କମେଣ୍ଟମରାକୁ ନେଇ ମୁହାଁମୁହିଁ ବାଙ୍କୀ ସ୍ୱୟଂଶାସିତ ମହାବିଦ୍ୟାଳୟର ୨ ଛାତ୍ର ଗୋଷ୍ଠୀ, ୩ ଛାତ୍ର ଆହତ
ବାଙ୍କୀ : କମେଂଟମରାକୁ କେନ୍ଦ୍ର କରି ବାଙ୍କୀ ସ୍ୱୟଂଶାସିତ ମହାବିଦ୍ୟାଳୟରେ ତୁମୁଳକାଣ୍ଡ। ମୁହାଁମୁହିଁ ହୋଇଛନ୍ତି ୨ ଛାତ୍ର ଗୋଷ୍ଠୀ । ଏଥିରେ ଉଭୟ ଗୋଷ୍ଠୀର ୩ ଜଣ ଛାତ୍ର ଆହତ ହୋଇ ବାଙ୍କୀ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତି ହୋଇଛନ୍ତି । ସେପଟେ ଉତ୍ୟକ୍ତ ଛାତ୍ର କଲେଜ ପରିସରରେ ବ୍ୟାପକ ଭଙ୍ଗାରୁଜା କରିଛନ୍ତି।
Kanak News is now on WhatsApp
Join and get latest news updates delivered to you via WhatsApp
ଦୀର୍ଘ ସମୟ ଧରି ବାଙ୍କୀ ରାସ୍ତାରେ ଟାୟାର ଜାଳି ରାସ୍ତା ଅବରେଧ କରିଥିଲେ କିଛି ଗ୍ରାମବାସୀଙ୍କ ସହ ଛାତ୍ର ଗୋଷ୍ଠୀ । ଘଟଣାସ୍ଥଳରେ ବାଙ୍କୀ ଆଇଆଇସି ଓ ଏସଡିପିଓ ପହଂଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରିବା ପରେ ରାସ୍ତାରୋକ ହଟିଥିଲା । ପରିସ୍ଥିତିକୁ ନଜରରେ ରଖି କଲେଜ ପରିସରରେ ୨ ପ୍ଲାଟୁନ ପୁଲିସ ଫୋର୍ସ ମୂତୟନ କରାଯାଇଛି । ସେପଟେ ଅନିର୍ଦ୍ଦିଷ୍ଟ କାଳ ଯାଏଁ କଲେଜକୁ ସାଇନ-ଏ-ଡାଏ ଘୋଷଣା କରିଛନ୍ତି କଲେଜ କର୍ତୃପକ୍ଷ।