କନକ ବ୍ୟୁରୋ: ନନ୍ଦନକାନନରେ ନୂଆ ଅତିଥି । ୨ଶାବକଙ୍କୁ ଜନ୍ମ ଦେଲା ବାଘୁଣି ଅଙ୍କିତା । ମହାବଳ ବାଘ ରହୁଥିବା ପଛ ପାଖ ୨୮ ‘ଗ’ ରେ ନିର୍ମିତ ସ୍ୱତନ୍ତ୍ର ଖୁଆଡ ମଧ୍ୟରେ ଦୁଇଟି ଶାବକକୁ ଜନ୍ମ ଦେଇଛି ଅଙ୍କିତା । ଗତ କାଲି ରାତି ୧୦ଟା ୧୨ ମିନିଟ୍ରେ ପ୍ରଥମଟି ଓ ଦ୍ୱିତୀୟ ଶାବକଟିକୁ ୧୦ଟା ୪୦ ମିନିଟରେ ଜନ୍ମ ଦେଇଛି । ୨୦୧୨ ମସିହାରେ ନନ୍ଦନକାନନର ସାଧାରଣ ରଙ୍ଗର ବାଘୁଣୀ ସାରା ଓ ଧଳା ମହାବଳ ବାଘ ରିଷି ମିଳନରୁ ଜନ୍ମ ହୋଇଥିଲା ବାଘଣୀ ଅଙ୍କିତା । ଗତ ବର୍ଷ ଅକ୍ଟୋବର ୧ତାରିଖରେ ହାଇଦ୍ରାବାଦ ଚିଡିଆଖାନାରୁ ଆସିଥିବା ମହାବଳ ବାଘ ସୈଫ୍ ସହ ମିଳନରୁ ସାଧାରଣ ଭାରତୀୟ ରଙ୍ଗର ଶାବକ ଦୁଇଟିକୁ ଜନ୍ମ ଦେଇଛି ଅଙ୍କିତା । ଏହାସହ ନନ୍ଦନକାନନରେ ମୋଟ ବାଘ ସଂଖ୍ୟା ୨୬କୁ ବୃଦ୍ଧି ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଉଲ୍ଲେଖ ଥାଉଁ କି, ଗତକାଲି ରାତିରେ ନନ୍ଦନକାନନରେ ବାଘୁଣୀ ‘ଅଙ୍କିତା’ ନନ୍ଦନକାନନର ୨୮ ସି ଏନକ୍ଲୋଜର ମଧ୍ୟରେ ୨ଟି ଶିଶୁ ଶାବକ ଜନ୍ମ ଦେଇଛି। ଉଭୟ ଶିଶୁଙ୍କ ସ୍ୱାସ୍ଥ୍ୟ ଠିକ୍ ଥିବା ନନ୍ଦନକାନନ କର୍ତ୍ତୃପକ୍ଷ ସୂଚନା ଦେଇଛନ୍ତି । ଏହି ଦୁଇ ଶାବକଙ୍କୁ ମିଶାଇ ନନ୍ଦନକାନନର ବାଘ ସଂଖ୍ୟା ୨୬ରେ ପହଞ୍ଚିଛି ।ସେମାନଙ୍କ ମଧ୍ୟରୁ ୮ଟି ଧଳା ବାଘ( ୩ ଅଣ୍ଡିରା, ୫ ମାଈ) ଅଛନ୍ତି ।୧୬ଟି ସାଧାରଣ ରଙ୍ଗର ବାଘ ଥିବା ନନ୍ଦକାନନ କର୍ତ୍ତୃପକ୍ଷ ସୂଚନା ଦେଇଛନ୍ତି ।
୨୦୧୨ ମସିହାରେ ନନ୍ଦନକାନନର ସାଧାରଣ ରଙ୍ଗର ବାଘୁଣୀ ସାରା ଓ ଧଳା ମହାବଳ ବାଘ ରିଷିଙ୍କ ମିଳନରୁ ଜନ୍ମ ହୋଇଥିଲା ‘ଅଙ୍କିତା‘। ଏବେ ତାକୁ ୫ ବର୍ଷ ବୟସ ହୋଇଛି। ଗତ ବର୍ଷ ଅକେ୍ଟାବର ୧ ତାରିଖରେ ହାଇଦ୍ରାବାଦ ଚିଡିଆଖାନାରୁ ଆସିଥିବା ମହାବଳ ବାଘ ‘ସେଫ୍ ’ ସହିତ ମିଳନ ହୋଇ ଗର୍ଭଧାରଣ କରିଥିଲା। ଗର୍ଭ ଧାରଣ ପରେ ଅଙ୍କିତା ଉପରେ ସିସିଟିଭି ଜରିଆରେ ନଜର ରଖାଯାଇଥିଲା। ଗତକାଲି ରାତି ୧୦ଟା ୧୨ ମିନିଟରେ ପ୍ରଥମ ଶାବକ ଓ ୧୦ଟା ୪୦ ମିନିଟରେ ଦ୍ୱିତୀୟ ଶାବକକୁ ଅଙ୍କିତା ଜନ୍ମ ଦେଇଥିଲା । ଆଜି ସକାଳ୮ଟା ସୁଦ୍ଧା ଅଙ୍କିତା ଶାବକମାନଙ୍କ ଯତ୍ନ ଠିକ୍ ଭାବେ ନେଉଥିବା ସିସିଟିଭି ଫୁଟେଜରୁ ଜଣାପଡ଼ିଛି।