କନକ ବ୍ୟୁରୋ : ରତ୍ନଭଣ୍ଡାର ଚାବି ହଜିବା ପ୍ରସଙ୍ଗରେ ସରକାରଙ୍କୁ ଟାର୍ଗେଟ୍ କରିଛି ବିଜେପି । କମିସନ ତଦନ୍ତ ବସାଇ ମୁଖ୍ୟମନ୍ତ୍ରୀ କେବଳ ନିଜ ଭାବମୂର୍ତ୍ତି ରକ୍ଷା କରିବାକୁ ଚେଷ୍ଟା କରୁଛନ୍ତି ବୋଲି ଅଭିଯୋଗ କରିଛନ୍ତି ବିଜେପି ମୁଖପାତ୍ର ପୀତାମ୍ବର ଆଚାର୍ଯ୍ୟ । ସେ କହିଛନ୍ତି ଓଡ଼ିଆଙ୍କ ଭାବାବେଗଙ୍କ ସହ ମୁଖ୍ୟମନ୍ତ୍ରୀ ଖେଳିଛନ୍ତି । ପ୍ରଭୁଙ୍କର ମୂଲ୍ୟବାନ ରତ୍ନଭଣ୍ଡାର ଚାବିକୁ ହଜେଇ ଦେଇଛନ୍ତି । ଯଦି ସରକାର ନିଜ ତରପରୁ ଫୌଜଦାରୀ ମୋକଦମା ତୁରନ୍ତ ଦାଏର ନକରିନ୍ତି, ତେବେ ଭାରତୀୟ ଜନତା ପାର୍ଟି ଲୋକଙ୍କ ପାଖରେ ରାଜ୍ୟ ସରକାରଙ୍କ ସ୍ଥାଣୁତାର ବାର୍ତ୍ତା ନେଇ ପହଞ୍ଚାଇବ । ଏହାହସ ସେ କହିଛନ୍ତି ଓଡ଼ି଼ଶାବାସୀ ଦୁର୍ନୀତିଗ୍ରସ୍ତ ମୁଖ୍ୟମନ୍ତ୍ରୀଙ୍କୁ ବୁଝି ସାରିଲେଣି ସେ ଆଉ ତାଙ୍କୁ କ୍ଷମା ଦେବେ ନାହିଁ । ସେପଟେ ଚାବି ହଜିବାକୁ ନେଇ ରାଜନୀତି ନକରିବାକୁ କହିଛନ୍ତି ବିଜେଡି ସାଂସଦ ପିନାକୀ ମିଶ୍ର । ଏପରି ସମ୍ବେଦନଶୀଳ ପ୍ରସଙ୍ଗକୁ ନେଇ ରାଜନୀତି କରିବା ଠିକ୍ ନୁହେଁ ଓ ଏଥିପାଇଁ ଏକ ତଦନ୍ତ କମିଶନ ବସିଛି ବୋଲି ମଧ୍ୟ ସେ କହିଛନ୍ତି । ସେମନେ ଖୁବ ଶୀଘ୍ର ଏନେଇ ନିଷ୍ପତ୍ତି ନେବେ । ଏହାସହ ପୀତାମ୍ବର ଆଚାର୍ଯ୍ୟଙ୍କ ବୟାନକୁ ଦାୟିତ୍ୱହୀନ ବୋଲି ମଧ୍ୟ ସେ କହିଛନ୍ତି । ତଦନ୍ତ କମିଶନ କଣ କହୁଛନ୍ତି ସେ ନେଇ ଅପେକ୍ଷା କରନ୍ତୁ ଓ ଏହି ପ୍ରସଙ୍ଗରେ ନବୀନ ପଟ୍ଟନାୟକଙ୍କୁ ମଝିକୁ ଟାଣିବାର କୌଣସି ମାନେ ନାହିଁ ବୋଲି ସେ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେପେଟ ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ ଆଜି ଶ୍ରୀମନ୍ଦିରର ସ୍ଥିତି ଅନୁଧ୍ୟାନ କରିଛନ୍ତି ଜିଲ୍ଲା ଜଜ୍ ଅମ୍ବୁଜ ମୋହନ ଦାସ । ପ୍ରଥମେ କାର୍ଯ୍ୟାଳୟକୁ ଯାଇ ଜିଲ୍ଲାପାଳ, ନୀତି ପ୍ରଶାସକ, ଏସପି, ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ ସହ ଆଲୋଚନା କରିଛନ୍ତି । ସୁପ୍ରିମକୋର୍ଟଙ୍କ ନିର୍ଦେଶାବଳୀ ପାଳନ ହୋଇଛି କି ନାହିଁ, ସେନେଇ ପଚାରି ବୁଝିଛନ୍ତି । ସେପଟେ ଶ୍ରୀମନ୍ଦିର ଭିତରେ କେମିତି ଚାଲିଛି ଦିଅଁ ଦର୍ଶନ, ଏହାର ରିଅଲିଟି ଚେକ କରିଛି କନକ ନ୍ୟୁଜ ।
ଅନ୍ୟପଟେ ଶ୍ରୀମନ୍ଦିର ରତ୍ନଭଣ୍ଡାର ଚାବି ହଜିବା ପ୍ରସଙ୍ଗରେ ଆଜି ରାଜ୍ୟବ୍ୟାପି ବିକ୍ଷୋଭ କରିଛି ବିଜେପି । ସବୁ ଜିଲ୍ଲା ଓ ସଦର ମହକୁମାର ବିକ୍ଷୋଭ କରିବା ସହିତ ଭଣ୍ଡାର ଚାବି ହଜିବା ପ୍ରସଙ୍ଗରେ ସରକାରଙ୍କୁ କାଠଗଡ଼ାରେ ଠିଆ କରିବାକୁ ପ୍ରାୟସ କରିଛି । ସେହିପରି ଆସନ୍ତାକାଲିଠୁ ସପ୍ତାହେ ବ୍ୟାପି ରାଜ୍ୟର ସମସ୍ତ ଥାନା ସମ୍ମୁଖରେ ବିଜେପି ବିକ୍ଷୋଭ ପ୍ରଦର୍ଶନ କରିବା ସହ ଏଫଆଇଆର ଦେବ । ଏପଟେ ରାଜ୍ୟରେ ଥିବା ସମସ୍ତ ଜଗନ୍ନାଥ ମନ୍ଦିରମାନଙ୍କରେ ସମୂହ ଦୀପ ଦାନ କରିବ । ଶ୍ରୀମନ୍ଦିର ସଂପତିକୁ ସରକାର ସୁରକ୍ଷା ଦେବାକୁ ଅସମର୍ଥ ଥିବା ବେଳେ ରାଜ୍ୟବାସୀଙ୍କୁ କେମିତି ସୁରକ୍ଷା ଦେବେ ବୋଲି ବିଜେପି ପ୍ରଶ୍ନ କରିଛି ।