ବଲାଙ୍ଗୀରରେ ଶବକୁ ଅସମ୍ମାନ : ରାସ୍ତା କଡରେ ପଡିଛି ଏକାଧିକ ମୃତଦେହ, ଅଚିହ୍ନା ଶବଙ୍କୁ ଫୋପାଡି ଦେଉଛି ରେଳବାଇ ପୋଲିସ
କନକ ବ୍ୟୁରୋ: ଶବକୁ ବି ମିଳୁନି ସମ୍ମାନ । ସଂସ୍କାର ନହେଲେ ନାହିଁ ମାଟି ମୁଠାଏ ମଧ୍ୟ ମିଳୁନି । ରାସ୍ତା କଡରେ ବର୍ଜ୍ୟବସ୍ତୁ ଭଳି ଫିଙ୍ଗି ଦିଆଯାଉଛି ଅଚିହ୍ନା ମୃତ ଦେହକୁ । ଏଭଳି ଅଭାବନୀୟ ଘଟଣା ଘଟିଛି ବଲାଙ୍ଗୀର ଜିଲ୍ଳାରେ । ବଲାଙ୍ଗୀରରୁ ଖୁଜେଲ ପାଲି ଯିବା ବାଟରେ ରାସ୍ତା କଡ ସତେ ଯେମିତି ମୃତ ଶରୀର ଡମ୍ପିଂୟାର୍ଡ ପାଲଟିଛି । ବୁଦି ବୁଦିକିଆ ଜଙ୍ଗଲ ଭିତରେ ଏଣେ ତେଣେ ପଡିଛି ଏକାଧିକ ଶବ । ତେବେ ଏହି ଶବମାନଙ୍କୁ କିଏ ଫିଙ୍ଗିଲା ଓ କେଉଁଠୁ ଆସିଲା ବୁଝୁବୁଝୁ ଜଣାପଡିଲା ଯେ ବଲାଙ୍ଗୀର ରେଳବାଇ ପୋଲିସ ଦୁର୍ଘଟଣାରେ ମୃତ୍ୟୁବରଣ କରିଥିବା ଓ ଚିହ୍ନଟ ହୋଇପାରିନଥିବା ଶବକୁ ଏମିତି ଫିଙ୍ଗି ଦେଉଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ରେଳବାଇ ପୋଲିସ୍ ଦ୍ୱାରା ଶବମାନଙ୍କୁ ଫିଙ୍ଗାଯିବା ଘଟଣାକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ତୀବ୍ର ପ୍ରତିକ୍ରୟା ପ୍ରକାଶ ପାଇଛି । ଶବକୁ ସଂସ୍କାର କରିବା ପାଇଁ ସରକାରଙ୍କ ତରଫରୁ ଅର୍ଥ ବ୍ୟବସ୍ଥା ରହିଥିବାବେଳେ କାହିଁକି ଏଭଳି କରାଯାଉଛି ତାହାର ତଦନ୍ତ କରାଯିବା ସହ ଏମିତି କାର୍ଯ୍ୟ କରୁଥିବା କର୍ମଚାରୀଙ୍କୁ ଦଣ୍ଡ ମିଳିବା ଆବଶ୍ୟକ ବୋଲି କହିଛନ୍ତି ମାନବଅଧିକାର କର୍ମୀ ।