କନକ ବ୍ୟୁରୋ : ଚାନ୍ଦା ମାଗି ମାଡ ଖାଇଲେ ଅବକାରୀ କର୍ମଚାରୀ । କନ୍ଧମାଳ ଜିଲା ବାଲିଗୁଡା ଥାନା ସାଉଟିକିଆ ଗ୍ରାମରେ ଏଭଳି ଅଭାବନୀୟ ଘଟଣା ଘଟିଛି । ଅଭିଯୋଗ ମୁତାବକ ବାଲିଗୁଡା ଅବକାରୀ ବିଭାଗର ଜଣେ କର୍ମଚାରୀ ନିଜ ସହ ଜଣେ ନକଲି କର୍ମଚାରୀକୁ ନେଇ ଚାନ୍ଦା ମାଗିବାକୁ ଯାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ତେବେ ଗାଁ ଲୋକଙ୍କଠାରୁ ପାଖାପାଖି ୫୦ ହଜାର ଟଙ୍କା ଆଦାୟ କରିବା ପରେ ଗାଁ ଲୋକଙ୍କ ସନ୍ଦେହ ବଢିଥିଲା । ଏହାପରେ ସେମାନେ ନକଲି କର୍ମଚାରୀଙ୍କୁ ମାଡ ମାରି ପୁଲିସ ଜିମା ଦେଇଥିଲେ । କିନ୍ତୁ ଅସଲି ଅବକାରୀ କର୍ମଚାରୀ ଚଂପଟ ମାରିଥିଲେ । ତେବେ ଏତିକିରେ ଥମିନଥିଲା ଗ୍ରାମବାସୀଙ୍କ ରାଗ ।
ଏହି ଦୁଇ ବ୍ୟକ୍ତି ନେଇଥିବା ଏକ ସ୍କର୍ପିଓ ଗାଡିକୁ ଭଂଗାରୁଜା କରିଥିଲେ ଗ୍ରାମବାସୀ । ଏହାପରେ ବାଲିଗୁଡା ସହରରେ ଅସଲି କର୍ମଚାରୀଙ୍କୁ ପାଇ ଗ୍ରାମବାସୀ ପୁଲିସର ଜିମା ଦେଇଥିଲେ । ତେବେ ଏଠାରେ ପ୍ରଶ୍ନ ଉଠୁଛି ଅବକାରୀ ବିଭାଗର ୟୁନିଫର୍ମ ଜଣେ ନକଲି କର୍ମଚାରୀ କିଭଳି ପାଇଲେ ।