ଅଚାନକ ମାଡି ଆସିଲା ଲୌହ ଦାନବ, ଉପସ୍ଥିତି ବୁଦ୍ଧି ଖଟାଇ ଟ୍ରାକରେ ଶୋଇପଡିଲେ ୪୫ ବର୍ଷିୟ ବ୍ୟକ୍ତି । ଆଉ ତାପରେ…ଦେଖନ୍ତୁ ଭିଡିଓ
କନକ ବ୍ୟୁରୋ : ଯାହାକୁ ରଖିବେ ଅନନ୍ତ କି କରିପାରେ ବଳବନ୍ତ । କଥାରେ ଅଛି ଯାହାକୁ ଭଗବାନ ଶାହା ସେ ମରଣମୁହଁରୁ ମଧ୍ୟ ଫେରିଆସେ । ଆଉ ଏହା ସତ ପ୍ରମାଣିତ ହୋଇଛି । ଘଟଣାଟି ଘଟିଛି ହାଇଦ୍ରାବାଦରେ । ହାଇଦ୍ରାବାଦ ଅନନ୍ତପୁରା ରେଳ ଷ୍ଟେସନରେ ଘଟିଛି ଏହି ଘଟଣା । ମୃତ୍ୟୁକୁ ଅତି ନିକଟରୁ ମାତ୍ ଦେଇଛନ୍ତି ୪୫ ବର୍ଷୀୟ ଯୁବକ । ଯାହାର ଭିଡିଓ ଦେଖିଲେ ଆପଣ ହତବାକ ହୋଇଯିବେ ।
Kanak News is now on WhatsApp
Join and get latest news updates delivered to you via WhatsApp
ଫୁଟ ଓଭରବ୍ରିଜ ବଦଳରେ ସଂପୃକ୍ତ ଯୁବକ ଜଣକ ଟ୍ରାକ ଦେଇ ପ୍ଲାଟଫର୍ମ ପାରି ହେଉଥିଲେ ।ଆଉ ସେହି ସମୟରେ ଅଚାନକ ମାଡିଆସିଥିଲା ମାଲବାହୀ ଟ୍ରେନ । କିଛି ଉପାୟ ନପାଇ ନିଜର ଉପସ୍ଥିତି ବୁଦ୍ଧି ଖଟାଇ ଯୁବକ ଜଣକ ଟ୍ରାକ ଉପରେ ଶୋଇପଡିଥିଲେ । ରେଳ ଟ୍ରାକ ମଝିରେ ସାବଧାନ ପୋଜିସନରେ ଯୁବକ ଆଉ ତାଙ୍କ ଉପରେ କ୍ଷିପ୍ର ଗତିରେ ମାଡିଚାଲିଥିଲା ମାଲବାହୀ ଟ୍ରେନ । ଆଉ ଟ୍ରେନଟି ଅତିକ୍ରମ କରିବା ପରେ ଟ୍ରାକ ଉପରେ ଥରି ଥରି ଛିଡା ହୋଇଥିଲେ ଉକ୍ତ ବ୍ୟକ୍ତି ।
Miraculous escape for man who came under goods train at #Anantpur railway station #AP; those who filmed & those who watched were both not amused and told him trying to take shortcuts doesn’t always work @tweetsreekanth_ @ndtv pic.twitter.com/IAaDzCBwaj
— Uma Sudhir (@umasudhir) November 18, 2018
ତେବେ ଏଭଳି ବିପଦପୂର୍ଣ୍ଣ ଭାବେ ରେଳଟ୍ରାକ ପାରି ହେଉଥିବାରୁ ସାଧାରଣ ଲୋକ ମାନେ ମଧ୍ୟ ଉକ୍ତ ବ୍ୟକ୍ତିଙ୍କୁ ଗାଳି ଦେଇଥିଲେ । ପରେ ସେ କଷ୍ଟେମଷ୍ଟେ ପ୍ଲାଟଫର୍ମ ଉପରକୁ ଚଢିବାରେ ସକ୍ଷମ ହୋଇଥିଲେ । ଆଉ ଏହି ପୂରା ଘଟଣାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଇଛି ।