କନକ ବ୍ୟୁରୋ : ମିଶନ୍ ଓଡ଼ିଶା, ବିଜେପିର ଟାର୍ଗେଟରେ ୧୨୦ ପ୍ଲସ୍ ଆସନ । ଆଉ ଏହି ଅଙ୍କ ବୁଝିବାକୁ ନବୀନ ବାବୁ ସକ୍ଷମ ନୁହଁନ୍ତି ବୋଲି କହିଛନ୍ତି ବିଜେପିର ରାଷ୍ଟ୍ରୀୟ ଅଧ୍ୟକ୍ଷ । କାରଣ ବୟସ-ବୟସରେ ତଫାତ୍ ବୋଲି କଟାକ୍ଷ କରିଛନ୍ତି । ଆଉ ଅମିତ ଶାହାଙ୍କ ଏହି ମନସ୍ତାତ୍ତ୍ୱିକ କୌଶଳ ଆପଣାଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବୟସକୁ ଆକ୍ଷେପ କରି କହିଛନ୍ତି-ବୃଦ୍ଧ ବୟସରେ କରୁଛନ୍ତି ବାଲ୍ୟଲୀଳା । ଜବାବରେ ନବୀନ କହିଛନ୍ତି- କାହିଁକି ବୟସକୁ ନେଇ ସନ୍ଦେହ ରହୁଛି ।
Kanak News is now on WhatsApp
Join and get latest news updates delivered to you via WhatsApp
୧୨୦ ସିଟର ନାରା ଏବଂ ବିକଳ୍ପ ଯୁବ ନେତୃତ୍ୱର ଆହ୍ୱାନ ଭିତରେ ସିଧାସଳଖ ମୁଖ୍ୟମନ୍ତ୍ରୀଙ୍କ ବୟସକୁ ନେଇ ପ୍ରଶ୍ନ ଉଠାଇଛି ଭାରତୀୟ ଜନତା ପାର୍ଟି । ବୟସ କାରଣରୁ କିଛି ଲୋକ ଏହି ଅଙ୍କ ବୁଝିବାରେ ସକ୍ଷମ ନୁହଁନ୍ତି ବୋଲି କହିବା ସହ ପରୋକ୍ଷରେ ନବୀନ ପଟ୍ଟନାୟକଙ୍କୁ ସମାଲୋଚନା କରିଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ । ଯାହା ଉପରେ ପ୍ରତିକ୍ରିୟା ରଖିଛନ୍ତି ନବୀନ
କ୍ରମାଗତ ଭାବରେ ନବୀନଙ୍କ ବୟସ ଏବଂ ତାଙ୍କ ବୁଝିବା ଶକ୍ତି ଉପରେ ପ୍ରଶ୍ନ ଉଠାଉଥିବା ଅମିତ ଶାହାଙ୍କ ଏହି ଷ୍ଟାଇଲକୁ ଆପଣାଇଛନ୍ତି ଓଡ଼ିଶା ବିଜେପିର ପୋଷ୍ଟର ବୟ କୁହାଯାଉଥିବା ଧର୍ମେନ୍ଦ୍ର ପ୍ରଧାନ । ସିଧାସଳଖ ସମାଲୋଚନା କରି ଧର୍ମେନ୍ଦ୍ର କହିଛନ୍ତି-ପର ତିଅଣରେ କୁଣିଆ ଚର୍ଚ୍ଚା କରୁଥିବା ନବୀନ ବାବୁ ବୃଦ୍ଧ ବୟସରେ ବାଲ୍ୟଲୀଳା କରୁଛନ୍ତି ।
ଆଉ ଏସବୁ ଭିତରେ ଗୋଟିଏ କଥା ସ୍ପଷ୍ଟ, ଶାସକ ବିଜେଡି ଉପରେ ଭାରତୀୟ ଜନତା ପାର୍ଟି ଏକ ମନସ୍ତାତ୍ୱିକ ଚାପ ସୃଷ୍ଟି କରିବାକୁ ଚାହୁଁଛି । ଯେଉଁଥି ପାଇଁ କେତେବେଳେ ମିଶନ ୧୨୦ର ନାରା ଦେଇ ବିଜେଡିକୁ ଦ୍ୱନ୍ଦରେ ପକାଉଛି, ତ ଆଉ କେତେବେଳେ ମୁଖ୍ୟମନ୍ତ୍ରୀଙ୍କ ବୟସକୁ ନେଇ ପ୍ରଶ୍ନ ଉଠାଉଛି ପ୍ରଶ୍ନ ।