ମାଲକାନଗିରିରେ ଡଙ୍ଗା ବୁଡି ଜଣେ ଶିଶୁ ମୃତ, ୨ ନିଖୋଜ : ହାଟ ସାରି ଘରକୁ ଫେରିବାବେଳେ ସିଲେରୁ ନଦୀରେ ବୁଡିଗଲା ଦେଶୀ ଡଙ୍ଗା
କନକ ବ୍ୟୁରୋ : ଗତକାଲି ଝଡତୋଫାନରେ ଡଙ୍ଗାରୁ ବୁଡି ଜଣେ ଶିଶୁ ମୃତ ଦୁଇ ଜଣ ନିଖୋଜ ଥିବା ଘଟଣା ସାମ୍ନାକୁ ଆସିଲା । ଘଟଣାଟି ହେଉଛି ମାଲକାନଗିରି ଜିଲ୍ଲା ଚିତ୍ରକୋଣ୍ଡା ଥାନା ଅନ୍ତର୍ଗତ କୁରୁମାନ ପଂଚାୟତ ସିଲେରୁ ପାଖ ନଦୀର । ପାଙ୍ଗମପଡ ବଙ୍ଗଳା କ୍ୟାମ୍ପରୁ ବଚଳୁର ନିଜ ଗାଁ କୁ ଯାଉଥିବା ସମୟରେ ଘଟଣାଟି ଘଟିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଗତକାଲି ଆନ୍ଧ୍ରପ୍ରଦେଶ ସିଲେରୁ ହାଟ ସାରି ଏକ ଦେଶୀ ଡଙ୍ଗାରେ ସତୀବାବୁ ନାମକ ବ୍ୟକ୍ତି ତାଙ୍କ ସ୍ତ୍ରୀ ପାର୍ବତୀ ଓ ନିଜ ଝିଅ ଏବଂ ଅନ୍ୟ ଦୁଇ ଜଣ ମହିଳାଙ୍କ ସହ ଫେରୁଥିବା ସମୟରେ ଝଡ ତୋଫାନ ଯୋଗୁଁ ଡଙ୍ଗା ଓଲଟି ଯିବା ଫଳରେ ଛୋଟ ଛୁଆର ପ୍ରାଣ ଗଲା ତା ସହ ଦୁଇ ଜଣ ମହିଳା ନିଖୋଜ ଥିବା ସୂଚନା ମିଳିଛି । ନିଖୋଜ ଥିବା ବ୍ୟକ୍ତି ମାନେ ହେଲେ ବୁଲମା ଓ କ୍ରୀଷ୍ଣା ବେଣୀ ।