ଭୁବନେଶ୍ୱର ବ୍ୟୁରୋ, କନକ ନ୍ୟୁଜ୍ : ଅର୍ଥତତ୍ୱ ଚିଟଫଣ୍ଡ ସଂସ୍ଥା ସହ ଟଂକା କାରବାର ନେଇ ସିବିଆଇରେ ହାଜର ହେଲେ ମନ୍ତ୍ରୀ ସଂଜୟ ଦାଶବର୍ମାଙ୍କ ଶଳା ସତ୍ୟପ୍ରିୟ ଜୟସିଂହ। ସିବିଆଇ ଆଜି ତାଙ୍କୁ ଜେରା କରିଛି। ଦୀର୍ଘ ୫ ଘଂଟା କାଳ ସତ୍ୟପ୍ରିୟଙ୍କ ଟିମ ମିଡିଆ ଆଣ୍ଡ ହସ୍ପିଟାଲିଟି ପ୍ରାଇଭେଟ୍ ଲିମିଟେଡର ଅର୍ଥତତ୍ୱ ସହ କଣ ସଂପର୍କ ରହିଛି, ସେ ସଂପର୍କରେ ଜାଣିବା ପାଇଁ ଚାହିଁଛି ତଦନ୍ତକାରୀ ଟିମ୍ ।
Kanak News is now on WhatsApp
Join and get latest news updates delivered to you via WhatsApp
କୁହାଯାଉଛି ୨୦୧୨ରୁ ୨୦୧୪ ମଧ୍ୟରେ ଅର୍ଥତତ୍ୱ ଠାରୁ ଏହି କମ୍ପାନୀ ପ୍ରାୟ ଅଢେଇ କୋଟି ଟଙ୍କା ନେଇଛି। ଏପ୍ରିଲ ୦୧, ୨୦୧୨ ପରଠାରୁ ଟିମ ମିଡିଆର ମାଲିକ ରହିଛନ୍ତି ସତ୍ୟପ୍ରିୟ ଜୟସିଂହ । ମାଲିକାନା ଥିବାରୁ ସତ୍ୟପ୍ରିୟ ସିବିଆଇ ଜେରାର ସମ୍ମୁଖୀନ ହୋଇଛନ୍ତି । ଆଉ ଏସଂପର୍କିତ ସମସ୍ତ ତଥ୍ୟ ସେ ସିବିଆଇକୁ ଦେଇଛନ୍ତି ।
ହେଲେ ସବୁଠାରୁ ବଡକଥା ହେଉଛି ୨୬ ଅକ୍ଟୋବର ୨୦୦୫ ମସିହାରୁ ମନ୍ତ୍ରୀ ସଂଜୟ ଦାଶବର୍ମାଙ୍କ ପତ୍ନୀ ଶୈଳବାଳା ଦାଶବର୍ମା ରହିଛନ୍ତି ୬୬ ପ୍ରତିଶତ ସେୟାର ହୋଲଡର । ଯାହା ମନ୍ତ୍ରୀ ଦାଶବର୍ମା ନିଜ ନିର୍ବାଚନୀ ସତ୍ୟ ପାଠରେ ଉଲ୍ଲେଖ କରିଛନ୍ତି । ସତ୍ୟପ୍ରିୟ ଓ ପ୍ରଦୀପ ସେଠୀ ଭିତରେ କେମିତି ତିଆରି ହୋଇଥିଲା ସଂପର୍କ। କାହିଁକି ପ୍ରଦୀପ ସତ୍ୟପ୍ରିୟଙ୍କ କମ୍ପାନୀରେ ଲଗାଇଥିଲେ କୋଟି କୋଟି ଟଙ୍କା । ସତ୍ୟପ୍ରିୟଙ୍କ ମାଲାକାନା ନା ମନ୍ତ୍ରୀଙ୍କ ପତ୍ନୀଙ୍କ ସେୟାର ଯୋଗୁ ଠକ ସଂସ୍ଥା ଏଥିରେ କୋଟି କୋଟି ଟଙ୍କା ବିନିଯୋଗ କରିଥିଲା । ଏଭଳି ପ୍ରଶ୍ନର ଉତ୍ତର ଖୋଜୁଛି ସିବିଆଇ।