ରିସର୍ଚ୍ଚ ସ୍କଲାରଙ୍କ ପାଇଁ ଖୁସି ଖବର : ୨୫% ପର୍ଯ୍ୟନ୍ତ ଫେଲୋସିପ୍ ବଢ଼ାଇଲେ ସରକାର, ୬-୭ହଜାର ଟଙ୍କା ପର୍ଯ୍ୟନ୍ତ ବଢ଼ିବ ଷ୍ଟାଇପେଣ୍ଡ
ମୋଦି ସରକାର ବଜେଟ୍ ପୂର୍ବରୁ ହିଁ ରିସର୍ଚ୍ଚ ସ୍କଲାରଙ୍କ ପାଇଁ ବଡ ଉପହାର ଦେଇଛନ୍ତି । ସରକାର ଜେଆରଏଫ୍(ଜୁନିୟର ରିସର୍ଚ୍ଚ ଫେଲୋ), ଏସଆରଏଫ୍(ସିନିୟର ରିସର୍ଚ୍ଚ ଫେଲୋ) ଏବଂ ରିସର୍ଚ୍ଚ ଆସୋସିଏଟ୍ସର ଫେଲୋସିପରେ ୨୫% ବୃଦ୍ଧି କରିଛନ୍ତି । ଏହାଦ୍ୱାରା ରିସର୍ଚ୍ଚ ସ୍କଲାରଙ୍କ ଫେଲୋସିପରେ ୬ରୁ ୭ହଜାର ଟଙ୍କା ପର୍ଯ୍ୟନ୍ତ ଲାଭ ହୋଇଯିବ ।
Kanak News is now on WhatsApp
Join and get latest news updates delivered to you via WhatsApp
ପିଏଚଡିରେ ଜୁନିୟର ରିସର୍ଚ୍ଚ ଫେଲୋଙ୍କୁ ପ୍ରଥମ ଦୁଇ ବର୍ଷ ପାଇଁ ରାଶିକୁ ୨୫ ହଜାର ଟଙ୍କା ବଢ଼ାଇ ୩୧ ହଜାର ଟଙ୍କା ପ୍ରତି ମାସ କରିଦିଆଯାଇଛି । ଏହି ପ୍ରକାରରେ ପିଏଚଡିର ଶେଷ ସମୟରେ ବରିଷ୍ଠ ଗବେଷକଙ୍କୁ ୨୮ ହଜାର ଟଙ୍କା ପ୍ରତି ମାସ ବଦଳରେ ୩୫ ହଜାର ଟଙ୍କା ମିଳିବ ।
କେନ୍ଦ୍ର ମାନବ ସଂସାଧନ ବିକାଶ ମନ୍ତ୍ରୀ ପ୍ରକାଶ ଜାଭେଦକରଙ୍କ ମୁତାବକ, ବର୍ଷ-୨୦୧୫ରେ ମୋଦି ସରକାର ଫେଲୋସିପରେ ୫୬% ବୃଦ୍ଧି କରିଥିଲେ, ସେଇଠି ଏବେ ଏହାକୁ ୨୫% ବୃଦ୍ଧି କରାଯାଇଛି । ଜାଭେଦକର ଏହା ବି କହିଛନ୍ତି କି, ମୋଦି ସରକାର ଆସିବା ପରେ ରିସର୍ଚ୍ଚ ସ୍କଲାରଙ୍କ ଛାତ୍ରବୃତ୍ତି ପାଖାପାଖି ଦୁଇ ଗୁଣା ହୋଇଯାଇଛି । ଏହା ଅଧିନରେ ବିଜ୍ଞାନ ଓ ଟେକନିକାଲରେ ପିଏଚଡି କରୁଥିବା ବିଦ୍ୟାର୍ଥୀଙ୍କ ପାଇଁ ଫେଲୋସିପ୍ ବୃଦ୍ଧି କରାଯାଇଛି ।
ଭାରତର ଏହି ଫେଲୋସିପ୍ ଦୁନିଆରେ ନିଜ ପ୍ରକାରର ସବୁଠାରୁ ବୃହତ୍ ଯୋଜନା, ଯାହାର ଫାଇଦା ଦେଶର ପାଖାପାଖି ୫୩ ହଜାର ଛାତ୍ର ନିଅନ୍ତି । ଏହି ଆଦେଶ ପରେ କେନ୍ଦ୍ର ସରକାରଙ୍କୁ ଏବର୍ଷ ଫେଲୋସିପ୍ ବିଷୟରେ ୫୦୦ କୋଟି ଅତିରିକ୍ତ ଖର୍ଚ୍ଚ କରିବାକୁ ପଡିବ । ଏହା ଦ୍ୱାରା ୬୦ହଜାର ଗବେଷକଙ୍କୁ ଲାଭ ମିଳିବ ।