ଆଜି ଆଲୋକର ପର୍ବ ଦୀପାବଳି । ପୁରୀରେ ପୟାଶ୍ରାଦ୍ଧ ପାଇଁ ଭକ୍ତଙ୍କ ଭିଡ । ବଡବଡୁଆ ଡାକରେ ପ୍ରକମ୍ପିତ ହେଉଛି ବଡଦାଣ୍ଡ
ବୀରଗୋବିନ୍ଦପୁରରେ ଆରମ୍ଭ ହୋଇଛି ପ୍ରସିଦ୍ଧ କାଳୀପୂଜା
କନକ ବ୍ୟୁରୋ: ଆଜି ଦୀପାବଳି ଅମାବାସ୍ୟା । ଆଉ ଦୀପାବଳିରେ ପୁରୀରେ ପୟାଶ୍ରାଦ୍ଧ ଦେବାକୁ ଭକ୍ତଙ୍କ ଭିଡ ଲାଗିରହିଛି । ସିଂହଦ୍ୱାର ସମ୍ମୁଖରେ ପୟା ଶ୍ରାଦ୍ଧ କରିବାର ବିଧି ରହିଛି । ଏହି ଅବସରରେ ବଡ ବଡୁଆଙ୍କୁ ଡକାଯାଉଛି । ପୁରୀରେ ମହାପ୍ରସାଦ ଖାଇ, ବାଇଶିପାହାଚରେ କାଉଁରିଆକାଠ ଜଳାଯାଇଥାଏ । ପିତୃପୁରୁଷଙ୍କୁ ସ୍ୱାର୍ଗଲୋକଙ୍କୁ ଫେରିବା ପାଇଁ ଆଲୋକ ଦେଖାଇବା ଏହାର ଉଦ୍ଦେଶ୍ୟ । ଏହା ଏକ ସାମୂହିକ ଶ୍ରାଦ୍ଧ ଉତ୍ସବ । ଏହି ଅବସରରେ ମାଟି ଉପରେ ମୁରୁଜରେ ଡଙ୍ଗାର ଛବି ଅଙ୍କାଯାଇ, ସୂତା, ସୋରିଷ ରଖାଯାଇ ପୂଜା କରାଯାଇଥାଏ । ପୂଜା ଶେଷ ହେବା ପରେ ଆକାଶ ଆଡକୁ ଦେଖାଇ କାଉଁରିଆ କାଠ ଜଳାଯାଇ ବଡବଡୁଆ ଡକାଯାଏ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଆଜି ପୁରୀ ନିକଟସ୍ଥ ବୀରଗୋବିନ୍ଦପୁରରେ ପ୍ରସିଦ୍ଧ କାଳୀପୂଜା ଆରମ୍ଭ ହୋଇଛି ସକାଳୁ ସକାଳୁ ଏଥିପାଇଁ ଭକ୍ତଙ୍କ ଭିଡ ଲାଗିରହିଛି । ଦୀପାବଳିରେ ଏଠାରେ ମାଙ୍କ ପୂଜାର୍ଚ୍ଚନା କରାଯାଇଥାଏ ।
ଆଜି ଆଲୋକର ପର୍ବ ଦୀପାବଳି । ଘରେ ଘରେ ଆନନ୍ଦ ଉଲ୍ଲାସର ସୁଅ ଛୁଟିବା ସହ ଦିପ ଜଳାଇ ବାଣ ଫୁଟାଇ ଲୋକେ ଦିପାବଳିର ଖୁସି ମନାଇଛନ୍ତି । ଦୀପାବଳିରେ ଘରେ ଘରେ ରଙ୍ଗୋଲି ହୋଇଥିବା ମଧ୍ୟ ଦେଖିବାକୁ ମିଳିଛି । ଏହା ସହ ବିଭିନ୍ନ ପ୍ରକାର ମିଷ୍ଟାନ୍ନ ପ୍ରସ୍ତୁତ କରି ଖାଇବା ସହ ଲୋକେ ଦିପାବଳିର ଖୁସି ମନାଇଛନ୍ତି । ଘରେ ଘରେ ଏଥିପାଇଁ ପ୍ରସ୍ତତି ଚାଲିଛି । ପ୍ରତ୍ୟେକ ଘରେ ଜୀବନ ଓ ପ୍ରତ୍ୟେକ ମୁହଁରେ ହସ ପାଇଁ ଦୀପାବଳୀ ପାଳନ କରାଯାଏ ।
କୁହାଯାଏ, ୧୪ ବର୍ଷ ପରେ ରାମ, ରାବଣଙ୍କୁ ବଧ କରି ଦୀପାବଳୀରେ ଅଯୋଧ୍ୟା ଫେରିଥିଲେ । ଅଯୋଧ୍ୟାବାସୀ ଘୃତ-ଦୀପ ଜାଳି ରାମଙ୍କୁ ସ୍ୱାଗତ କରିଥିଲେ । ଦ୍ୱାପର ଯୁଗରେ ଶ୍ରୀକୃଷ୍ଣ ନାରକାସୁରକୁ ବଧ କଲା ପରେ ତା ପରଦିନ ବ୍ରଜବାସୀ ଦୀପ ଜାଳି ଉତ୍ସବ ପାଳନ କରିଥିଲେ । ସେହି ଦିନ ମଧ୍ୟ ଥିଲା ଦୀପାବଳୀ । ଦୀପାବଳୀ ପାଇଁ ଆଜି ପୁରୀରେ ପୟା ଶ୍ରାଦ୍ଧ ଦିଆଯାଉଛି । ଶହ ଶହ ଲୋକ କାଉଁରିଆ କାଠ ଜାଳି ଏକ ସ୍ୱରରେ ବଡବଡୁଆ ଡାକୁଛନ୍ତି । ବିନ୍ଦୁସାଗରରେ ମଧ୍ୟ ପିତୃପରୁଷଙ୍କୁ ଶ୍ରାଦ୍ଧ ଦେବାକୁ ଭିଡ ହୋଇଛି ।