ଆଜି ଫିଲ୍ମି ଫ୍ରାଇଡେରେ ପରଦାକୁ ଆସିଛି ୨ଟି କମେଡି ସିନେମା ! ‘ୱେଲକମ୍ ଟୁ ନ୍ୟୁୟର୍କ’ ସିନେମାକୁ ଟକ୍କର ଦେଉଛି ‘ସୋନୁ କେ ଟିଟୁ କି ସୁଇଟି’
ଫିଲ୍ମି ଫ୍ରାଇଡେରେ ରିଲିଜ୍ ହୋଇଛି ମଲ୍ଟି ଷ୍ଟାରର ସିନେମା ‘ୱେଲକମ୍ ଟୁ ନ୍ୟୁୟର୍କ’ । ଥ୍ରୀ-ଡି ଭର୍ସନରେ ରିଲିଜ୍ ହେଉଥିବା ଏହି ସିନେମାରେ ରହିଛି ଭରପୁର କମେଡି । ସିନେମାରେ ସୋନାକ୍ଷୀ ସିହ୍ନା, ରିତେଶ୍ ଦେଶମୁଖ, ଦିଲଜିତ୍ ଦୋ-ସାଞ୍ଜ, ଲାରା ଦତ୍ତା, କରନ୍ ଜୋହର ଏବଂ ବୋମନ୍ ଇରାନୀଙ୍କ ଭଳି କଳାକାର ଅଭିନୟ କରିଛନ୍ତି । ସିନେମାର ଅଧିକାଂଶ ଭାଗ ନ୍ୟୁୟର୍କରେ ସୁଟିଂ ହୋଇଛି । ୱେଲକମ୍ ଟୁ ନ୍ୟୁୟର୍କ ସିନେମାର ନିର୍ଦ୍ଦେଶନା ଚକ୍ରୀ ଟୋଲେଟି ଦେଇଥିବା ବେଳେ ସିନେମାର ପ୍ରଯୋଜକ ଅଛନ୍ତି- ବିଷ୍ଣୁ ଏବଂ ଜ୍ୟ।କି ଭଗ୍ନାନୀ ।
Kanak News is now on WhatsApp
Join and get latest news updates delivered to you via WhatsApp
ସେହିପରି ୱେଲକମ୍ ଟୁ ନ୍ୟୁୟର୍କକୁ ଟକ୍କର ଦେବା ପାଇଁ ବଲିଉଡ ବକ୍ସ ଅଫିସରେ ଆଜି ରିଲିଜ୍ ହୋଇଛି କମେଡି ସିନେମା ‘ସୋନୁ କେ ଟିଟୁ କି ସୁଇଟି’ । ସିନେମାରେ ମୁଖ୍ୟ ଭୂମିକାରେ ଅଛନ୍ତି- କାର୍ତ୍ତିକ ଆର୍ୟନ୍, ନୁଶରତ୍ ଭରୁଚା, ସନି ସିଂ, ଆଲକନାଥ ଓ ବୀରେନ୍ଦ୍ର ସକସେନା । ସିନେମାରେ ରହିଛି ଭରପୁର କମେଡ଼ି । କାର୍ତ୍ତିକ ବଲିଉଡରେ ସେତେଟା ପରିଚିତ ନଥିଲେ ବି ‘ପ୍ୟାରକେ ପଂଚନାମା ଭଳି ସିନେମା କରି ବେଶ ଚର୍ଚ୍ଚାକୁ ଆସିଥିଲେ । ‘ପ୍ୟାରକେ ପଂଚନାମା’ର ସଫଳ ଯୋଡ଼ିଙ୍କୁ ଏହି ସିନେମାର ଦେଖିବାକୁ ମିଳିବ ।