ପଂଜାବ ନ୍ୟାସନାଲ ବ୍ୟାଙ୍କରେ ୧୧ହଜାର କୋଟି ଠକେଇ ମାମଲା : ହୀରା ବ୍ୟବସାୟୀ ନୀରବ ମୋଦିଙ୍କ ୧୨ଟି ଠିକଣା ଉପରେ ଇଡିର ରେଡ
କନକ ବ୍ୟୁରୋ : ମୁମ୍ବାଇ ସ୍ଥିତ ପଂଜାବ ନ୍ୟାସନାଲ ବ୍ୟାଙ୍କର ଏକ ବ୍ରାଂଚରୁ ୧୧ହଜାର ୨୩୬କୋଟି ଟଙ୍କାର ଠକେଇ ମାମଲାରେ ବଡ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ଫ୍ରଡ ଟ୍ରାନଜାକ୍ସନ ଅଭିଯୋଗରେ ଜୁଏଲରୀ ଡିଜାଇନର ନୀରବ ମୋଦିଙ୍କ ବିରୋଧରେ ଏଫଆଇଆର ରୁଜୁ ହୋଇଛି । ନୀରବ ମୋଦିଙ୍କ ପାଖାପାଖି ୧୦ରୁ ୧୨ଟି ଠିକଣା ଉପରେ ପ୍ରବର୍ତ୍ତନ ନିର୍ଦ୍ଦେଶାଳୟ ଛାପା ମାରିଛି । ଗତ ଜାନୁୟାର ୩୧ ତାରିଖରେ ଏହି ମାମଲା ରୁଜୁ କରାଯାଇଥିଲା । ନୀରବ ମୋଦିଙ୍କ ସହ ତାଙ୍କ ପତ୍ନୀ, ଭାଇ ଏବଂ ତାଙ୍କର ଜଣେ ବିଜିନେସ ପାର୍ଟନରଙ୍କ ବିରୋଧରେ ମାମଲା ରୁଜୁ କରାଯାଇଛି । ଜାଲ ପ୍ରମାଣପତ୍ର ଦେଇ ଭାରତୀୟ ଋଣଦାତାଙ୍କ ଜରିଆରେ ବିଦେଶୀ ଟଙ୍କା ହାସଲ କରିଥିଲେ ନୀରବ ମୋଦି । ସେପଟେ ପିଏନବି ମଧ୍ୟ ଘଟଣାରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିଛି । ପିଏନବିର ତାର ମୁମ୍ବାଇ ସ୍ଥିତ ବ୍ରାଂଚରୁ ୧୦ ଅଧିକାରୀଙ୍କୁ ନିଲମ୍ବିତ କରିଛି । ଏଥିସହ ସିବିଆଇକୁ ତଦନ୍ତ ନିର୍ଦ୍ଦେଶ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ବ୍ୟାଙ୍କ ଅଭିଯୋଗ କରିଛି କି, ମୋଦି ଏବଂ ତାଙ୍କ ସହଯୋଗୀ କମ୍ପାନି ସବୁ ଚଞ୍ଚକତାର ସହ ପିଏନ୍ବିର ୧. ୭ ବିଲିୟନ୍ ଡଲାର୍ ଗ୍ୟାରେଣ୍ଟିକୁ ହାତେଇ ନେଇଥିଲେ । ପରେ ତାକୁ ଉପଯୋଗ କରି ଦରିଆପାରି ଲୋନ୍ ଆଣୁଥିଲେ । ଚିଠି ପାଇବାକୁ ମୋଦି ପିଏନ୍ବିର କିଛି କନିଷ୍ଠ ଅଧିକାରୀଙ୍କସହ କାମ କରିଛନ୍ତି । ୨୦୧୧ରୁ ଦୁର୍ନୀତି ଆରମ୍ଭ ହୋଇଛି । ଅନ୍ୟ ଋଣ ଗ୍ରହୀତାମାନଙ୍କ ନାମ ପିଏନ୍ବି ପ୍ରକାଶ କରି ନ ଥିଲେ ମଧ୍ୟ ପିଏନ୍ବି ଜାରି କରିଥିବା ଅଙ୍ଗୀକାର ପତ୍ର ଆଧାରେ ୟୁନିୟନ୍ ବ୍ୟାଙ୍କ୍, ଆହ୍ଲାବାଦ ବ୍ୟାଙ୍କ୍ ଏବଂ ଏକ୍ସିସ୍ ବ୍ୟାଙ୍କ୍ ତାଙ୍କୁ ଅର୍ଥ ଦେଇଛି ।