କନକ ବ୍ୟୁରୋ : ଏକ ଘରୋଇ ପାସେଂଜର ବସରେ ଏହି ଯାତ୍ରା ପାଲଟିଗଲା ମହାଯାତ୍ରା । କେହି କେବେ କଳ୍ପନା କରିନଥିଲେ ଏଭଳି ଏକ ଦୁର୍ଘଟଣା ଏତେ ଜଣଙ୍କର ପ୍ରାଣ ନେଇଯିବ । ଆଉ ମାତ୍ର ୧୦ ମିନିଟରେ ବସ୍ ପହଁଚିଥାନ୍ତା ଆଠମଲ୍ଲିକରେ । ଆଉ ସମସ୍ତେ ନିଜ ନିଜ ଘରକୁ ଯାଇଥାନ୍ତେ । କିନ୍ତୁ ମାତ୍ର ୭ କିଲୋମିଟର ପୂର୍ବରୁ ଘଟିଗଲା ଏହି ଅଘଟଣ । ମାଣତ୍ରିପୋଲର ବାଡ ଭାଂଗି ପ୍ରାୟ ୫୦ ଫୁଟ ତଳକୁ ଖସିପଡିଲା ବସ୍ ।
Kanak News is now on WhatsApp
Join and get latest news updates delivered to you via WhatsApp
ସମୟ ପ୍ରାୟ ସକାଳ ସାଢେ ୯ଟା । ପୋଲ ବାଡରେ ବସ୍ ପିଟି ହେବାପରେ ବସ୍ ଭିତରେ ଥିବା ସମସ୍ତ ଯାତ୍ରୀ ଚିତ୍କାର କରି ଉଠିଲେ। କେହି କିଛି ଭାବିବା ପୂର୍ବରୁ କାଳଗର୍ଭରେ ଖସିପଡିଲା ବସ୍ । ଘଟଣା ଘଟିବାର ପରେ ପରେ ସ୍ଥାନୀୟ ଅଂଚଳର ଲୋକେ ଦଉଡି ଆସିଲେ । ତୁରନ୍ତ ଲାଗିପଡିଲେ ଉଦ୍ଧାର କାର୍ଯ୍ୟରେ । କାରଣ ସମସ୍ତେ ପ୍ରାଣ ବିକଳରେ ଚିତ୍କାର କରୁଥାଆନ୍ତି । କେହି କେହି ଆଉ ପାଟି ଖୋଲିବା ଅବସ୍ଥାରେ ନଥାନ୍ତି । ପୁରା ପରିବେଶ କାନ୍ଦୁଥାଏ ।
ଚାରିଆଡେ ରକ୍ତର ଛିଟା । ପାରୁପର୍ଯ୍ୟନ୍ତ ସ୍ଥାନୀୟ ଲୋକେ ଚେଷ୍ଟା କରି କିଛି ଆହତଙ୍କୁ ନିକଟସ୍ଥ ଆଠମଲ୍ଲିକ ହସ୍ପିଟାଲକୁ ନେଇଗଲେ । ଚାହୁଁ ଚାହୁ ଖବର ଜଙ୍ଗଲର ନିଆଁ ପରି ବ୍ୟାପିଗଲା । ସ୍ଥାନୀୟ ପ୍ରଶାସନ ଠାରୁ ଆରମ୍ଭ କରି ଭୁବନେଶ୍ୱର ପର୍ଯ୍ୟନ୍ତ ତତ୍ପର ହୋଇଉଠିଲା ପ୍ରଶାସନର କଳ । ଆହତ ମାନଙ୍କୁ କିପରି ତୁରନ୍ତ ଚିକିତ୍ସା ସହାୟତା ଯୋଗାଇ ଦିଆଯିବ ସେ ନେଇ ବ୍ୟବସ୍ଥା କରାଗଲା ।
କିନ୍ତୁ ସେତେବେଳକୁ ୧୪ ଜଣଙ୍କ ଜୀବନଦୀପ ଲିଭିଯାଇଥିଲା । ଚାରିଆଡେ ଆର୍ତଚିତ୍କାର ଭିତରେ ଏମାନେ ଚୁପ୍ ହୋଇଯାଇଥିଲେ । ୪ଜଣ କଲେଜ୍ ଛାତ୍ରଛାତ୍ରୀ ବି ତା ଭିତରେ ସଂପୂର୍ଣ୍ଣ ନୀରବ ହୋଇଯାଇଥିଲେ । ମହାରାଜା ବସରେ ଏହିଯାତ୍ରା ମହାଯାତ୍ରା ପାଲଟିଯାଇଥିଲା ।
ଏହା ସହ ଦେଖନ୍ତୁ ଏହି ଭିଡିଓ –