ହାଇକୋର୍ଟମାନଙ୍କୁ ପରାମର୍ଶ ଦେଲେ ଭାରତର ପ୍ରଧାନ ବିଚାରପତି ଦୀପକ ମିଶ୍ର ! କହିଲେ ମାମଲା ଗୁଡିକର ବିଚାର ପାଇଁ ପ୍ରସ୍ତୁତ କରନ୍ତୁ ନୂଆ ବ୍ୟବସ୍ଥା
କନକ ବ୍ୟୁରୋ: ପଡିରହିଥିବା ସମସ୍ତ ମାମଲାର ତ୍ୱରିତ ବିଚାର ପାଇଁ ସମସ୍ତ ହାଇକୋର୍ଟ ମୁଖ୍ୟ ବିଚାରପତିମାନଙ୍କୁ କହିଛନ୍ତି ସୁପ୍ରିମକୋର୍ଟ ପ୍ରଧାନବିଚାରପତି ଜଷ୍ଟିସ ଦୀପକ ମିଶ୍ର । ସେ ଲେଖିଥିବା ଚିଠିରେ ଉଲ୍ଲେଖ ରହିଛି ଯେ ମୁଖ୍ୟବିଚାର ପତିମାନେ ଏପରି ଏକ ପ୍ରକ୍ରିୟା ଆରମ୍ଭ କରିବା ଦରକାର ଯାହାଦ୍ୱାରା ବହୁଦିନ ଧରି ବିଚାର ହୋଇପାରୁନଥିବା ମାମଲାର ଶୀଘ୍ର ବିଚାର ହୋଇ ସମାଧାନ ହେବ ।
Kanak News is now on WhatsApp
Join and get latest news updates delivered to you via WhatsApp
ଯେଉଁ ନ୍ୟାସନାଲ ଡାଟା ଗ୍ରିଡ ୱେବସାଇଟର ତଥ୍ୟ ଅନୁସାରେ ଦେଶର ବିଭିନ୍ନ ତଳ କୋର୍ଟରେ ୨କୋଟି ୭୦ଲକ୍ଷ ମାମଲା ପଡିରହିଛି । ସେଥିମଧ୍ୟରୁ ୮୨ଲକ୍ଷ ସିଭିଲ ଏବଂ ୧ କୋଟି ୮୯ ଲକ୍ଷ କ୍ରିମିନାଲ କେସ ରହିଛି । ପୁରୁଣା ଏବଂ ପ୍ରାଥମିକତା ଭିତିରେ ଏହି ମାମଲାର ବିଚାର ପାଇଁ କହିଛନ୍ତି ପ୍ରଧାନ ବିଚାରପତି । ଦେଶରେ ସର୍ବାଧିକ ଉତର ପ୍ରଦେଶରେ ୬୫ ଲକ୍ଷ ମାମଲା ବିଚାର ନହୋଇ ପଡିରହିଛି । ସେହିପରି ଦେଶର ୨୪ଟି ହାଇକୋର୍ଟରେ ୩୭ ଲକ୍ଷ ମାମଲା ପଡିରହିଛି ।