କନକ ବ୍ୟୁରୋ : ବଢିପାରେ ଆଧାର ଲିଙ୍କ ଅବଧି । ବିଭନ୍ନ ସେବା ପାଇବା ପାଇଁ ଆଧାର ସଂଯୋଗ ସମୟସୀମା ଚଳିତ ମାସ ୩୧ ତାରିଖ ରଖାଯାଇଥିବା ବେଳେ ସରକାର ଏହି ସମୟସୀମା ବୃଦ୍ଧି କରିପାରନ୍ତି । କେନ୍ଦ୍ର ସରକାର କେ.କେ ବଣୁଗୋପାଳ ସୁପ୍ରିମକୋର୍ଟରେ ଏଭଳି ସୂଚନା ଦେଇଛନ୍ତି । କେନ୍ଦ୍ର ସରକାରଙ୍କ ପକ୍ଷରୁ କୁହାଯାଇଛି ଆଧାର ମାମଲାର ଶୁଣାଣି ଏବେ ସୁପ୍ରିମକୋର୍ଟରେ ଚାଲିଛି । ଏହି ଶୁଣାଣି ଶେଷ ହେବା ପାଇଁ ଅଧିକ ସମୟ ଆବଶ୍ୟକ ପଡିପାରେ । ତେଣୁ ସରକାର ଆଧାର ସଂଯୋଗ ପାଇଁ ଧାର୍ଯ୍ୟ ହୋଇଥିବା ମାର୍ଚ୍ଚ ୩୧ ସମୟସୀମାକୁ ବୃଦ୍ଧି କରିପାରନ୍ତି ବୋଲି ଆଟର୍ଣ୍ଣି ଜେନେରାଲ କେକେ ବେଣୁଗୋପାଳ ପ୍ରଧାନ ବିଚାରପତି ଦୀପକ ମିଶ୍ରଙ୍କ ଅଧ୍ୟକ୍ଷତାରେ ଗଠିତ ୫ ଜଣିଆ ସମ୍ବିଧାନ ଖଣ୍ଡପୀଠକୁ ଜଣାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ କେନ୍ଦ୍ର ସରକାର ସୁପ୍ରିମକୋର୍ଟଙ୍କୁ ଲମ୍ବା ସମୟ ଧରି ଆଧାର ମାମଲା ଉପରେ ଚାଲୁଥିବା ଶୁଣାଣି ପୁରା କରିବା ପାଇଁ ଆଉ ସମୟ ଦରକାର ବୋଲି କହିଛନ୍ତି । ଆଉ ଏହାର ସମୟସୀମା ୩୧ ମାର୍ଚ୍ଚକୁ ବଢ଼ାଇବାର ସମ୍ଭାବନା ରହିଛି । ପ୍ରଧାନ ବିଚାରପତି ଦୀପକ ମିଶ୍ର, ଜଷ୍ଟିସ୍ ଏକେ ସିକ୍ରି, ଜଷ୍ଟିସ୍ ଏଏମ ଖାନୱିଲକର, ଜଷ୍ଟିସ୍ ଡିୱାଇ ଚନ୍ଦ୍ରଚୁଜ ଓ ଜଷ୍ଟିସ୍ ଅଶୋକ ଭୂଷଣଙ୍କ ପାଂଚ ଜଣିଆ ସମ୍ବିଧାନ ଖଣ୍ଡପୀଠରେ ବେଣୁଗୋପାଳଙ୍କ ଦଲିଲ ଉପରେ ସହମତି ପ୍ରଦାନ କରିଛନ୍ତି । ଏହି ପୀଠ କହିଛି ଆଟର୍ଣ୍ଣି ଜେନେରାଲ ବିଲକୁଲ ଠିକ ମାମଲା ଉଠାଇଛନ୍ତି । ସୂଚନାଯୋଗ୍ୟ ବିଗତ ୧୫ ଡିସେମ୍ବରରେ ସର୍ବୋଚ୍ଚ ଅଦାଳତ ଆଧାର ଲିଙ୍କ୍ କରାଇବାର ସମୟସୀମା ୩୧ ମାର୍ଚ୍ଚ ବୋଲି ନିର୍ଦ୍ଦେଶ ଦେଇଥିଲେ ।