।
କନକ ବ୍ୟୁରୋ: ଓଡ଼ିଶା ପୋଲିସ ଓ ସ୍ୱେଚ୍ଛାସେବୀ ସଂଗଠନର ପ୍ରଶଂସନୀୟ କାମ । ପ୍ରଥମଥର ପାଇଁ ରଥଯାତ୍ରାରେ ଏମାନଙ୍କ ମିଳିତ ଉଦ୍ୟମରେ ଏଭଳି କିଛି ଅସମ୍ଭବ କାର୍ଯ୍ୟକୁ ସମ୍ଭବ କରି ଦେଖାଇଛନ୍ତି । ଯାହାକୁ ନେଇ ଏବେ ସୋସିଆଲ ମିଡ଼ିଆରେ ସାବାସୀ ମିଳୁଛି । ସୂଚନା ମୁତାବକ, ରଥଯାତ୍ରା ଦିନ ପୁରୀ ବଡ଼ଦାଣ୍ଡରେ ଲକ୍ଷାଧିକ ଶ୍ରଦ୍ଧାଳୁଙ୍କ ସମାଗମ ଦେଖିବାକୁ ମିଳିଥିଲା । ହେଲେ ବିଶାଳ ଜନସମୂଦ୍ର ଭିତରୁ ଏକ ଆମ୍ବୁଲାନ୍ସଙ୍କୁ ମାନବଶୃଙ୍ଖଳ ଚେନ୍ ଜରିଆରେ ଆଖି ପିଛୁଳାକେ ରାସ୍ତା ଦେଇ ବାହାର କରାଯାଇଛି । ଏନେଇ ପୁରୀ ଏସପି ନିଜ ଟ୍ୱିଟର ପେଜରେ ପୋଷ୍ଟ କରିଥିବା ଭିଡ଼ିଓରେ ଦେଖିବାକୁ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
1200 volunteers, 10 organizations and hours of practice made this human corridor for free ambulance movement possible during Puri Rath Yatra 2019. pic.twitter.com/zVKzqhzYCw
— SP Puri (@SPPuri1) July 6, 2019
ପୁରୀ ଏସପିଙ୍କ ଟ୍ୱିଟ ମୁତାବକ, ୧୦ଟି ସ୍ୱେଚ୍ଛାସେବୀ ସଂଗଠନର ୧୨ଶହ ସ୍ୱେଚ୍ଛାସେବୀ ମାନେ ଏଭଳି ମାନବଶୃଙ୍ଖଳ ଚେନ୍ ଜରିଆରେ ଆମ୍ବୁଲାନ୍ସକୁ ଅତି ସହଜରେ ଭିଡ଼ ଭିତରୁ ବାହାର କରିବାରେ ସଫଳ ହୋଇଛନ୍ତି । ଆଉ ଏଭଳି ଅସମ୍ଭବ କାର୍ଯ୍ୟକୁ ବାସ୍ତବରେ ପରିଣତ କରିଛନ୍ତି । ଯାହା ଏବେ ଚର୍ଚ୍ଚାର ବିଷୟ ପାଲଟିଛି । ଆଉ ଜନସମୂଦ୍ରରୁ ଏଭଳି ସରଳ ଉପାୟରେ ବିଶାଳ ମାନବ ଶୃଙ୍ଖଳ ଚେନ୍ ଜରିଆରେ ଏକ ଆମ୍ବୁଲାନ୍ସକୁ ବାହାର କରିବା ରଥଯାତ୍ରା ଇତିହାସରେ ପ୍ରଥମଥର ପାଇଁ ଦେଖିବାକୁ ମିଳିଛି ।
ଏପରିକି ଚଳିତ ରଥଯାତ୍ରାରେ ଏମିତି ଭିଡ଼ ହୋଇଥିଲା ସତେ ଯେମିତି ସୋରିଷ ଟିକିଏ ପଡ଼ିବାକୁ ଜାଗାନଥିଲା । ହେଲେ ଯେକୌଣସି ସମସ୍ୟାର ତ୍ୱରିତ ମୁକାବିଲା ପାଇଁ କିଭଳି ପ୍ରସ୍ତୁତ ଥିଲା ପ୍ରଶାସନ, ତାହା ଏହି ଭିଡ଼ିଓ ହିଁ ବୟାନ କରୁଛି । ଏବଂ ଏହା ପ୍ରକୃତରେ ପ୍ରଶାସନର ପ୍ରଶଂସନୀୟ କାର୍ଯ୍ୟ ବୋଲି ସୋସିଆଲ ମିଡ଼ିଆରେ କିଛି ୟୁଜର୍ସ ମତ ପ୍ରକାଶ କରିଛନ୍ତି ।