ଓଡ଼ିଶାର ନମ୍ବର-୧ ଏଫ୍.ଏମ୍. ରେଡିଓ ଚକଲେଟ୍ କଲେଜ ଛାତ୍ରଛାତ୍ରୀ ମାନଙ୍କ ବିବିଧ ପ୍ରତିଭାର ପରିପ୍ରକାଶ ପାଇଁ ଚକଲେଟ୍ ଅଲରାଉଣ୍ଡର ନାମକ କାର୍ଯ୍ୟକ୍ରମ ଆରମ୍ଭ କରିଛି । ଆଜି ଖୋର୍ଦ୍ଧାର ପ୍ରାଣନାଥ ସ୍ୱୟଂଶାସିତ ମହାବିଦ୍ୟାଳୟରୁ ଏହି ପ୍ରତିଯୋଗୀତା ଆରମ୍ଭ ହୋଇଛି ।

ସୂଚନା ଅନୁଯାୟୀ, ରେଡିଓ ଚକଲେଟ୍ ଦ୍ୱାରା ଆରମ୍ଭ ହୋଇଥିବା ଏହି ପ୍ରତିଯୋଗୀତାରେ ୫୦ ଜଣ ଛାତ୍ରଛାତ୍ରୀ ଭାଗ ନେଇଥିଲେ ଏବଂ ଛଅ ଶହରୁ ଅଧିକ ଛାତ୍ରଛାତ୍ରୀ ଉପସ୍ଥିତ ରହି ପ୍ରତିଯୋଗୀମାନଙ୍କୁ ଉତ୍ସାହିତ କରିଥିଲେ । ଆରଜେ ଅନିଲ, ଆରଜେ କୋମଲ, ଆରଜେ ନିଲଙ୍କ ପରିଚାଳନାରେ ପ୍ରତିଯୋଗିତାଟି ସୁଚାରୁ ରୂପେ ଶେଷ ହୋଇଥିଲା । କଣ୍ଠଶିଳ୍ପୀ ପ୍ରଜ୍ଞା ହୋତାଙ୍କ ସୁମଧୁର କଣ୍ଠ ସ୍ୱରରେ ପ୍ରତିଯୋଗୀତା ଆହୁରି ମନ୍ତ୍ରମୁଗ୍ଧକର ହୋଇ ପାରିଥିଲା । ପ୍ରତିଯୋଗିତାରେ ଶଶାଙ୍କ ଶେଖର, ନାରାୟଣ ନାୟକ ଏବଂ ସୌମ୍ୟାଶ୍ରୀ ଦାସ ଫାଇନାଲିଷ୍ଟ ଭାବରେ ବିବେଚିତ ହୋଇଥିଲେ ଏବଂ ଟେକନୋ ମୋବାଇଲସର ଇଷ୍ଟ୍ ଜୋନ୍ ମାର୍କେଟିଂଗ୍ ଅଫିସର୍ ରାକେଶ କୁମାର ପାଢ଼ୀଙ୍କ ଠାରୁ ଉପହାର ଗ୍ରହଣ କରିଥିଲେ । ଏହି ଇଭେଂଟର ପ୍ରଯୋଜକ ଥିଲେ ଅମ୍ବୃତ ୱାଟର, ଟେକନୋ ମୋବାଇଲସ୍, ଓରାଇମୋ, ଏଲ୍. ଆଇ. ସି., ଲକ୍ଷ୍ମୀ ମୋବାଇଲସ୍, ବରା କାକରା, ରାପିଡ଼ୋ ବାଇକ୍ ଟ୍ୟାକ୍ସି୍, ଏସ୍.ବି.ଆଇ, ସଫଲ, ହ୍ୱାଟସ କୁକିଙ୍ଗ୍ ।

ରେଡିଓ ଚକଲେଟର ଏହି ଇଭେଂଟରେ ମେଡ଼ିଆ ପାର୍ଟନ୍ର ସମ୍ବାଦ, କନକ ନ୍ୟୁଜ୍, ଓଡ଼ିଶା ସନଟାଇମସ ଓ ଆଉଟଡ଼ୋର୍ ପାର୍ଟନର ହିନ୍ଦୁସ୍ତାନ ଆର୍ଡ଼ଭାଟାଇଜିଙ୍ଗ୍ ଏଜେନ୍ସି । ଏହା ପରେ ଜୁପିଟର୍ +୨ ସାଇନସ କଲେଜ, ହାଇଟେକ୍ କଲେଜ, ଗୀତା ଇଂଜିନିୟରିଂ କଲେଜ, ସତ୍ୟସାଇ ମହିଳା ମହାବିଦ୍ୟାଳୟ, ସିଟି କଲେଜ କଟକ, କେ.ଏମ୍.ବି.ବି. ଇଂଜିନିୟରିଂ କଲେଜ, କିଟ୍ କଲେଜରେ ଏହି ଚକଲେଟ୍ ଅଲରାଉଣ୍ଡରର ପ୍ରତିଯୋଗୀତା ଅନୁଷ୍ଠିତ ହେବ ବୋଲି ରେଡିଓ ଚକଲେଟ୍ ତରଫରୁ ସୂଚନା ମିଳିଛି ।