ଲୋକସଭାରେ ଅନ୍ତଃରାଜ୍ୟ ଜଳ ବିବାଦ ବିଲ ଆଗତକୁ ବିଜେଡିର ବିରୋଧ ! ସାଂସଦ ଭତୃହରି କହିଲେ, ରାଜ୍ୟ ବ୍ୟାପାର ହୋଇଥିଲେ ବି କାହାର ସମ୍ମତି ନେଇନି କେନ୍ଦ୍ର
କନକ ବ୍ୟୁରୋ : ଲୋକସଭାରେ ଇଂଟରଷ୍ଟେଟ ରିଭର ୱାଟର ଡିସପ୍ୟୁଟ ଆମେଣ୍ଡମେଂଟ ବିଲ୍ ଆଗତକୁ ବିରୋଧ କଲା ବିଜେଡି । ସାଂସଦ ଭର୍ତୃହରି ମହତାବ କହିଲେ ଜଳ ବଂଟନ ଏକ ରାଜ୍ୟ ବ୍ୟାପାର । ସମ୍ବିଧାନରେ ରାଜ୍ୟ ବ୍ୟାପାର ନେଇ କୌଣସି ବିଲ୍ ଆଗତ ନେଇ ସ୍ୱତନ୍ତ୍ର ନିୟମ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଏହା ରାଜ୍ୟ ବ୍ୟାପାର ହୋଇଥିଲେ ବି କୌଣସି ରାଜ୍ୟର ମତାମତ ନନେଇ କେନ୍ଦ୍ର ସରକାର ଏହି ଆମେଣ୍ଡମେଂଟ ବିଲ ପ୍ରସ୍ତୁତ କରିଛନ୍ତି । ଏହି ବିଲ୍ ଯୋଗୁଁ ରାଜ୍ୟ–ରାଜ୍ୟ ମଧ୍ୟରେ ଯେଉଁ ଜଳ ବିବାଦ ରହିଛି ତାହାର ସମାଧାନ ହେବନାହିଁ ବୋଲି ଭର୍ତୃହରି କହିଛନ୍ତି । ଏଥିରେ ଯେଉଁ ବ୍ୟବସ୍ଥା ରହିଛି ତାହା ଗ୍ରହଣୀୟ ନୁହେଁ ବୋଲି କହିଥିଲେ ବିଜେଡି ସାଂସଦ ।
ବିଜେଡି ସାଂସଦଙ୍କ ଏହି ଅଭିଯୋଗ ଉପରେ ଲୋକସଭାରେ ଉତର ରଖିଛନ୍ତି ଜଳସମ୍ପଦ ମନ୍ତ୍ରୀ ଉମାଭାରତୀ । ଏହି ବିଲରେ କୌଣସି ବ୍ୟବସ୍ଥା ନଥିବା କଥା ସାଂସଦ କହିଥିଲେ ମଧ୍ୟ ଏଥିପାଇଁ ଉପଯୁକ୍ତ ଯୁକ୍ତି ରଖିନାହାନ୍ତି ବୋଲି ଉମାଭାରତୀ କହିଛନ୍ତି । ଏହାସହ ସମ୍ବିଧାନର ଧାରା ୨୬୨ ଅନୁଯାୟୀ ପାର୍ଲାମେଂଟରେ ଏପରି ବିଲ୍ ଅଣାଯାଇ ପାରିବ ଯାହା ଦ୍ୱାରା ରାଜ୍ୟ ମଧ୍ୟରେ ଥିବା ଜଳ ବିବାଦର ସମାଧାନ କରାଯାଇ ପାରିବ ବୋଲି ଉତର ରଖିଛନ୍ତି ଜଳସମ୍ପଦ ମନ୍ତ୍ରୀ ।