ସିଆଇଏସଏଫକୁ ଦରକାର ଏକେ-୪୭ ଫେଲ୍ ମାରୁଥିବା ଜ୍ୟାକେଟ୍ ! ୧୫୦୦ ବୁଲେଟପ୍ରୁଫ୍ ଜ୍ୟାକେଟ୍ କିଣିବାକୁ ପ୍ରସ୍ତାବ ।
ଦେଶର ବିମାନ ବନ୍ଦର ପହରା ଦେଉଥିବା ସେଣ୍ଟ୍ରାଲ୍ ଇଣ୍ଡଷ୍ଟ୍ରିଆଲ୍ ସିକ୍ୟୁରିଟି ଫୋର୍ସର କର୍ମଚାରୀମାନେ ପିନ୍ଧୁଥିବା ବୁଲେଟପ୍ରୁଫ୍ ଜ୍ୟାକେଟଗୁଡ଼ିକୁ ବଦଳାଇବାକୁ ଚାହୁଁଛି। ଏହି ଜ୍ୟାକେଟ ଗୁଡ଼ିକ ଆତଙ୍କବାଦୀମାନଙ୍କ ପସନ୍ଦର ଅସ୍ତ୍ର ଏକେ ୪୭ ଆସଲଟ୍ ରାଇଫଲରୁ ନିର୍ଗତ ଗୁଳି ଓ ଖୁବ୍ ନିକଟରୁ ମରାଯାଉଥିବା ଗୁଳି ଚୋଟକୁ ସମ୍ଭାଳିବାକୁ ଅସମର୍ଥ।
Kanak News is now on WhatsApp
Join and get latest news updates delivered to you via WhatsApp
୨୫୦୦୦ କର୍ମଚାରୀ ଥିବା ଏହି ବଳ ଦେଶରେ ଚାଲିଥିବା ୬୦ ରୁ ୯୮ ବିମାନ ବନ୍ଦରରେ ପହରା ଦେଉଛନ୍ତି। ଗତ ମାସରେ ବେସାମରିକ ବିମାନ ଚଳାଚଳ ମନ୍ତ୍ରାଳୟକୁ ଏ ବିଷୟରେ ଅବଗତ କରାଯାଇଛି ବୋଲି ଜଣେ ବରିଷ୍ଠ ସିଆଇଏସଏଫ୍ ଅଧିକାରୀ କରିଛନ୍ତି।
ସିଆଇଏସଏଫ୍ ନିକଟରେ ୧୦୦୦ଟି ବୁଲେଟପ୍ରୁଫ୍ ଜ୍ୟାକେଟ୍ ଅଛି ଆଉ ୧୫୦୦ ନୂଆ କିଣିବାକୁ ଚାହୁଁଛି।
ସିଆଇଏସଏଫ୍ କର୍ମଚାରୀମାନେ ବ୍ୟବହାର କରୁଥିବା ବୁଲେଟପ୍ରୁଫ୍ ଜ୍ୟାକେଟ୍ ସବୁ ୨୦୧୧ରେ କିଣା ଯାଇଥିଲା । ଯଦି ନିକଟରୁ ଗୁଳି ମରାଯାଏ ତେବେ ତାହା ସେ ଜ୍ୟାକେଟ୍ ଭେଦ କରି ବ୍ୟକ୍ତିଙ୍କୁ ଆହତ କରିବ ବୋଲି ଜଣେ ବରିଷ୍ଠ ଅଧିକାରୀ କହିଛନ୍ତି।