ଭଦ୍ରକ ଶ୍ରୀରାମ ନବମୀ ଶୋଭାଯାତ୍ରା ଉପରୁ ହଟିଲା କଟକଣା ! ପ୍ରଶାସନ ନିର୍ଦ୍ଦେଶ ଉପରେ ହାଇକୋର୍ଟଙ୍କ ରୋକ୍, ଶୃଙ୍ଖଳା ଉପରେ ନଜର ରଖିବାକୁ ତାଗିଦ୍
କନକ ବ୍ୟୁରୋ: ଭଦ୍ରକରେ ଶ୍ରୀରାମନବମୀରେ ହେବାକୁ ଥିବା ଶୋଭାଯାତ୍ରା ଉପରେ ଥିବା କଟକଣା ହଟିଛି । ଏନେଇ ଅନୁମତି ଦେଇଛନ୍ତି ହାଇକୋର୍ଟ । ପୂର୍ବ ବର୍ଷ ଭଳି ଚଳିତ ବର୍ଷ ଏହି ଉତ୍ସବ ପାଳନ ସମୟରେ କଳସ ଶୋଭାଯାତ୍ରା ଓ ଶ୍ରୀରାମନବମୀ ଶୋଭାଯାତ୍ରା ପାଇଁ କୋର୍ଟ ଅନୁମତି ଦେଇଛନ୍ତି । ତେବେ କୌଣସି ପ୍ରକାର ଅପ୍ରିତିକର ପରିସ୍ଥିତି ସୃଷ୍ଟି ନହୁଏ ସେନେଇ ପ୍ରଶାସନ ପଦକ୍ଷେପ ନେବ ।
Kanak News is now on WhatsApp
Join and get latest news updates delivered to you via WhatsApp
୨୦୧୭ରେ ଶ୍ରୀରାମ ନବମୀ ସମୟରେ ସହରରେ ସୃଷ୍ଟି ହୋଇଥିବା ଅପ୍ରିତିକର ପରିସ୍ଥିତିକୁ ଧ୍ୟାନ ଦେଇ ପ୍ରଶାସନ ଶୋଭାଯାତ୍ରା ଉପରେ କଟକଣା ଲଗାଇଥିଲା । ଏହ ସହ ଭଦ୍ରକ ଓ ଆଖପାଖ ଅଂଚଳରେ ୧୪୪ ଧାରା ଜାରି ହୋଇଥିଲା ଏବଂ ୪୧ ପ୍ଲାଟୁନ ଫୋର୍ସ ମୁତୟନ କରାଯାଇଥିଲା ।
ଉଲ୍ଲେଖ ଥାଉ କି, ଶ୍ରୀରାମ ନବମୀ ମହାଯଜ୍ଞ ପାଇଁ ପୁଲିସ ଛାଉଣିରେ ଥିଲା ଭଦ୍ରକ ସହର । ଚାରିଆଡେ ଖାଲି ପୁଲିସ ଓ ସୁରକ୍ଷା କର୍ମୀ। ପ୍ରତିଦିନ ବଢ଼ିବାରେ ଲାଗିଥିଲା ପୁଲିସ୍ ଫୋର୍ସ । ସନ୍ଧ୍ୟା ହେଲେ ହେଉଥିଲା ପୁଲିସର ଫ୍ଲାଗ ମାର୍ଚ୍ଚ । ଏଥିସହିତ ୧୪୪ ଧାରାକୁ ବଳବତ୍ତର ମଧ୍ୟ ରହିଥିଲା । ୧୮ତାରିଖରୁ ଆରମ୍ଭ ହୋଇଥିବା ପ୍ରସିଦ୍ଧ ଶ୍ରୀରାମ ନବମୀ ମହାଯଜ୍ଞକୁ ଶାନ୍ତି ଶୃଙ୍ଖଳାର ସହ ପାଳନ କରିବା ପାଇଁ ପୁଲିସ ଆଗୁଆ ସଜାଗ ରହିଛି । ଶ୍ରୀରାମ ନବମୀ ମହାଯଜ୍ଞରେ ପ୍ରତିବର୍ଷ ହେଉଥିବା କଳସ ଶୋଭାଯାତ୍ରା ଓ ନଗର ସଂକୀର୍ତ୍ତନ ଉପରେ ଜିଲ୍ଲା ପ୍ରଶାସନ ରୋକ୍ ଲଗାଇବା ପରେ ହଜାର ହଜାର ରାମଭକ୍ତ ଓ ଶ୍ରୀରାମ ନବମୀ ମହାଯଜ୍ଞ କମିଟି ପକ୍ଷରୁ ପ୍ରତିକ୍ରିୟା ପ୍ରକାଶ ପାଇଥିଲା ।
ପ୍ରଶାସନର ଏଭଳି ନିଷ୍ପତ୍ତିକୁ ଚ୍ୟାଲେଞ୍ଜ୍ କରି କମିଟି ପକ୍ଷରୁ ହାଇକୋର୍ଟରେ ଏକ ରିଟ୍ ପିଟିସନ୍ ଫାଇଲ୍ କରିଥିଲେ। ôମାନ୍ୟବର ଉଚ୍ଚ ନ୍ୟାୟାଳୟ ଜିଲ୍ଲା ପ୍ରଶାସନର ନିଷ୍ପତ୍ତିକୁ କାଏମ ରଖିଥିଲେ । ଶୋଭାଯାତ୍ରା ବନ୍ଦ ନିଷ୍ପତ୍ତି ପ୍ରତିବାଦରେ ଜିଲ୍ଲାର ଚାନ୍ଦବାଲି, ଧାମନଗର, ବାସୁଦେବପୁର, ବନ୍ତ, ଭଣ୍ଡାରିପୋଖରୀ ଓ ତିହିଡ଼ିିରେ ପ୍ରତିବାଦ ସଭା କରାଯାଇଛି । ଏହି ଆନ୍ଦୋଳନକୁ ଦୃଷ୍ଟିରେ ରଖି ପ୍ରଶାସନ ପକ୍ଷରୁ ସହର ସାରା ପୁଲିସ ଛାଉଣି କରାଯିବା ସହ ଜିଲ୍ଲାର ସୁରକ୍ଷା ବ୍ୟବସ୍ଥାକୁ ଅଧିକ କଡାକଡି କରାଯାଇଥିଲା ।