ଅସନା ଟାୟାରରୁ ସୁନ୍ଦର ବେଡ୍ ! ଗଳିକନ୍ଦିରେ ପଡିଥିବା ଅବ୍ୟବହୃତ ଟାୟାରକୁ ବ୍ୟବହାର କରି ସୁନ୍ଦର ଖଟ ପ୍ରସ୍ତୁତ କରୁଛନ୍ତି ଏହି ଯୁବ କଳାକାର ।
ବ୍ରାଜିଲର ଜଣେ ଯୁବ କଳାକାର ଏମରିଲ୍ଡୋ ସିଲ୍ୱା ଏଭଳି କିଛି କାମ କରନ୍ତି ଯାହାକୁ ଶୁଣି ଆପଣ ଆଶ୍ଚର୍ଯ୍ୟ ହୋଇଯିବେ । ସେ ପଶୁଙ୍କ ପାଇଁ ଖଟ ପ୍ରସ୍ତୁତ କରନ୍ତି । ଏବେ ଆପଣ ଭାବୁଥିବେ ଏଥିରେ ଆଶ୍ଚର୍ଯ୍ୟ ହେବାର କଥା କ’ଣ? ଏ କୌଣସି ମାମୁଲି ଖଟ ନୁହେଁ ଆଜ୍ଞା ଏ ହେଉଛି କାମରେ ଆସୁନଥିବା ଟାୟାର୍ । ଦେଢବର୍ଷରୁ ସେ ରାସ୍ତାରେ ଫୋପାଡୁଥିବା ବେକାର ଟାୟାରକୁ ଗୋଟାଇ ଏହି ଖଟ ପ୍ରସ୍ତୁତ କରୁଛନ୍ତି । ସେ ଏହି ବେକାର ଟାୟାରରୁ ଆରାମଦାୟକ ଖଟ ପ୍ରସ୍ତୁତ କରୁଛନ୍ତି ଏବଂ ଏଥିପାଇଁ ତାଙ୍କୁ ଲୋକଙ୍କ ଠାରୁ ସମର୍ଥନ ମଧ୍ୟ ମିଳୁଛି । ୨ ବର୍ଷ ପୂର୍ବରୁ ଅବ୍ୟବହୃତ ଟାୟାରକୁ ବ୍ୟବହାର ଉପଯୋଗୀ କରି ଟଙ୍କା ରୋଜଗାର କରିବା ପାଇଁ ସେ ଏହି କାମ ଆରମ୍ଭ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଅବ୍ୟବହୃତ ଦ୍ରବ୍ୟରୁ କିଛି ନୂତନ ପ୍ରସ୍ତୁତ କରିବା ଦ୍ୱାରା ନା କେବଳ ପରିବେଶ ସ୍ୱଚ୍ଛ ହେଲା ବରଂ ସେ ଟଙ୍କା ମଧ୍ୟ ରୋଜଗାର କରିପାରିଲେ । ଏମରିଲ୍ଡୋ ପ୍ରଥମେ ବୁଲାକୁକୁର ଏହି ଟାୟାରକୁ ବ୍ୟବହାର କରୁଥିବା ଦେଖିଥିଲେ । ସହରର ଅନେକ ସ୍ଥାନରେ ଏଭଳି ଟାୟାର ଠାଏଁ ଠାଏଁ ପଡିଥିବାରୁ ସେ ଏଥିରୁ କିଛି ଘରକୁ ଆଣି ଏଭଳି ଚିତ୍ତାକର୍ଷକ ଟାୟାର୍ ବେଡ୍ ପ୍ରସ୍ତୁତ କରିଥିଲେ । ପୁରୁଣା ଟାୟାରକୁ ଘରକୁ ଆଣି ସେ ପ୍ରଥମେ ଏହାକୁ ଭଲଭାବେ ଧୂଅନ୍ତି,କାଟନ୍ତି ଏବଂ ପରେ ଏହାକୁ ରଙ୍ଗ ଦେଇ ଏକ ସୁନ୍ଦର ବେଡ୍ ପ୍ରସ୍ତୁତ କରିଥାନ୍ତି ।