ଆଜି ନୂଆଦିଲ୍ଲୀରୁ ଭୁବନେଶ୍ୱରେ ପହଂଚିବ ସ୍ୱର୍ଗତ ପ୍ରଧାନମନ୍ତ୍ରୀ ବାଜପେୟୀଙ୍କ ଅସ୍ଥିକଳସ : କାଲି ସକାଳେ ଶୋଭାଯାତ୍ରା ପରେ ପୁରୀ ମହୋଦଧୀରେ ହେବ ବିସର୍ଜନ
କନକ ବ୍ୟୁରୋ : ଆଜି ଅପରାହ୍ନରେ ଭୁବନେଶ୍ୱରରେ ପହଂଚିବ ସ୍ୱର୍ଗତ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ଅସ୍ଥି କଳସ । ବିଜେପି ରାଜ୍ୟ ସଭାପତି ବସନ୍ତ ପଣ୍ଡା ଅସ୍ଥିକଳସ ନେଇ ଦିଲ୍ଲୀରୁ ଭୁବନେଶ୍ୱର ବିମାନ ବନ୍ଦରରେ ପହଂଚିବେ । ଏହାପରେ ଅସ୍ଥି କଳସକୁ ରାଜ୍ୟ ବିଜେପି ପାର୍ଟି ଅଫିସରେ ରଖାଯିବ ବୋଲି ବିଜେପି ମୁଖପାତ୍ର ଗୋଲକ ମହାପାତ୍ର ସୂଚନା ଦେଇଛନ୍ତି । ଆସନ୍ତାକାଲି ସକାଳ ୯ଟା୩୦ରେ ଏକ ଶୋଭାଯାତ୍ରାରେ ଅସ୍ଥିକଳସ ମହୋଦଧୀ ଅଭିମୁଖେ ଯିବ । ସେଠାରେ ଅସ୍ଥି ବିଜର୍ଜନ କରାଯିବ । ଏହି ଶୋଭାଯାତ୍ରାରେ ଓଡିଶାର ୨ କେନ୍ଦ୍ରନ୍ତ୍ରୀଙ୍କ ସହିତ ବରିଷ୍ଠ ବିଜେପି ନେତା ରହିବେ । ଆସନ୍ତା ୨୪ ତାରିଖରେ ଭୁବନେଶ୍ୱର ପ୍ରଦର୍ଶନୀ ପଡିଆରେ ଅନୁଷ୍ଠିତ ହେବ ସାର୍ବଜନିନ ସର୍ବଦଳୀୟ ଶୋକ ସଭା । ଯେଉଁଥିରେ ସବୁଦଳର ନେତା ତଥା ସାଧାରଣ ଲୋକଙ୍କୁ ସାମିଲ ହେବା ପାଇଁ ଅନୁରୋଧ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ପୂର୍ବଚନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ଅସ୍ତି ପୂର୍ବରୁ ଉତ୍ତରପ୍ରଦେଶର ଗଙ୍ଗାରେ ପକାଯାଇଥିବା ବେଳେ ଅନେକ ରାଜ୍ୟର ନଦୀରେ ମଧ୍ୟ ପଡିବ ବୋଲି ନିଷ୍ପତ୍ତି ନିଆଯାଇଥିଲା । ଗତ ଅଗଷ୍ଟ ୧୬ତାରିଖରେ ତାଙ୍କର ମୃତ୍ୟୁ ହୋଇଥିଲା । ମୁତ୍ୟୁ ପରେ ସେହିଦିନ ରାତିରେ ପ୍ରଥମେ ବାଜପେୟୀଙ୍କ ମର ଶରୀରକୁ ତାଙ୍କ ବାସଭବନ ଓ ପରେ ପାର୍ଟି ଅଫିସକୁ ନିଆଯାଇଥିଲା । ସେଠାରେ ଦଳଗତ ନିର୍ବିଶେଷରେ ଅନେକ ବରିଷ୍ଠ ନେତା ଉପସ୍ଥିତ ଥିଲେ । ତେବେ ସେହି ସମୟରେ ବାଜପେୟୀଙ୍କ ଅସ୍ତି ଦେଶର ଅନେକ ନଦୀରେ ପଡିବ ବୋଲି ଘୋଷଣା ହୋଇଥିଲା ତେଣୁ ଓଡିଶାରେ ମଧ୍ୟ ତାଙ୍କର ଅସ୍ତି ବିସର୍ଜନ କରିବା ପାଇଁ ପୁରୀ ନିଆଯିବ ଓ ଏହି କାର୍ଯ୍ୟକ୍ରମରେ ବିଜେପିର ବରିଷ୍ଠ ନେତାଙ୍କ ସହ ଶତାଧିକ ଜନସାଧାରଣ ସାମିଲ ହେବେ ବୋଲି ସୂଚନା ଦିଆଯାଇଛି । ବାଜପେୟୀଙ୍କ ମୃତ୍ୟୁରେ ସାରା ଦେଶରେ ସାତ ଦିନିଆ ଶୋକ ଘୋଷଣା କରାଯାଇଛି ।