ବିରାଟ ବାହିନୀକୁ ଝଟକା ଦେଲା ଡର୍କୱର୍ଥ ଲୁଇସ ନିୟମ । ଅଷ୍ଟ୍ରେଲିଆ ଠାରୁ ୧୧ ରନ ଅଧିକ କରି ମଧ୍ୟ ହାରିଲା ଟିମ୍ ଇଣ୍ଡିଆ
କନକ ବ୍ୟୁରୋ : ଅଷ୍ଟ୍ରେଲିଆ ବିପକ୍ଷ ପ୍ରଥମ ଟି-୨୦ର ରୋମାଞ୍ଚକର ମୁକାବିଲାରେ ମାତ୍ର ୪ ରନରେ ପରାସ୍ତ ହୋଇଛି ବିରାଟ ବାହିନୀ । ଶେଷ ଓଭର ପର୍ଯ୍ୟନ୍ତ ମ୍ୟାଚର ରୋମାଞ୍ଚ ଦେଖିବାକୁ ମିଳିଥିଲା । କିନ୍ତୁ ଶେଷ ଓଭରରେ ଦୁଇଟି ୱିକେଟ ନେଇ ଷ୍ଟୋନିସ ଅଷ୍ଟ୍ରେଲିଆକୁ ଦେଇଥିଲେ ଜବରଦସ୍ତ ବିଜୟ । ବର୍ଷା ବାଧାପ୍ରାପ୍ତ ଏହି ମ୍ୟାଚରେ ଟିମ୍ ଇଣ୍ଡିଆ ଅଷ୍ଟ୍ରେଲିଆ ଠାରୁ ଅଧିକ ସ୍କୋର କରିଥିଲେ ମଧ୍ୟ ପରାଜୟ ବରଣ କରିଥିଲା ।
Kanak News is now on WhatsApp
Join and get latest news updates delivered to you via WhatsApp
ବର୍ଷା ବାଧାପ୍ରାପ୍ତ ଏହି ମ୍ୟାଚରେ ଭାରତ ଅଷ୍ଟ୍ରେଲିଆ ପାଳି ଠାରୁ ୧୧ ରନ ଅଧିକ କରିଥିଲେ ମଧ୍ୟ ପରାସ୍ତ ହୋଇଥିଲା । ଏହା ପଛର ମୁଖ୍ୟ କାରଣ ଥିଲା ବର୍ଷା । ଅଷ୍ଟ୍ରେଲିଆ ପ୍ରଥମେ ବ୍ୟାଟିଂ କରୁଥିବା ବେଳେ ୧୬.୧ ଓଭରରେ ବର୍ଷା ଆରମ୍ଭ ହୋଇଥିଲା । ତେବେ ବର୍ଷା କମିବା ପରେ ଖେଳକୁ ୧୭ ଓଭର ବିଶିଷ୍ଟ କରିଥିଲେ ଅମ୍ପାୟାର । ଆଉ ନିର୍ଦ୍ଧାରିତ ଓଭରରେ ୪ ୱିକେଟ ବିନିମୟରେ ୧୫୮ ରନ କରିଥିଲା କଙ୍ଗାରୁ ଟିମ୍ ।
ତେବେ ବର୍ଷା ବାଧାପ୍ରାପ୍ତ ଏହି ମ୍ୟାଚରେ ଡର୍କୱର୍ଥ ଲୁଇସ ନିୟମ ଅନୁଯାୟୀ, ଭାରତକୁ ୧୭ ଓଭରରେ ୧୭୪ ରନର ବିଜୟଲକ୍ଷ୍ୟ ମିଳିଥିଲା । ଯାହା ଅଷ୍ଟ୍ରେଲିଆ ଇନିଂସର ରନ୍ ଠାରୁ ୧୬ ରନ ଅଧିକ ଥିଲା । ଏତେବଡ ବିଜୟଲକ୍ଷ୍ୟ ନେଇ ପଡିଆକୁ ଓହ୍ଳାଇଥିବା ଟିମ୍ ଇଣ୍ଡିଆକୁ ଆରମ୍ଭରୁ ଝଟକା ଲାଗିଥିଲା । ଗୋଟିଏ ପଟେ ଧୱନ ଦମଦାର ବ୍ୟାଟିଂ କରୁଥିବା ବେଳେ ଅନ୍ୟପଟେ ରୋହିତ, କୋହଲି ଓ ଲୋକେଶ ରାହୁଲଙ୍କ ୱିକେଟ ହରାଇଥିଲା ଟିମ୍ ଇଣ୍ଡିଆ । ଶେଷ ଆଡକୁ ପନ୍ତ ଓ କାର୍ତ୍ତିକ ଲଢୁଆ ଇନିଂସ ଖେଳିଥିଲେ ମଧ୍ୟ ଏହା ଭାରତର ବିଜୟରେ ସହାୟକ ହୋଇନଥିଲା ।
ନିର୍ଦ୍ଧାରିତ ୧୭ ଓଭରରେ ୭ୱିକେଟ ହରାଇ ୧୬୯ ରନ କରିଥିଲା ବିରାଟ ବାହିନୀ ଓ ୪ ରନ ପାଇଁ ମ୍ୟାଚ୍ ହାତଛଡା କରିଥିଲା ଟିମ ଇଣ୍ଡିଆ । ତେବେ ସ୍କୋରବୋର୍ଡରେ ଅଷ୍ଟ୍ରେଲିଆ ଠାରୁ ସ୍କୋର ଅଧିକ ଥାଇ ମଧ୍ୟ ହାରିଥିଲା ଟିମ୍ ଇଣ୍ଡିଆ । ଭାରତ ପକ୍ଷରୁ ଏକମାତ୍ର ଶିଖର ଧୱନ ଅର୍ଦ୍ଧଶତକ ହାସଲ କରିବା ସହ ୭୬ ରନ କରିଥିଲେ ।