କୃତ୍ରିମ ଉପାୟରେ ଫୁଟିଲା ନାଗ ସାପ ଛୁଆ । ୨ ମାସ ତଳେ ୩ ନାଗୁଣୀ ସହ ୫୭ଟି ଅଣ୍ଡା ଉଦ୍ଧାର କରିଥିଲା ସ୍ନେକ ହେଲ୍ପଲାଇନ ।
କନକ ବ୍ୟୁରୋ: ଦୁଇମାସ ତଳେ ଉଦ୍ଧାର ହୋଇଥିବା ସାପ ଅଣ୍ଡାରୁ କୃତ୍ରିମ ଉପାୟରେ ଫୁଟିଲା ଛୁଆ । ସୂଚନା ମୁତାବକ, କଣାସ ବିଲପାଟଣା ଗାଁରୁ ପ୍ରାୟ ୨ ମାସ ତଳେ ୩ନାଗୁଣୀ ସହ ୫୭ଟି ନାଗ ସାପ ଅଣ୍ଡା ଉଦ୍ଧାର କରିଥିଲା ସ୍ନେକ ହେଲ୍ପଲାଇନ । ନାଗୁଣୀକୁ ଜଙ୍ଗଲରେ ଛାଡି ଦେଇଥିବାବେଳେ ଅଣ୍ଡାକୁ ସୁରକ୍ଷିତ ଭାବେ ରଖାଯାଇଥିଲା । ସେହି ଅଣ୍ଡାରୁ କୃତ୍ରିମ ଉପାୟରେ ସାପ ଛୁଆ ବାହାର କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ବାଲିପାଟଣା ଗାଁର ରଶ୍ମିକାନ୍ତ ପରିଡା ପାଳଗଦାରୁ କୁଟା ଆଣିବାକୁ ଯାଇଥିବାବେଳେ ନାଗସାପ ଅଣ୍ଡା ଦେଇଥିବା ଦେଖିବାକୁ ପାଇଥିଲେ । ସ୍ନେକ ହେଲପଲାଇନକୁ ଖବର ଦିଆଯାଇଥିଲା ଓ ସେମାନେ ଏହାକୁ ସାପ ସହ ଅଣ୍ଡାକୁ ଉଦ୍ଧାର କରିଥିଲେ । ଗୋଟିଏ ସ୍ଥାନରେ ପାଖାପାଖି ୩ଟି ନାଗସାପ ଅଣ୍ଡା ଦେଇଥିବା ଦେଖିବାକୁ ମିଳିଥିଲା । ସ୍ନେକ ହେଲ୍ପ ଲାଇନ ସଦସ୍ୟ ଘଟଣାସ୍ଥଳରେ ପହଂଚି ୩ଟି ନାଗୁଣୀ ଓ ୫୭ଟି ଅଣ୍ଡାକୁ ଉଦ୍ଧାର କରିଥିଲେ । ୩ଟି ନାଗୁଣୀକୁ ସୁରକ୍ଷିତ ଭାବେ ଜଙ୍ଗଲରେ ଛଡାଯାଇଥିଲା ।