କନକ ବ୍ୟୁରୋ : ପୁଣି ଗର୍ଭବତୀ ମହିଳା ଭାରରେ ବୁହା ହୋଇଗଲେ ଡାକ୍ତରଖାନା । ମାଲକାନଗିରି ଜିଲ୍ଲା ବିଚ୍ଛିନ୍ନାଂଚଳର ରାଲେଗଡା ପଂଚାୟତର ପିତାମରି ଗ୍ରାମରେ ଦେଖିବାକୁ ମିଳିଛି ଏହି ଅଭାବନୀୟ ଚିତ୍ର । ପିତାମରି ଗାଁରେ ଏକ ଗର୍ଭବତୀ ମହିଳାଙ୍କୁ ଗର୍ଭବେଦନା ହୋଇଥିଲା । ଦୁର୍ଗମ ଅଂଚଳ ହୋଇଥିବାରୁ ଗାଁକୁ ଯାଇପାରିଲାନି ଆମ୍ବୁଲାନ୍ସ । ଫଳରେ ପରିବାର ଲୋକେ ବାଧ୍ୟ ହୋଇ ଗର୍ଭବତୀ ମହିଳାଙ୍କୁ ଏକ ଚୌକୀରେ ରଶି ବାନ୍ଧି କାନ୍ଧରେ ବୋହି ଡାକ୍ତରଖାନାକୁ ଆଣିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଚିତ୍ରକୋଣ୍ଡା ବିଚ୍ଛିନାଂଚଳରେ ସ୍କୁଲ ପିଲାମାନେ ନଦୀ ପାର ହେଉଥିବା ଦୃଶ୍ୟ କନକ ନ୍ୟୁଜରେ ପ୍ରସାରିତ ହେବା ପରେ ଜିଲ୍ଲା ପ୍ରଶାସନ ଚେଇଁଛି । ପ୍ରଶାସନିକ ଅଧିକାରୀ ରାଲେଗଡା ପଂଚାୟତ ସାରକୁବନ୍ଧ ଯାଇ ସ୍ଥିତି ଅନୁଧ୍ୟାନ କରିଛନ୍ତି । ଗ୍ରାମ୍ୟ ଉନ୍ନୟନ ବିଭାଗର କାର୍ଯ୍ୟନିର୍ବାହୀ ଯନ୍ତ୍ରୀ ଏନ.ଭି.ହରିହର ରାଓ ଙ୍କ ସହ ସମେତ ବରିଷ୍ଠ ଯନ୍ତ୍ରୀ ସାରକୁବନ୍ଧ ଯାଇ ସ୍କୁଲଛାତ୍ର ଓ ଗାଁ ଲୋକଙ୍କର ଯାତାୟତ କିଭଳି ହୋଇପାରିବ ସେ ନେଇ ଅନୁଧ୍ୟାନ କରିଥିଲେ ।
ଯନ୍ତ୍ରୀ କହିଥିଲେ , ବିଜୁ ସେତୁ ଯୋଜନା ଅନୁସାରେ ଗୋଟିଏ ସେତୁର ୫ କିଲୋମିଟର ଭିତରେ ଆଉ ଏକ ସେତୁ ନିର୍ମାଣ ହୋଇପାରିବ ନାହିଁ । କାରଣ ଯାନବାଈ ଘାଟିରୁ ସାରକୁବନ୍ଧ ଯିବା ଲାଗି ଏକ ଝୁଲାବ୍ରିଜ ତିଆରି ଚାଲିଛି । ଯଦି ଅନ୍ୟ କୌଣସି ଯୋଜନା ଥାଏ ତାହାହେଲେ ପାଲେମ ନଦୀ ଉପରେ ଆଉ ଏକ ପୋଲ ନିର୍ମାଣ ହେବ ବୋଲି ଯନ୍ତ୍ରୀ ଗାଁ ଲୋକଙ୍କୁ ପରାମର୍ଶ ଦେଇଛନ୍ତି । ଗତ ଶନିବାରଦିନ କନକନ୍ୟୁଜରେ ଏହି ଖବର ପ୍ରସାରଣ ହୋଇଥିଲା । ପାଲେମ ନଦୀ ପାଣିରେ ପଶି ପ୍ରତିଦିନ ଛାତ୍ରଛାତ୍ରୀ ସ୍କୁଲ ଯାଉଥିବା ଦୃଶ୍ୟ ଦେଖାଇଥିଲା କନକ ନ୍ୟୁଜ ।