ଟ୍ରେନ୍ ଯାତ୍ରୀଙ୍କ ପାଇଁ ଖୁସି ଖବର ! ଏଣିକି ରେଳରେ ମିଳୁଥିବା ଖାଦ୍ୟ ପ୍ୟାକେଟରେ ରହିବ ସମସ୍ତ ସୂଚନା
କନକ ବ୍ୟୁରୋ : ଟ୍ରେନ୍ ଯାତ୍ରୀଙ୍କ ପାଇଁ ଖୁସି ଖବର । ଏଣିକି ଟ୍ରେନରେ ମିଳୁଥିବା ଖାଦ୍ୟର ଗୁଣାବତ୍ତାରେ ହେବ ସଂଶୋଧନ । ଏଭଳି ନିଷ୍ପତି ନେଇଛନ୍ତି ନୂଆ ରେଳମନ୍ତ୍ରୀ ପିୟୁଷ ଗୋୟଲ୍ । ଯାତ୍ରା ସମୟରେ ରେଳରେ ମିଳୁଥିବା ଖାଦ୍ୟରେ ଏହାର ମାତ୍ରା, ସ୍ୱଚ୍ଛତା, ପ୍ୟାକିଂ ତାରିଖ ଏବଂ ସପ୍ଲାୟ କରୁଥିବା ଡିଲର୍ ସଂପର୍କରେ ସୂଚନା ରହିବ । ଏହା ସହ ପ୍ୟାକେଟରେ ଏଭଳି ଏକ ସଙ୍କେତ ରହିବ ଯେଉଁଥିରେ ଜଣାପଡିବ ଖାଦ୍ୟ ଆମିଷ ନା ନିରାମିଷ । ଏନେଇ ପିୟୁଷ ରେଳ ଅଧିକାରୀଙ୍କୁ କଡା ନିର୍ଦ୍ଦେଶ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଉଲ୍ଲେଖଯୋଗ୍ୟ, ସିଏଜି ରିପୋର୍ଟ ପରେ ରେଳବାଇ ରେଳରେ ମିଳୁଥିବା ଖାଦ୍ୟର ଗୁଣବତ୍ତାରେ ସଂଶୋଧନ ଆଣିବା ଉପରେ ଜୋରଦାର କାମ କରୁଛି। ଟ୍ରେନରେ ମିଳୁଥିବା ଖାଦ୍ୟ ମଣିଷ ଖାଇବା ପାଇଁ ଉପଯୁକ୍ତ ମାନର ନୁହେଁ ବୋଲି ସିଏଜି ରିପୋର୍ଟରେ ଖୁଲାସା ହୋଇଥିଲା । ରିପୋର୍ଟରେ କୁହାଯାଇଥିଲା ରେଳ ଷ୍ଟେସନରେ ଯେଉଁ ଖାଦ୍ୟ ପରସା ଯାଉଛି , ଏହା ମଣିଷ ଖାଇବାକୁ ସଂପୂର୍ଣ୍ଣ ଅନୁପଯୁକ୍ତ ଅଟେ । ରିପୋର୍ଟ ଅନୁସାରେ ଟ୍ରେନ୍ ଓ ଷ୍ଟେସନରେ ଦିଆଯାଉଥିବା ଜିନିଷ ପ୍ରଦୂଷିତ ଅଟେ । ଡବା ବନ୍ଦ ଓ ବୋତଲ ବନ୍ଦ ଜିନିଷର ଏକ୍ସପାୟରୀ ଡେଟ୍ ସରିବା ପରେ ବି ବିକ୍ରି କରାଯାଉଛି ।
ଯାଂଚ ଦ୍ୱାରା ଏହା ବି ଜାଣିବାକୁ ମିଳିଛି ଯେ , ରେଳ ଷ୍ଟେସନ ପରିସର ଓ ଟ୍ରେନରେ ପରିଷ୍କାର ପରିଚ୍ଛନତା ପ୍ରତି ଆଦୈା ଦୃଷ୍ଟି ଦିଆଯାଉନାହିଁ । ଏହା ଛଡା ଟ୍ରେନରେ ବିକ୍ରି ହେଉଥିବା ଜିନିଷର ବିଲ୍ ବି ଦିଆଯାଉନାହିଁ ଏବଂ ଫୁଟ୍ କ୍ୱାଲିଟ ମଧ୍ୟ ଜମା ଭଲ ରହୁନାହିଁ । ସିଏଜି ଓ ରେଳର ଯାଂଚ ଟିମ୍ ୭୪ଟି ଷ୍ଟେସନ ଓ ୮୦ଟି ଟ୍ରେନର ଅନୁଧ୍ୟାନ କରିବା ପରେ ଏହି ରିପୋର୍ଟ ପ୍ରସ୍ତୁତ କରିଛନ୍ତି । ଏହି ସମସ୍ୟା ପ୍ରତି ରେଳ ପ୍ରଶାସନର ପଦକ୍ଷେପ ମଧ୍ୟ ପ୍ରଭାବହୀନ । ଏହା ଯୋଗୁଁ ଯାତ୍ରୀଙ୍କୁ ଖାଦ୍ୟ ଓ ପାନୀୟ ପଦାର୍ଥର ଅଧିକ ଦେବାକୁ ପଡୁଛି । ଠିକାଦାରମାନେ ଟ୍ରେନ ଓ ଷ୍ଟେସନରେ ଅସ୍ୱଚ୍ଛ ଓ ନିମ୍ନ ଗୁଣବତାର ଖାଦ୍ୟ ପଦାର୍ଥ ବିକ୍ରି ଜାରି ରଖୁଛନ୍ତି ।
ଆଉ ମଧ୍ୟ ରିପୋର୍ଟରେ ଦର୍ଶାଯାଇଛି , ବ୍ରାଣ୍ଡର ଚୟନ କ୍ଷେତ୍ରୀୟ ରେଲୱେ ଦ୍ୱାରା କରାଯାଉଛି । କିନ୍ତୁ ଏଥିରେ ମୂଲ୍ୟର ଉଲ୍ଲେଖ କରାଯାଉନାହିଁ । ବ୍ରାଣ୍ଡ ଅଧିକୃତ ବିକ୍ରେତା ଙ୍କୁ ଏହି ସର୍ତ୍ତ ସହ ଏମଆରପି ଉପରେ ବିକ୍ରୟ ଅନୁମତି ଦିଆଯାଇଛି । ଖୋଲା ବଜାରରେ ବିକ୍ରି କରାଯାଉଥିବା ସମାନ ଉତ୍ପାଦର ଏମଆରପି ଠାରୁ ଯେମିତି ଅଧିକ ହେବ ନାହିଁ । ରିପୋର୍ଟରେ କୁହାଯାଇଛି ୨୦୦୫ମସିହାରେ ଖାଦ୍ୟ-ପାନୀୟ ନୀତି ଅନୁସାରେ ଭାରତୀୟ ରେଳରେ ଖାଦ୍ୟ ପାନୀୟ ବ୍ୟବସାୟକୁ ଭାରତୀୟ ରେଲୱେ ଖାଦ୍ୟ-ପାନୀୟ ଏବଂ ପର୍ଯ୍ୟଟନ ନିଗମ (ଆଇଆରସିଟିସି ) କୁ ଦାୟିତ୍ୱ ଦିଆଯାଇଛି । ଖାଦ୍ୟ-ପାନୀୟର ଗୁଣବତାର ସୁଧାରତାକୁ ନେଇ ରେଲୱେ ବୋର୍ଡ ଖାଦ୍ୟ-ପାନୀୟ ନୀତି ୨୦୧୭ରେ ପ୍ରତିପାଦିତ କରିଛି । ଏହାକୁ ୨୭ ଫେବୃୟାରୀରେ ଜାରି କରାଯାଇଛି ।