କନକ ବ୍ୟୁରୋ: ୪୦ ହଜାର ଟଙ୍କାରେ ବିକ୍ରି ହୋଇଥିବା ଆଦିବାସୀ ଯୁବତୀ ଉଦ୍ଧାର । ଦିଲ୍ଲୀ ସଙ୍ଗମ ବିହାରରେ ନିର୍ଯ୍ୟାତିତ ହେଉଥିବା ଯୁବତୀଙ୍କୁ ଉଦ୍ଧାର କରିଛି ସୁନ୍ଦରଗଡ଼ ପୁଲିସ । ୪ବର୍ଷ ହେଲା କାମ କରିବାକୁ ଯାଇ ଦିଲ୍ଲୀର ସଙ୍ଗମ ବିହାରରେ ନିର୍ଯ୍ୟାତିତ ହେଉଥିଲେ ଆଦିବାସୀ ଯୁବତୀ । ସୁନ୍ଦରଗଡ଼ ପୁଲିସ ସମ୍ପୃକ୍ତ ଯୁବତୀଙ୍କ ସମେତ ଆଉ ୪ଜଣ ଯୁବତୀ ଓ ୩ଜଣ ନାବାଳିକାଙ୍କୁ ଉଦ୍ଧାର କରାଯାଇଛି । ବିଭିନ୍ନ ଅଂଚଳରେ ଚଢାଉ କରି ପୁଲିସ ତାଙ୍କୁ ଉଦ୍ଧାର କରିଛି ।
Kanak News is now on WhatsApp
Join and get latest news updates delivered to you via WhatsApp
ବିଳାସପୁରରେ କାମ କରାଇଦେବାକୁ କହି ସୁନ୍ଦରଗଡ ଜିଲ୍ଲା ଲେଫ୍ରିପଡା ଅଂଚଳର ଏହି ଆଦିବାସୀ ଯୁବତୀଙ୍କୁ ନେଇଯାଇଥିଲା ଜଣେ ଦଲାଲ । ହେଲେ ବିଳାସପୁର ନେବା ପରିବର୍ତ୍ତେ ଦିଲ୍ଲୀରେ ଏକ ଠିକା ସଂସ୍ଥାକୁ ୪୦ ହଜାର ଟଙ୍କାରେ ବିକ୍ରି କରିଦେଇଥିଲା । ସଂପୃକ୍ତ ଠିକାସଂସ୍ଥା ପୁଣି ଯୁବତୀଙ୍କୁ ଆଉଜଣଙ୍କ ଘରେ କାମ କରିବାକୁ ବିକ୍ରି କରିଦେଇଥିଲା ।
ଯେଉଁଠି ଅକଥନୀୟ ନିର୍ଯ୍ୟାତନାର ଶିକାର ହୋଇଥିଲେ ଯୁବତୀ ଜଣକ । ଯୁବତୀଙ୍କୁ ନିଜ ଘର ସହ କୌଣସି ଯୋଗାଯୋଗ କରିବାକୁ ଦିଆଯାଉନଥିବା ସହ ସେଠାରେ ତାଙ୍କୁ ବିଭିନ୍ନ ନିର୍ଯ୍ୟାତନା ଦିଆଯୋଉଥିବା ନେଇ ସେ କୌଣସିମତେ ଏକ ଭିଡିଓ ପଠାଇଥିଲେ । ଏହାପରେ ତତ୍ପର ହୋଇଉଠିଥିଲା ପୁଲିସ । ବିଭିନ୍ନ ସ୍ଥାନରେ ଚଢାଉ କରି ଯୁବତୀଙ୍କୁ ଉଦ୍ଧାର କରିବାରେ ସଫଳ ହୋଇଥିଲା ପୁଲିସ ।