ଏକ ସମୟରେ ପାକ୍ ଓ ଚୀନ ସହ ଯୁଦ୍ଧ ନେଇ ସତର୍କ କରାଇଲେ ସେନା ମୁଖ୍ୟ ! ତେବେ ଯୁଦ୍ଧ ପାଇଁ ଭାରତୀୟ ବାୟୁସେନା ପ୍ରସ୍ତୁତ କି ?
ଏକ ସମୟରେ ଚୀନ ଓ ପାକିସ୍ତାନ ସହ ହୋଇପାରେ ଯୁଦ୍ଧ । ତେଣୁ ଉଭୟ ଦେଶ ସହ ସମ୍ମୁଖ ଯୁଦ୍ଧ ପାଇଁ ପ୍ରସ୍ତୁତ ହେବା ଦରକାର ବୋଲି କହିଛନ୍ତି ସେନା ମୁଖ୍ୟ ଜେନେରାଲ ବିପିନ ରାୱତ । ଏକା ସମୟରେ ପାକିସ୍ତାନ ଓ ଚୀନ ସହ କରିବାକୁ ପଡିପାରେ, ଏନେଇ ନୂଆ ଦିଲ୍ଲୀରେ ଏକ ସେମିନାରରେ ଯୋଗ ଦେଇ ଏହା କରିଛନ୍ତି ଜେନେରାଲ ରାୱତ । ପରମାଣୁ ଅସ୍ତ୍ର ଥିବା କିମ୍ବା ପଡୋଶୀ ଗଣତାନ୍ତ୍ରିକ ଦେଶ ସହ ଯୁଦ୍ଧ ହେବ ନାହିଁ ଭାବିବା ଭୁଲ ବୋଲି ସେନା ମୁଖ୍ୟ କହିଛନ୍ତି । ତେଣୁ ସେନାବାହିନୀକୁ ସର୍ତକ ରହିବାକୁ ପରାମର୍ଶ ଦେଇଛନ୍ତି ସେନାମୁଖ୍ୟ ।
Kanak News is now on WhatsApp
Join and get latest news updates delivered to you via WhatsApp
ସେ କହିଛନ୍ତି, ପଡୋଶୀ ପାକିସ୍ତାନ ସର୍ବଦା ଭାରତ ସହ ଛାୟା ଯୁଦ୍ଧ ଜାରି ରଖିଥିବା ବେଳେ ସେ କେବେ ବି ସୁଧୁରିବ ନାହିଁ । ପାକିସ୍ତାନ ଭାରତକୁ ତାର ସବୁଠାରୁ ବଡ ଶତ୍ରୁ ମନେକରେ ବୋଲି କହିଛନ୍ତି ଜେନେରାଲ ରାୱତ । ଭାରତ ସହ ପାକିସ୍ତାନର ମତଭେଦ ଦୂର ହେବା ସମ୍ଭାବନା କ୍ଷୀଣ ବୋଲି ସେ କହିଛନ୍ତି । ଅନ୍ୟପଟେ ଡୋକଲାମ ବିବାଦ ପ୍ରସଙ୍ଗରେ ସେ କହିଛନ୍ତି, ଚୀନ ନିଜକୁ ଅଧିକ ପ୍ରସ୍ତୁତ କରୁଛି ଏବଂ ଆଗାମୀ ଦିନରେ ଚୀନ ପୁର୍ନବାର ଭାରତୀୟ ସୀମାରେ ଅନୁପ୍ରବେଶ କରିବା ସମ୍ଭାବନା ରହିଛି । ତେବେ ଚୀନ୍ ଆଗକୁ ଭାରତୀୟ ସୀମାର ଅନେକ ସ୍ଥାନରେ ଏକାଥରେ ପ୍ରବେଶ କରିବ ବୋଲି ସେନାମୁଖ୍ୟ ସନ୍ଦେହ କରୁଛନ୍ତି । ଚୀନର ଏହି ଚାଲାକିକୁ ପ୍ରତିହତ କରିବା ପାଇଁ ଆମକୁ ସତର୍କ ରହିବାକୁ ପଡିବ ବୋଲି ସେନାମୁଖ୍ୟ ସତର୍କ ବାଣୀ ଶୁଣାଇଛନ୍ତି । ଭାରତ-ଚୀନ ମଧ୍ୟରେ ଯୁଦ୍ଧ ହେଲେ ପାକିସ୍ତାନ ଏହାର ଫାଇଦା ଉଠାଇବାକୁ ଉଦ୍ୟମ କରିପାରେ ବୋଲି ସେ କହିଛନ୍ତି । ତେଣୁ ଭାରତୀୟ ସେନା ସବୁ ପରିସ୍ଥିତି ପାଇଁ ସଜାଗ ରହିବାକୁ ସେ ପରାମର୍ଶ ଦେଇଛନ୍ତି ।
ତେବେ ସୂଚନା ଅନୁସାରେ ଭାରତ ପାଖରେ ଅଛି ୩୬ ରାଫେଲ ଲଢ଼ାକୁ ବିମାନ । ତଥାପି ଏହା ଭାରତୀୟ ବୟୁସେନାର କ୍ଷମତାକୁ ପୂରଣ କରିପାରୁ ନାହିଁ । ସୂଚନାଯୋଗ୍ୟ ୨୦୦୧ରେ ଭାରତୀୟ ବାୟୁସେନା ସୋଭିଏତ ବିମାନ ବଦଳରେ ଅତି କମରେ ୧୨୬ ଟି ଜେଟ୍ ପାଇଁ ଦାବି କରିଥିଲା । କିନ୍ତୁ ୭.୮ କୋଟି ୟୁରୋ ବଦଳରେ ବାୟୁସେନାକୁ ୩୬ ରାଫେଲ ଜେଟ୍ ମିଳିଥିଲା । କଂଗ୍ରେସ ଓ ଅନ୍ୟ ବିଶେଷଜ୍ଞଙ୍କ ମତ ଅନୁସାରେ ମାତ୍ର ୩୬ଟି ରାଫେଲ ଲଢ଼ାକୁ ଜେଟ୍ ବାୟୁସେନା ସାମର୍ଥ୍ୟକୁ ପୂରଣ କିରବା ପାଇଁ ଅସମର୍ଥ । ତେବେ ଏହା ଭାରତୀୟ ବାୟୁସେନା ପାଇଁ ସଙ୍କଟର ସୃଷ୍ଟି କରିପାରେ ବୋଲି ଚେତୋବନୀ ଦେଇଛି କଂଗ୍ରେସ । ଚୀନ ଓ ପାକିସ୍ତାନକୁ ସାମ୍ନା କରିବା ପାଇଁ ପାଖାପାଖି ୪୫ ଲଢ଼ାକୁ ଜେଟ୍ ରହିବା ଦରକାର । କିନ୍ତୁ ଭାରତ ପାଖରେ ଏବେ ୩୩ ଟି ମହଜୁଦ ରହିଛି ।
ରଣନୀତିକ ମାମଲାରେ ଏୟାର ଭାଇସ ମାର୍ଶାଲ କହିଛନ୍ତି, ଜରୁରୀକାଳୀନ ଅବସ୍ଥାରେ ପାଖାପାଖି ୯୦ ରୁ ଅଧିକ ରାଫେଲ ପରି ବିମାନକୁ ବାୟୁସେନାରେ ସାମିଲ କିରବା ପାଇଁ ପଡ଼ିବ । ଏଥିରେ କମ ହେଲେ ଚଳିବ ନାହିଁ । ତେବେ ଏବେ ଲଢ଼ାକୁୁ ବିମାନ ଚିନ୍ତାର ବିଷୟ ନୁହେଁ । ତେବେ ଦୁନିଆର ଚତୁର୍ଥ ସବୁଠାରୁ ଶକ୍ତିଶାଳୀ ବାୟୁସେନାକୁ ଆଉ କିଛି ଉନ୍ନତି କିରବାର ରହିଛି । ଭାରତୀୟ ସେନା ପ୍ରବକ୍ତା ୱିଙ୍ଗ କମାଣ୍ଡର ବାୟୁସେନା କପିରି ଯୁଦ୍ଧାସ୍ତ୍ରକୁୁ ଠିକ ସମୟରେ ଉପଯୋଗ କରିବ ସେ ନେଇ ଯୋଜନା ପ୍ରସ୍ତୁତ କରିଛି । ଏହାସହ ସେ କହିଛନ୍ତି, ସମସ୍ତ ଅନ୍ତରାଷ୍ଟ୍ରୀୟ ବାୟୁସେନାରେ ନୂଆ ଓ ପୁରୁଣା ବିମାନ ମିଶି ଥାଏ । ଏପରିସ୍ଥେ;ଳ ଆମକୁ ନିଜର କ୍ଷମତାକୁ ଅଳ୍ପ ସମୟରେ ହିଁ ବଢ଼ାଇବା ପାଇଁ ପଡ଼ିବ ।
ଏହା ବ୍ୟତୀତ ଏବେ ବାୟସେନାର ହେଲିକପ୍ଟରେ କିଛି ସମସ୍ୟା ମଧ୍ୟ ରହିଛି । ତେବେ ଏବେ ଭାରତୀୟ ବାୟୁସେନାକୁ ଅଧିକ ପରିବହନ କ୍ଷମତା ଯୁକ୍ତ ଲଢ଼ାକୁ ହେଲିକପ୍ଟଟର ଦରକାର । ଏଥିପାଇଁ ଏ ଦିଗରେ ଭାରତୀୟ ବାୟୁସେନାକୁ ଧ୍ୟାନ ଦେବାକୁ ପଡ଼ିବ । ଭାରତର ପଡ଼ୋଶୀ ଦେଶ, ଖାସକରି ଚୀନ ନିଜର ବାୟୁସେନାକୁ ଆଧିୁନିକୀରଣ କରା ତାହାର କ୍ଷମତା ବଢ଼ାଇଛି । ଯଦି ଆମେ ଏହ ଦିଗ ପ୍ରତି ଧ୍ୟାନ ନ ଦିଅନ୍ତି ତେବେ ଆଗକୁ ଅସୁବିଧା ବଢ଼ିଯିବ । ଏହା ବ୍ୟତୀତ ଶତ୍ରୁ ବିମାନ ଓ ମିସାଇଲର ପତ୍ତା ଲଗାଇବା ପାଇଁ ଭାରତୀୟ ବାୟୁସେନାକୁ ନିଜର କ୍ଷମତାକୁ ବଢ଼ାଇବା ପାଇଁ ପଡ଼ିବ । ଶତ୍ର୍ରୁ ବିମାନ ଚିହ୍ନଟ ପାଇଁ ଭାରତ ପାଖରେ କେବଳ ୩ଟି ବିମାନ ଅଛି , ଆଗକୁ ଯୁଦ୍ଧ ସମ୍ଭାବନା ପାଇଁ ଅଧିକ ବିମାନ ଜରୁରୀ । ତେବେ ଏତିକି ସଂଖ୍ୟକ ବିମାନ ଚୀନ ଓ ପାକିସ୍ତାନକୁ ସାମ୍ନା କରିବା ପାଇଁ ପର୍ଯ୍ୟାପ୍ତ ହେବ ନାହିଁ । ତେବେ ଏବେଭାରତ ପାଖରେ ଯେତିକି ଯୁଦ୍ଧ ବିମାନ ଅଛି ସେଥିରୁ ମାତ୍ର ଅଧା ହିଁ ଲଢ଼େଇ ପାଇଁ ପ୍ରସ୍ତୁତ ।