ଆଠଗଡ : ପୁଲିସକୁ ମାଡ ଅଭିଯୋଗରେ ୫ ଜଣ ଗିରଫ ! ପ୍ରତିବାଦରେ ଥାନା ଘେରିଲେ ମହିଳା, ୩ପ୍ଲାଟୁନ ଫୋର୍ସ ମୁତୟନ କନକ
କନକ ବ୍ୟୁରୋ : ମହଙ୍ଗା ପଡିଲା ପୁଲିସକୁ ଆକ୍ରମଣ । ପୁଲିସକୁ ମାଡ ମାରିବା ଅଭିଯୋଗରେ ବନ୍ଧା ହେଲେ ୫ଜଣ । ଆଠଗଡ ଗୁରୁଡିଝାଟିଆ ଥାନା ଅନ୍ତର୍ଗତ କୁମାରପୁର ଗାଁର ପୁଲିସକୁ ଆକ୍ରମଣ ଅଭିଯୋଗରେ ଆଜି ୫ ଜଣଙ୍କୁ ଗିରଫ କରିଛି ପୁଲିସ । ଗିରଫ ପ୍ରତିବାଦରେ ଗୁରୁଡିଝାଡିଆ ଥାନା ଘେରିଛନ୍ତି କୁମାରପୁର ଗାଁର ମହିଳା । ଏବେବି ଗାଁରେ ଉତେଜନାମୂଳକ ପରିସ୍ଥିତି ଲାଗି ରହିଛି । ଗାଁରେ ଦେଢ଼ ପ୍ଲାଟୁନ ଫୋର୍ସ ମୁତୟନ ହୋଇଥିବାବେଳେ ଥାନା ପରିସରରେ ଗୋଟିଏ ପ୍ଲାଟୁନ ଫୋର୍ସ ମୁତୟନ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ଆଠଗଡ ଗୁରୁଡିଝାଟିଆ ଥାନା କୁମାରପୁର ଗାଁର ଜଣେ ଅଭିଯୁକ୍ତକୁ ଗିରଫ କରିବାକୁ ଯାଇଥିବା ପୁଲିସକୁ ଆକ୍ରମଣ କରିଥିଲେ ଅଭିଯୁକ୍ତର ସମର୍ଥକ । କିିଛି ପୁରୁଷ ଓ ମହିଳାଙ୍କ ଆକ୍ରମଣରେ ପୋଲିସର ଗାଡ ମଧ୍ୟ ଭାଙ୍ଗିଥିଲା । ଲୋକଙ୍କ ଆକ୍ରମଣରେ ଆଇଆଇସି ସମେତ ୩ ଜଣ ପୁଲିସ ଆହତ ହୋଇଥିଲେ ।