ବୟସ୍କ ମହିଳାଙ୍କୁ ଦେଖିବା ପାଇଁ ଲୋକଙ୍କ ଲମ୍ବା ଲାଇନ । ସାକ୍ଷାତ ପାଇଁ ଆସୁଛନ୍ତି ବଡ ବଡ ଷ୍ଟାର ।
ପ୍ରାଚୀନ ମନ୍ଦିରକୁ ନେଇ ପ୍ରସିଦ୍ଧି ଲାଭ କରିଥିବା ମଧ୍ୟପ୍ରଦେଶର ଖଜୁରାହୋ ସହର କିନ୍ତୁ ଏବେ ଚା ବିକ୍ରିକରୁଥିବା ଜଣେ ବୃଦ୍ଧାଙ୍କୁ ନେଇ ଚର୍ଚାରେ ରହିଛି । ବଲିଉଡର ଷ୍ଟାର ଅଭିନେତା ଜ୍ୟାକିଶ୍ରଫ, ଶେଖର କପୁର ତାଙ୍କୁ କେବଳ ସାକ୍ଷାତ କରିନାହାନ୍ତି ବରଂ ସୋସିଆଲ ମିଡିଆରେ ତାଙ୍କ ଚା’ର ପ୍ରଶଂସା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି ବୃଦ୍ଧା ଜଣକ ହେଉଛନ୍ତି ହାର୍ଦ୍ଦି ବାଇ ରକୱାର । ଖଜୁରାହୋର ପଶ୍ଚିମ ଅଂଚଳର ମନ୍ଦିରଗୁଡିକ ନିକଟରେ ଷ୍ଟେଟବ୍ୟାଙ୍କ ସାମ୍ନାରେ ସେ ଝାଟିମାଟି ଘ୍େର ରହୁଛନ୍ତି । ତାଙ୍କ ସ୍ୱାମୀଙ୍କ ମୃତ୍ୟୁପରେ ତାଙ୍କୁ କେହି ସାହାଯ୍ୟ କରିନଥିଲେ । ତେଣୁ ସେ ଘର ଚଳାଇବା ପାଇଁ ନିଜ ଘର ପାଖରେ ଚା ଷ୍ଟଲ ଖୋଲିଥିଲେ । ଆଜି ଶହେ ବର୍ଷରେ ବି ସ୍ୱାଦିଷ୍ଟ ଚା’ ତିଆରି କରିପାରୁଛନ୍ତି ହରଦି ।
ଫିଲ୍ମ ଫେଷ୍ଟିଭାଲରୁ ଟାଇମ ବାହାର କରି ଏହି ବୃଦ୍ଧାଙ୍କ ନିକଟକୁ ଆସିଥିଲେ ଜାକିଶ୍ରଫ । ପାଖରେ ବସି ତାଙ୍କ ହାଲଚାଲ ବୁଝିବା ସହ ଚା’ପିଇଥିଲେ । ପରେ ତାଙ୍କର ପ୍ରଶଂସା କରିବା ସହ ଖୁସିରେ ଫଟୋ ଉଠାଇଥିଲେ ଜ୍ୟାକି ।
ହରଦିଙ୍କୁ ପ୍ରଶଂସା କରି ଟ୍ୱିଟ କରିଥିଲେ ଶେଖର କପୁର । ସେ କହିଥିଲେ ମୁଁ ଖୁସି ପାଇବା ପାଇଁ ସାରା ବିଶ୍ୱ ବୁଲୁଛି କିନ୍ତୁ ହରଦି ଖଜୁରାହୋରେ ରହି ଅତ୍ୟନ୍ତ ଖୁସି ଅଛନ୍ତି । ନେହେରୁଙ୍କ ଠାରୁ ଆରମ୍ଭ କରି ଅନେକ ବଡ ବଡ ସେଲିବ୍ରିଟି ତାଙ୍କ ପାଖରୁ ଚା’ ପିଇଛନ୍ତି । ସେ କିନ୍ତୁ ସାଧରଣ ଜୀବନ ବିତାଉଛନ୍ତି । ଏହା ହେଉଛି ତାଙ୍କର ମହାନତା ।