ବ୍ରାହ୍ମଣୀ ସେତୁ ପ୍ରସଙ୍ଗ : ଗଡ଼କରୀଙ୍କୁ ନବୀନଙ୍କ କଡ଼ା ଜବାବ ! ଆବଶ୍ୟକତା ନାହିଁ ଜଙ୍ଗଲ ଅନୁମତି , ଆସନ୍ତାକାଲିଠୁ ଆରମ୍ଭ କରାଯାଇପାରିବ କାମ
କନକ ବ୍ୟୁରୋ : ବ୍ରାହ୍ମଣୀ ନଦୀ ଉପରେ ଦ୍ୱିତୀୟ ବ୍ରିଜ ନିର୍ମାଣ ପ୍ରସଙ୍ଗରେ ମୁହାଁମୁହିଁ ବିଜେଡି ଓ ବିଜେପି । କେନ୍ଦ୍ର ସଡକ ଓ ପରିବହନ ମନ୍ତ୍ରୀ ନୀତିନ ଗଡ଼କରୀଙ୍କ ଚିଠିର କଡା ଜବାବ ରଖିଛନ୍ତି ରାଜ୍ୟ ସରକାର । କେନ୍ଦ୍ରମନ୍ତ୍ରୀଙ୍କ ଚିଠିର ଉତ୍ତର ରଖିଛନ୍ତି 
ମୁଖ୍ୟମନ୍ତ୍ରୀ । ପୋଲ ନିର୍ମାଣ ପାଇଁ ଜଙ୍ଗଲ ଅନୁମତିର ଆବଶ୍ୟକତା ନାହିଁ ବୋଲି ଲେଖିଛନ୍ତି ମୁଖ୍ୟମନ୍ତ୍ରୀ । ଗଡକରୀଙ୍କୁ ଚିଠିର ଜବାବ ଦେଇ କହିଛନ୍ତି – ଆପଣ ଉଠାଇଥିବା ଜଙ୍ଗଲ ଅନୁମତିର କଥା ବ୍ରିଜ୍ ସଂକ୍ରାନ୍ତିୟ ନୁହେଁ । ଆସନ୍ତାକାଲିଠୁ କାମ ଆରମ୍ଭ କରିବାରେ କୌଣସି ଅସୁବିଧା ନାହିଁ । ଏନଏଚଏଆଇ କାମ ଆରମ୍ଭ କଲେ ରାଜ୍ୟ ସହ ଯୋଗ କରିବ । ବ୍ରିଜ ନିର୍ମାଣ ପାଇଁ ଜଙ୍ଗଲ ଅନୁମତିର ଆବଶ୍ୟକତା ନାହିଁ । ରାଜ୍ୟ ଜଙ୍ଗଲ ଅଧିକାରୀ ଏନେଇ ପୂର୍ବରୁ ସ୍ପଷ୍ଟ କରିଛି । ପ୍ରସ୍ତାବିକ ବ୍ରିଜ୍ ଅଂଚଳ ଅଣଜଙ୍ଗଲ କିସମର । ଏନଏଚଏଆଇ କହିଛି ପ୍ରକଳ୍ପ ଅଣଜଙ୍ଗଲ ଜମିରେ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଏହା ପୂର୍ବରୁ ନବୀନଙ୍କ ପୂର୍ବ ଚିଠିର ଜବାବରେ କେନ୍ଦ୍ରମନ୍ତ୍ରୀ ନୀତିନ ଗଡ଼କରି ଲେଖିଥିଲେ, ଜଙ୍ଗଲ ଅନୁମତି ମିଳୁନଥିବାରୁ ବ୍ରାହ୍ମଣୀ ନଦୀ ଉପରେ ଦ୍ୱିତୀୟ ପୋଲ ନିର୍ମାଣରେ ବିଳମ୍ବ ହେଉଛି । ଲେଖିଛନ୍ତି-ଜମି ସମସ୍ୟା ଏବଂ ଜଙ୍ଗଲ ଅନୁମତି ନମିଳିବାରୁ ଆଗେଇ ପାରୁନି ସେତୁ ନିର୍ମାଣ । ଅନୁମିତି ମିିଳିଲେ ୭ ଦିନ ଭିତରେ ଆରମ୍ଭ ହୋଇଯିବ କାମ ।
ଆଉ ଏହାରି ଭିତରେ ଆସିଛି ରାଉରକେଲା ବନଖଣ୍ଡ ଅଧିକାରୀ ଏହି ଚିଠି । ଯେଉଁଥିରେ ସେ ଲେଖିଛନ୍ତି-ବ୍ରାହ୍ମଣୀ ଉପରେ ଦ୍ୱିତୀୟ ସେତୁ ନିର୍ମାଣ ପାଇଁ ଜଙ୍ଗଲ ଅନୁମତିର ଦରକାର ନାହିଁ । କାହିଁକି ନା’ ଅଫିସିଆଲ ରେକର୍ଡ ଅନୁସାରେ ଏହା ଜଙ୍ଗଲ ଜମି ଅଧିନରେ ଆସୁନାହିଁ । କିନ୍ତୁ ବଡ଼ କଥା ହେଉଛି-ଏହି ରାଉରକେଲା ଡିଏଫଓ, ଗତ ମେ ମାସରେ ଜାତୀୟ ରାଜପଥ ପ୍ରାଧିକରଣ ବା ଏନଏଚଏଆଇକୁ ଚିଠି ଲେଖି, ପ୍ରକଳ୍ପର ସଂପ୍ରସାରଣ ପରେ ଜଙ୍ଗଲ ଜମିର କିସମ ପରିବର୍ତନ ପାଇଁ ଆବଶ୍ୟକତାର ରହିଥିବା ଜଣାଇଥିଲେ । ଏହାକୁ ଆଧାର କରି ବିଜେପି କହୁଛି-ଏବେ ମିଛ କହୁଛି ବିଜେଡି ।