ଢେଙ୍କାନାଳ : ପାର୍ବଣ ଋତୁର ଦ୍ୱିତୀୟ ପର୍ଯ୍ୟାୟରେ ଆରମ୍ଭ ହୋଇଛି ଗଜଲକ୍ଷ୍ମୀ ପୂଜା । ଢେଙ୍କାନାଳରେ କୁମାରପୂର୍ଣ୍ଣମୀ ଠାରୁ ଆରମ୍ଭ ହୋଇଥିବା ଗଜଲକ୍ଷ୍ମୀ ପୂଜା ୧୧ଦିନ ଧରି ଜମିବ । ସହରରେ ୪୦ଟି ପୁଜା ମଣ୍ଡପରେ ମା’ଙ୍କ ମୃଣ୍ମୟୀ ମୂର୍ତି ପୂଜା ପାଇବେ ।
Kanak News is now on WhatsApp
Join and get latest news updates delivered to you via WhatsApp
ଆଜି ଅପରାହ୍ନ ୩ଟା ୫୪ରେ ବିଲ୍ୱ ଅଧିବାସ, ପରେ ପରେ ଦେବ ନିମନ୍ତ୍ରଣ, ଚକ୍ଷୁ ଦାନ, ହବନ ଏବଂ ପୁଷ୍ପାଜଂଳି ଆଦି ନୀତିକାନ୍ତି କରାଯିବ । ଏହାପରେ ରାତି ୧୦ଟା ରୁ ଗୋଟାଏ ୬ରୁ ମହାମାୟୀଙ୍କର ପ୍ରଥମ ଦିବସର ପୂଜାପାଠ କରାଯିବ । ସମସ୍ତ ପୂଜା ନୁଷ୍ଠାନଗୁଡିକରେ ମାଙ୍କର ପୂଜା ଆସ୍ଥାନର ସାଜସଜ୍ଜା ଅପରାହ୍ନ ୨ଟା ସୁଦ୍ଧା ଶେଷ କରିବାକୁ ମିଳିତ ପୁଜା କମିଟି ପକ୍ଷରୁ ସର୍ତାବଳୀ ରହିଛି ।
ପୂଜାକୁ ସରସସୁନ୍ଦର କରିବା ପାଇଁ ସହରରେ ୧୪୦ଟି ଆଲୋକ ତୋରଣ କରାଯାଇଛି । ଏବେ ସାରା ସହରବାସୀ ଉତ୍କଣ୍ଠାର ସହ ଧନଦାତ୍ରୀଙ୍କ ଆଗମନକୁ ଅପେକ୍ଷା କରି ରହିଛନ୍ତି । କୁମାରପୂର୍ଣ୍ଣମୀ ଚାନ୍ଦ ଉଇଁବା ସହିତ ମା ଲକ୍ଷ୍ମୀ ଆସ୍ଥାନକୁ ଆଗମନ କରିବେ ।