ପ୍ରଦୂଷଣ ବିରୋଧରେ ଯୁଦ୍ଧ ! ୨୧ ନଭେମ୍ବରରେ ଦିଲ୍ଲୀରେ ହେବ କୃତ୍ରିମ ବର୍ଷା
ପ୍ରଦୂଷଣ ବଢାଉଛି ରାଜଧାନୀ ଦିଲ୍ଲୀବାସୀଙ୍କ ଚିନ୍ତା । ଦିନକୁ ଦିନ ଦିଲ୍ଲୀର ବାୟୁମଣ୍ଡଳ ଅଧିକ ପ୍ରଦୂଷିତ ହେବାରେ ଲାଗିଛି । ବିଶେଷଜ୍ଞମାନଙ୍କ କହିବା ଅନୁଯାୟୀ, ଉତ୍ତର ପଶ୍ଚିମ ଦିଗରୁ ପବନ ଆସିବାର ଆଶଙ୍କା ରହିଛି, ଯେଉଁଥିରେ ଦିଲ୍ଲୀ-ଏନସିଆର ଅଞ୍ଚଳର ବାୟୁ ଗୁଣବତ୍ତା ଅଧିକ ଖରାପ ହୋଇପାରେ । ଦିଲ୍ଲୀ ପ୍ରଦୂଷଣ ଏବେ ଏତେ ଉତ୍କଟ ହୋଇଛି ଯେ ଲୋକଙ୍କୁ ଘରର କବାଟ ଝରକା ବନ୍ଦ ରଖିବାକୁ କୁହାଯାଇଛି । ଏମିତି କି ବାହାରକୁ ବାହାରିବା ମୁସ୍କିଲ୍ ହୋଇପଡୁଛି । ଏଭଳି ପରିସ୍ଥିତିରେ ପ୍ରଦୂଷଣ କମାଇବା ପାଇଁ ବିଭିନ୍ନ ବିକଳ୍ପ କଥା ଚିନ୍ତା କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଲୋକଙ୍କୁ ଭୟଙ୍କର ପ୍ରଦୂଷଣରୁ ରକ୍ଷା କରିବା ପାଇଁ ସରକାର କୁତ୍ରିମ ବର୍ଷା କରାଇବା ପାଇଁ ଯୋଜନା କରିଛନ୍ତି । ଦିଲ୍ଲୀରୁ ଆରମ୍ଭ ହେବ ଏହି ପ୍ରଦୂଷଣ ବିରୋଧୀ ଅଭିଯାନ । ସବୁକିଛି ଠିକ୍ ଚାଲିଲେ ଲକ୍ଷ୍ନୌ ପରି ସହର ଗୁଡ଼ିକରେ ମଧ୍ୟ ଏହି ଉପାୟ ଅପାଣାଯିବ । ପାଣିପାଗ ବିଭାଗ ଆକଳନ ଠିକ ରହିଲେ, ୨୧ ନଭେମ୍ବରରେ ଏହି ବର୍ଷା କରାଯିବ । ତେବେ କେନ୍ଦ୍ରୀୟ ପରିବେଶ ମନ୍ତ୍ରାଳୟକୁ ଏନେଇ ସମସ୍ତ ସୁରକ୍ଷା ମଞ୍ଜୁରୀ ମିଳିଯାଇଛଇ । କେବଳ ଡିସିଡ଼ିଏର ମଞ୍ଜୁରି ବାକି ରହିଛି ।
କେବଳ ଭାରତ ନୁହେଁ ଅନେକ ଦେଶରେ ପ୍ରଦୂଷଣରୁ ବଂଚିବା ପାଇଁ କୃତ୍ରିମ ବର୍ଷା କରାଯାଉଛି । ଚୀନରେ ଅଧିକ କୃତ୍ରିିମ ବର୍ଷା କରାଯାଏ । ପରିବେଶ ମନ୍ତ୍ରାଳୟ ଏହି ଯୋଜନାରେ ଆଇଆଇଟି କାନପୁର, ଭାରତୀୟ ଅନ୍ତରୀକ୍ଷ ଅନୁସନ୍ଧାନ ସଂଗଠନ ଓ ବାୟୁସେନା ପରି ସରକାରୀ ଏଜେନ୍ସି ଗୁଡ଼ିକ ସାମିଲ ଅଛନ୍ତି । ପ୍ରଦୂଷଣ ସ୍ତର କମ୍ କରିବା ପାଇଁ କୃତମ ବର୍ଷା କରାଇବାର ଯୋଜନା ଉପରେ ବର୍ଷ ବର୍ଷ ଧରି କାମ ଚାଲୁଛି । ଏବେ ପ୍ରଥମ ଥର ପାଇଁ ୨୧ ନମ୍ବେରରେ ଏହାର ପରୀକ୍ଷଣ ହେବ । ତେବେ କୃତ୍ରିିମ ବର୍ଷା ପାଇଁ ଖର୍ଚ୍ଚ ହେବ ୨୦ ଲକ୍ଷ ଟଙ୍କା । ଏଥିପାଇଁ ସ୍ୱତନ୍ତ୍ର ବିମାନ ଠାରୁ ଆରମ୍ଭ କରି କିଛି କେମିକାଲ ବ୍ୟବହାର କରାଯିବ । ପରିବଶେ ମନ୍ତ୍ରାଳୟ ଏହାର ଫୋର୍ସର ସାହାଯ୍ୟ ମଧ୍ୟ ନେଉଛି ।